प्रकाश 12:9 - राना थारु नयाँ नियम

⁹ जहेमारे अजिंगर और बक अधिनमे आन बारेनके पृथ्वीमे फेँको गओ। जा बडो अजिंगर बहे हए, जो बहुत समय पहिले साँपके रुपमे दिखाइ दइ रहए, जोसे शैतानको दूत या दोष लगान बारो फिर कहोजात हए। जा बहे हए जो जा संसारके आदमीनके धोखा देत आओ हए।

परमेस्वर को सच्चो वचन

⁹ विसाल अजगर कै बाहर फेंक दौ गौ, बौ पुरानो साँप, जोको नाओं इब्लीस या सैतान रहै, जो पूरी दुनिया कै धोका दई रहै। बौ और बाके सब दूतन कै बाके संग पृथ्वी मैं फेंक दौ गौ।

प्रकाश 12:9 交叉參考

मत्ती 13:39

जौन दुस्मन उवाजओ बोइ बो शैतान हए; कटनी बे समयके जनात हए जब संसारके अन्त हुइ जाइगो; और काटन बारे स्वर्गदूत हएं।

मत्ती 24:24

काहेकी झुठे ख्रीष्ट, और झुठे अगमबक्ता आमंगे, और हुइ सकत, कि बे चुनेभएनके फिर भणकानके ताहीं बणे-बणे चिन्हा और चमत्कारको काम दिखए हएं।

मत्ती 25:41

तओ मए दिब्रा घेनके आदमीनसे कएहओं, ‘हे सरापित आदमी, मिर अग्गुसे बो कभी फिर अन्त नाए होन बारो आगीमे चलेजाओ, जो शैतान और शैतानको दूतनके ताहीं परमेश्वर तयार करीहए।

मत्ती 4:1

तओ पिच्छु शैतानसे येशूको परीक्षा होन लागो तओ पबित्र आत्मा येशूके तुरन्त जंगली इलाकामे लैगओ।

मत्ती 4:10

तओ येशू शैतानसे कही, “शैतान तए दुर हुइजा! काहेकी पबित्र-शास्त्रमे लिखो हए, तए परमप्रभु अपन परमेश्वरके आराधना करिए, और बाको इकल्लो सेवा करिए।”

मत्ती 4:5

तओ शैतान येशूके पबित्र सहर यरूशलेमको मन्दिरकी चुटियामे ठणबाइ,

मत्ती 4:8

फिर शैतान येशूके एक उँचो पहाडमे लैजाएके संसारको सब राज्य और संसारको सम्पति येशूके दिखाइ,

लूका 10:18

तओ येशू बिनसे कही, “जब भुत तुमर बात मानीं, तओ मए शैतानके इक्बरी स्वर्ग मैसे बिजुली गिरो कता देखो।

लूका 13:16

और का, जा ठिक नाए रहए, कि जा बैयर, जो अब्राहामको सन्तान हए, जौनके शैतान अठारा सालसे बाँधे रहए और पबित्र दिनमे जा बन्धनसे बो मुक्त होबए?”

लूका 22:3

और बहे बेरा बाह्र चेला मैसे यहूदा इस्करियोत कहान बारोके भितर शैतान घुसिगओ।

लूका 22:31

येशू कही, “सिमोन, ए सिमोन, देख, जैसे एक किसान गेहुँ मैसे भुसाके अलग करत हए। उइसी परमेश्वरसे, शैतान तुम सबके जाँचनके ताहीं अच्छे आदमीनके खराब आदमीन मैसे अलग करनके ताहीं अनुमति लैलै हए।

लूका 8:12

अगर कोइ दुस्रे जनैके बचन सुनात हए कहेसे, बो किसानदारके बिज छिँटनो हानी हए। कोइ मनै बो डगर कता हएं, जोमे कोइ बिज गिरे होत हएं। जब बे बचन सुनत हएं, तओ शैतान आत हए और उनको मन मैसे सुनो भओ बचनके लैचलो जातहए। तभीमारे बे बिश्वास नाए करत हएं और बचे नाए जातहएं।

यूहन्ना 12:31

अब येशूके द्वारा जा संसारको सासक शैतानकी शक्तिके न्याय करनको समय आइगओ हए।

यूहन्ना 14:30

मेरे ठिन तुमसे बात करनके ताहीं जद्धा समय नाए हए, काहेकी संसारको सासक शैतानको शक्ति आनडटो हए। और बोको शक्ति मोके कुछु नाए कर्पएहए।

