प्रकाश 13:16 - राना थारु नयाँ नियम

¹⁶ दुस्रो राक्षस साधारण या खास, धनी या गरीब, कमैया या जो कमैया नाए हए सबए आदमीनके पहिलो राक्षसको नाउँ दाहिना हात या उनको माथोमे छाप लगानके ताहीं जबरजत्ती करी।

परमेस्वर को सच्चो वचन

¹⁶ और बौ जानवर, छोटे और बड़े, सेठ और गरीब, आजाद और दास सब लोगन के दहने हात मैं छाप लगाए दई।

प्रकाश 13:16 交叉參考

प्रेरित 26:22

पर आजको दिनतक मए परमेश्वरएसे मदत पाएरहो हओं। बहेमारे मए हिना भए छोटे-बणे सबएके गबाही देतए ठाणो हओं। अगमबक्ता और मोशाको कहो बचन नेहात्तओ पुरा होबैगो, करके कहान बारी बात बाहेक मए औ कछु फिर नाए कहो हओं।

1 कोरिन्थी 12:13

हम यहूदी होएसे फिर, ग्रीक भाषा मस्कन बारे होएसे फिर, कमैया होएसे फिर, स्वतन्त्र होएसे फिर हम एकए पबित्र आत्मा द्वारा बप्तिस्मा पाएके कारणसे एकए शरीर भए हएं और हम सबए एकए आत्मा पाए हएं। जैसे हम सब एकए कटोरा मैसे पिइत हएं।

गलातियों 3:28

काहेकी हम सब येशू ख्रीष्टमे अपनो भरोसा धरे हएं, जाकेमारे परमेश्वर हम सबके एक बरोबर देखत हए। जहेमारे ग्रीक भाषा मस्कन बारे समुह और यहूदीमे कोइ अन्तर नाए हए; नए कोइ कमैया, नए छुटकारा बारे; नए कोइ पुरुष, नए बैयर; काहेकी तुम सब येशू ख्रीष्टमे एक हओ।

गलातियों 6:17

अब कोइ मोके दुख नाए देए, काहेकी मेरे शरीरमे जो दाग हए, बे दाग जा दिखात हएं, कि मए येशूको एक चुनो भओ चेला हओं।

इफिसियों 6:8

काहेकी तुम जान्त हओ, कि जो कोइ जैसो अच्छो काम करैगो, चहुँ दास होए चहुँ स्वतन्त्र आदमी, बोको पुरुस्कार बो प्रभुसे पाबैगो।

कलस्सी 3:11

जहेमारे एक ग्रीक और यहूदीनके बीचमे कोइ भेदभाब नाए हए। नए खतना करोभओ, नए त बिना खतनाको; नए असभ्य, नए त बिदेशी; नए नोकर, नए त बो जो नोकर नाए हए। पर ख्रीष्ट इकल्लो एक हए जो महत्त्वपूर्ण हए, और बा अपन सब आदमीनमे रहात हए।

2 तिमोथी 3:8

जे झुठे गुरु ख्रीष्टके बारेमे सच्चो सन्देशके घोषणा करनसे रोकनको कोसिस करत हएं, जैसे यान्नेस और याम्ब्रेस मोशाकी बिरोध करी रहएं। उनकी दिमाग भ्रष्ट हएं और बे नेहात्तओ ख्रीष्टमे भरोसा नाए करत हएं।

प्रकाश 11:18

बे गैर-यहूदी बहुत गुस्साने हएं जो तुमर उपर बिश्वास नाए करत हएं, अब समय आइगओ हए, कि तुम अपनो गुस्सा दिखाबओ और बे सबको न्याय करनको समय आइगओ हए, जो मरिगए हएं। अब बो समय फिर हए जब तुम बे अगमबक्तनके प्रतिफल देबैगे जो तुमर सेवा करत हएं और बे सब आदमीनके जो तुमर सम्मान करत हएं, जो कमजोर हएं और जो शक्तिशाली हएं और उनके जौननके महत्त्वपूर्ण मानो जातहए और जौननके महत्त्वपूर्ण नाए मानो जातहए, जब बहे समय तुम उनके नाश करदेबैगे जौन पृथ्वीमे बिनाश करीहए।”

प्रकाश 15:2

तओ मए कुछ देखो, जो समुन्दर कता दिखात रहए, जो फुलको बर्तन कता चम्कनडटो रहए और बोमे आगी फिर मिलो रहए। मए बे आदमीनके फिर देखो, जो राक्षससे जिते रहएं। बे राक्षसको और बोको मूर्तिको आराधना नाए करी रहएं, और उनमे राक्षसको नाउँको संख्याको छाप नाए लगाओगओ रहए। हुवाँ बे, बो समुन्दर किनारे ठाणे रहएं, और बे सब एक बिणा पक्णे रहएं जो परमेश्वर उन्हएं दइ रहए।

प्रकाश 19:18

आओ और राजनको, कप्तानको, शक्तिशाली सिपाहीनको, घोडा और बोमे बैठन बारेनको बुट्टी खाओ। तुम सब मरे भए आदमीनको अर्थात् कमैया और स्वतन्त्र, साधारण और महत्तोपूर्ण आदमीनको बुट्टी खाए सकत हओ।”

प्रकाश 19:20

तओ बो राक्षस और बोके सँगमे दुस्रो राक्षस फिर पक्णोगओ, बो झुठो अगमबक्ता राक्षसको तरफसे अचम्मोके चिन्हा दिखाइ और सबए आदमीनके धोखा दइ, जौन राक्षको छाप लगाए रहएं, और जौन बोको मूर्तिके आराधना करे रहएं। जे दुनौ आगी और गन्धकको कुण्डामे जिन्दए फेँकेगए।

प्रकाश 19:5

और तओ मए कोइके मस्कत सुनो, और अइसो लागो, कि जा अबाज परमेश्वरको सिंहासनसे आओ रहए। बा कही, “हे हमर परमेश्वरके सेवक और तुम जो बाको डर मानत हओ, चहुँ साधारण पदके होओ या चहुँ महत्तोपूर्ण पदके होओ, बाको आदर करओ। परमेश्वरको प्रसंसा करओ!”

प्रकाश 20:12

और मरे भए आदमीनके सिंहासनके अग्गु ठाणे देखो, अथवा बे, जो साधारण और महत्त्वपूर्ण रहएं। बे, जो समुन्दरमे डुबके मरे रहएं, और पाताल फिर चिहानमे भए सबए मरे भए आदमी, और बे सब जो मरे भए आदमीनके ठिहामे रहएं, बे सब बो सिंहासनके अग्गु ठाणे। बो जीबनको किताब खुलोगओ जोमे बे आदमीनको नाउँ लिखो रहए, जोके सँग कभी फिर अन्त नाए होन बारो जीबन रहए। बो जीबनको किताब फिरसे खुलोगओ जोमे आदमी जो-जो काम करी रहएं बो लिखो रहए। और हर आदमी जो करी रहएं, बोके अनुसार उनको न्याय करोगओ, जो बो किताबमे लिखो रहए।

प्रकाश 20:4

और फिरसे मए कुछ सिंहासन देखो, जोमे बैठन बारेनको मुण कटो गओ रहए, काहेकी बे येशूको सन्देश और परमेश्वरको बचनके परचार करी रहएं। जे राक्षस या बोको मूर्तिको आराधना नाए करी रहएं, और जे अपनो माथोमे और हातनमे राक्षसको छाप नाए लगाए रहएं। बे फिरसे जिन्दा भए रहएं और सिंहासनमे बैठे रहएं। परमेश्वर बिनके राज्य करनके अधिकार दइ, और बे ख्रीष्ट सँग एक हजार बर्षतक राज्य करीं।

प्रकाश 6:15

परिमाण स्वरूप, पृथ्वीसे सब आदमी, जौनमे राजा, सासक, सेनापति, धनी, अधिकारी, हर एक कमैया और जो आदमी गुलामी नाए करत हएं और औ सबए आदमी पहाडके गुफा और चट्टानमे लुकिगए;

प्रकाश 7:3

“जब तक हम अपने परमेश्वरके दासनके माथोमे मोहरको छाप नाए लगाए देएं ताकी बे बेहीं बिपत्तिसे पिडित नाए होमएं, तबतक पृथ्वी, समुन्दर और रुखनके नुक्सान मत् पुगैयओ।”