यूहन्ना 16:11

सल्लाहकार पापके बारेमे याद दिलाबैगो जाकेमारे, कि परमेश्वर पहिलीयएसे संसारको सासक शैतानकी शक्तिके दोषी ठहिराए डारी हए।”

यूहन्ना 8:44

तुम अपनो दौवा शैतानके सन्तान हओ, और तुम अपन दौवाको इच्छा पुरा करन तयार हओ। बो त सुरुसे ज्यानमारा रहए, बो त कभी फिर सच्चो नाए रहए काहेकी बोमे सत्य नाए रहए। जब बो ठगत हए तओ अपन चरित्र अनुसार मस्कत हए। काहेकी बोमे सत्य नाए हए, बहेमारे बो त ठगन बारेनको दौवा हए।

प्रेरित 26:18

ताकी बिनको आँखी खुलए, और बिनके अन्धयारोसे उजियारोमे और शैतानको शक्तिसे परमेश्वर घेन घुमाए पाबए। तओ बे परमेश्वर घेनसे पाप क्षमा पामंगे और मिर उपर बिश्वास करके बे परमेश्वरके चुने भए जनके सँग संगतीमे बैठन पामंगे।’

प्रेरित 5:3

तओ पत्रुस कही, “ए हननिया, जौन शैतान तेरे मनमे पबित्र आत्मासे झुठ मस्कन बारो बिचार डारी हए और तए जो जमिन बेँचो हए बहे दामको एक भाग अपने ताहीं धरलओ हए।

रोमियों 16:18

काहेकी अइसे आदमी हमर प्रभु येशू ख्रीष्टके नाए हएं पर अपने सरीरिक इच्छाके ताहीं सेवा करत हएं। और मिठी-मिठो शब्द और अच्छी बात करके निर्दोष आदमीनके धोखा देत हएं। अइसियए बे निर्दोष आदमीनके धोखा देत हएं।

रोमियों 16:20

शान्तिको परमेश्वर शैतानके नाश करदेबैगो और बोके तुमर अधिनमे करदेबैगो। हमर प्रभु येशू ख्रीष्टको अनुग्रह तुमर सँग रहातए रहाबए।

2 कोरिन्थी 11:14

और जा कोइ अचम्मोको बात नाए हए, काहेकी शैतान फिर परमेश्वरको महिमित स्वर्गदूतके भेष लैके धोखा दइ रहए।

2 कोरिन्थी 11:3

पर जैसे शैतान साँपके रुपमे अपनी चलाँकीसे पहिले बैयर हव्वाके छली, उइसीयए ख्रीष्ट घेनको तुमर निष्कपट और बाको सेवासे तुमर बिचार भ्रममे पणहएं कि कहिके मोके डर लागो हए।

2 कोरिन्थी 12:7

पर परमेश्वर दिखाओ भओ प्रशस्त प्रकाशके बारेमे घमण्डसे मए जद्धा नाए फुलओं कहिके मोके सतानके और घमण्डसे रोकनके शैतानको दूत बहुत अग्ठो समस्या अर्थात् एक काँटोसे छेदन बारो एक पिडा दओगओ।

2 कोरिन्थी 2:11

ताकी शैतान हमर उपर मौका नाए पाबए, काहेकी हमके पाप करन लगान बारो सबए योजना बोके पता हए।

2 कोरिन्थी 4:4

और जा संसारको देवता, शैतान बे गैर-बिश्वासीनको बुद्धिन्के अन्धरा बनाए दइ हए, ताकी बे ख्रीष्टको महिमाके बारेमे अच्छो समाचारसे आओ भओ ज्योति देख पामएं, जौन परमेश्वर कैसो हए कहिके दिखात हए।

इफिसियों 4:14

जहेमारे, अबसे हमके बच्चा कता नाए होन हए, और हम बे नैयाँके कता नाए होमएं जौनन्के लणुरा अग्गु-पच्छु ढकेलत हए और हबा इतएउतए घुमात हए। जाको अर्थ जा हए, कि चलाँख और ठगिया आदमी अब अपनी झुठी शिक्षासे हमके धोखा नाए दइपए हएं।

2 थेसलोनिकी 2:3

पर तुम बे सब गलत बातमे बिश्वास मत् करओ, जो आदमी येशू ख्रीष्टके आनके बारेमे तुमके बताए रहे हएं। प्रभु येशूके लौटके आनसे अग्गु बो दुष्ट आदमी प्रकट नाए भएतक, एक अइसो समय आबैगो जब बहुत आदमी परमेश्वरको बिरुद्धमे बिरोध करंगे।

1 तिमोथी 2:14

दुस्रो कारण हए, आदम और जहे बैयर हव्वा रहए जौनके साँप धोखा दइ, नाएकी आदमके। और अइसियए हव्वा परमेश्वरको नियमके तोडी।

2 तिमोथी 3:13

पर दुष्ट आदमी और बे धोखेबाज आदमी औ जद्धा दुष्ट काम करंगे। बे आदमी प्रभुके धोखा देमंगे और बे अपनए दुस्रेके द्वारा धोखा खामंगे।

हिब्रू 2:14

काहेकी परमेश्वर जौननसे लौंणालौंणीया कही, बे आदमी हएं। येशू हर किसिमसे हमरी हानी भओ और आदमी हुइके आओ, ताकी बाको मृत्युके माध्यमसे, मृत्युके उपर अधिकार भओ शैतानके नष्ट कर पाबए।

1 पतरस 5:8

होस करओ, जगे रहाओ, काहेकी तुमर दुश्मन शैतान आदमीनके नष्ट करनके ताहीं चारौ तरफ घुमरहे हएं। बे गर्जन बारो बघटा कता कौनके पामओं और खामओं कहिके दावमे घुमरहे हएं।

1 यूहन्ना 5:19

हम जानत हएं, हम परमेश्वरके सन्तान हएं, और सारा संसार बो शैतानके कब्जामे पणो हए।

यहूदा 1:9

पर प्रमुख स्वर्गदूत फिर, परमेश्वरको आज्ञा नाए मानन बारे जे आदमीन कता नाए करी। जब शैतान, मिखाएलसे अगमबक्ता मोशाको शरीरके गाडन अधिकार कौनको हए कहान बारो बातमे बहस करी रहए। मिखाएल ठिन जे आदमीनसे जद्धी अधिकार होएसे फिर शैतानके बो खराब बात नाए कही, और बोके दोष नाए लगाइ। बल्कि, बो अइसे इकल्लो कही, “प्रभु तोके हप्काबए।”

प्रकाश 12:12

जहेमारे तुम सब जो स्वर्गमे रहात हओ, तुम्हएं आनन्दित होनके चाहो। पर तुम जो पृथ्वीमे और समुन्दरमे रहात हओ, तुम भयानक रितिसे पिडित होबैगे। काहेकी शैतान तुमर ठिन तरे गओहए, और बोको मन गुस्सासे भरोहए। काहेकी बो जानत हए, कि बोके ठिन काम करनके ताहीं जद्धा समय नैयाँ।”

प्रकाश 12:3

बादरमे एक और चिन्हा दिखाइ दइ, एक बहुत बडो अजिंगर रहए, जो शैतान हए। जौनके सात मुण और दश सिंग रहएं, और बक मुणमे सात मुकुट रहएं।

प्रकाश 12:7

परमेश्वरके मुख्य दूत मैसे एक, जौनको नाउँ मिखाएल हए, अपने अधिनमे आन बारे औ स्वर्गदूतनके सँग अजिंगरके बिरुद्ध हमला करी। और अजिंगर और बक दूत मिखाएलके बिरुद्ध लडाइ लडी,

प्रकाश 12:8

अजिंगर युद्ध हारिगओ। अजिंगर और बक अधिनमे आन बारे दूत स्वर्गसे बाहेर निकारेगए।

प्रकाश 13:14

पहिलो राक्षसको शक्तिसे अचम्मोके काम करेके कारणसे बहुत आदमी दुस्रो राक्षससे प्रभाबित भए और धोखा पाइं। दुस्रो राक्षसके द्वारा आदमीनसे कहोगओ, कि बे पहिलो राक्षसको पुजा करनके ताहीं एक मूर्ति बनामएं, जो हथियारसे अध्मरा हुइगओ रहए, पर फिरसे अच्छो हुइगओ रहए।

प्रकाश 16:14

तीन भुतके सँग अचम्मो काम करन क्षमता रहए और बे जा संसारके सब देशमे शासन करन बारेनके जमा करीं, ताकी बे सर्बशक्तिमान प्रभु परमेश्वरको महान दिनमे बाके बिरुद्धमे लणाइ लणन जाए पामएं।

प्रकाश 18:2

बो शक्तिशाली अबाज निकारके अइसे कही: “अब नाश हुइगओ! बेबिलोनको बो प्रख्यात सहर अब नाश हुइगओ। आज हर मेलके भुत हुवाँ रहानके ताहीं चले जामंगे, और जा अशुद्ध और घृणित राक्षसको बासस्थान होबैगो।

प्रकाश 18:23

फिरसे कभी फिर आदमी तोएमे एक दियाको उजियारोके चम्कत नाए देखंगे। फिरसे कभी फिर बेहा होन बारे एक लोग और बैयरकी अबाज नाए सुनंगे। हुवाँके ब्यपारी पुरे संसारमे सबसे शक्तिसाली रहएं। और संसारके सब जाति हुवाँके जादुगरनसे छले गए।

प्रकाश 19:20

तओ बो राक्षस और बोके सँगमे दुस्रो राक्षस फिर पक्णोगओ, बो झुठो अगमबक्ता राक्षसको तरफसे अचम्मोके चिन्हा दिखाइ और सबए आदमीनके धोखा दइ, जौन राक्षको छाप लगाए रहएं, और जौन बोको मूर्तिके आराधना करे रहएं। जे दुनौ आगी और गन्धकको कुण्डामे जिन्दए फेँकेगए।

प्रकाश 2:13

मए जानत हओं, कि तए शैतानको सिंहासनके अधिनमे हए, पर अइसो होतए-होत तए मोएमे अपनो बिश्वासके मजबुत करो हए, और तए मिर शिक्षनके नाए छोडो हए। हियाँतककी, तहुँफिर नाए छोडो, जब बहुत समय पहिले एन्टिपासको हत्या करोगओ रहए। बो मिर बचनके परचार करनमे बिश्वासयोग्य रहए, जहेमारे बोके तेरे सहरमे मारडारीं जो शैतानके अधिनमे हए।

प्रकाश 2:24

पर थिआटीरा सहरमे तुम बाँकी आदमी बो झुठो शिक्षाके नाए माने हओ। तुम बे बातनके स्वीकार नाए करेहओ जौनके बे कहात हएं, “बहुत महत्त्वपूर्ण चीज जो शैतान देतहए।” मए तुमसे कहात हओं, कि मए औ कुछ महत्त्वपूर्ण आदेश तुमके नाए कहामंगो, जा बाहेक कि तुम मोएमे मजबुत हुइके बिश्वास करे रहाओ जब तक मए नाए अएहओं।

प्रकाश 2:9

मए जानत हओं, कि तोके सतावगओ हए और तए गरीब हए। पर आत्मिक मामलामे तए बहुत धनवान हए। मए बे आदमीनके बारेमे जान्त हओं, जो दाबि करत हएं कि बे यहूदी हएं, पर बे सच्चे यहूदी नाए हएं। बे तेरे बातके बदनाम करत हएं, पर बास्ताबमे बे बहे समुहके सदस्य हएं जो शैतानको हए।

प्रकाश 20:10

तओ बे शैतानके, जौन जे सब आदमीनके धोखा दइ रहए, बोके बो ठिहा फेँकदइं जहाँ गन्धक और आगी पज्रत हए। बो बहे ठिहामे होबैगो, जहाँ बे पहिलीएसे राक्षस और झुठो अगमबक्तनके फेँकी रहएं। आगी बे सबके रातदिन रोज तड्पाबैगो।

प्रकाश 20:8

और बो जाति-जातिके आदमीनके धोखा देनके ताहीं बाहिर आबैगो जो सबए संसारमे फैलेहएं। जे देशनके गोग और मागोग कहोजात हए। शैतान बे सबके एक ठाउँमे इकट्ठा करैगो जहाँ बे लणंगे। हुवाँ समुन्दरको रेता कता इतनो जद्धा होमंगे, कि कोइ फिर बिनके गिन नाए पामंगे।

प्रकाश 3:9

बे आदमी जौन शैतानको एक समुहके सदस्य हएं, बे दाबी करत हएं कि बे यहूदी हएं पर बे सच्चे यहूदी नाए हएं और बे ठगरहे हएं। मए अइसो करंगो, कि बे आएके तेरे चरणमे पणके ढोगंगे। और मए तोके प्रेम करत हओं कहान बारी बात बे पता पामंगे।

प्रकाश 9:1

तओ पाँचौँ स्वर्गदूत अपन तुरही फुँकी, और मए एक तारा बादरसे पृथ्वीमे गिरनडटो देखो, जो ताराके कुन्जी दओगओ जौन गहिरो कुण्डा खोदन सिकत हए, जौनको गहिराइको कोइ अन्त नाए हए।

प्रकाश 9:20

और बाँकीके आदमी, जो बे हानिकारक घोडनके द्वारा नाए मारे गए, बे अपनी सोनो, चाँदी, पितर, पत्थर और लकणीकी मूर्तिके पुजा करनके नाए छोडीं, जो बे बनाइ रहएं। जे मूर्ति नए देख पातहएं, नए सुनपात हएं और नए नेँगपात हएं। बे भुतनके फिरसे आराधना करनके नाए छोडीं।