प्रकाश 12:7 - राना थारु नयाँ नियम

⁷ परमेश्वरके मुख्य दूत मैसे एक, जौनको नाउँ मिखाएल हए, अपने अधिनमे आन बारे औ स्वर्गदूतनके सँग अजिंगरके बिरुद्ध हमला करी। और अजिंगर और बक दूत मिखाएलके बिरुद्ध लडाइ लडी,

परमेस्वर को सच्चो वचन

⁷ फिर स्वर्ग मैं लड़ाई छिड़ गई, मीकाईल और बाके दूत अजगर से और बाके दूतन से लड़ीं;

प्रकाश 12:7 交叉參考

मत्ती 13:41

मए, आदमीको लौंणा अपन स्वर्गदूत पठामंगो, और बे पाप करन लगान बारे हरएक कारणके और दुष्ट काम करबान बारे सबएके परमेश्वरको राज्यसे हटाएदेमंगे।

मत्ती 16:27

काहेकी आदमीको लौंणा अपन दौवाके महिमामे अपन स्वर्गदूत सँग अएहए, और बो बेरा बा हरएक आदमीनके बोको काम अनुसार प्रतिफल देहए।

मत्ती 24:31

बा अपन स्वर्गदूत तुरहीको बडो अबाजके साथ पठाबैगो, और बे बादरके जा छोरसे लैके बो छोरतक चारौ घेनसे अपन चुनेभएनके इकट्ठा करंगे।”

मत्ती 25:41

तओ मए दिब्रा घेनके आदमीनसे कएहओं, ‘हे सरापित आदमी, मिर अग्गुसे बो कभी फिर अन्त नाए होन बारो आगीमे चलेजाओ, जो शैतान और शैतानको दूतनके ताहीं परमेश्वर तयार करीहए।

मत्ती 26:53

तुम का मानत हओ, का मए अपन दौवासे बिन्ती नाए करपए हओं, और का बा तुरन्त स्वर्गदूतनको बाह्र पल्टनसे जद्धा मिर ताहीं नाए पठाए देहए?

2 कोरिन्थी 12:7

पर परमेश्वर दिखाओ भओ प्रशस्त प्रकाशके बारेमे घमण्डसे मए जद्धा नाए फुलओं कहिके मोके सतानके और घमण्डसे रोकनके शैतानको दूत बहुत अग्ठो समस्या अर्थात् एक काँटोसे छेदन बारो एक पिडा दओगओ।

इफिसियों 6:12

काहेकी हमर जा युद्ध आदमीनके बिरुद्ध नाए लडरहे हएं पर अधिकारीन्से और जा संसारके अन्धकारके सासकन्से और खराब आत्मिक शक्तिन्से हए, जो बादरमे हए।

2 थेसलोनिकी 1:7

और जो दु:ख तुम उठाए रहेहओ, और हम फिर उठाए रहे हएं, परमेश्वर बे सब दु:खके रोक देबैगो; जा तब्ही होबैगो जब प्रभु येशू अपने शक्तिशाली स्वर्गदूतके सँग आगीकी लहरसे घिरो भओ स्वर्ग मैसे आबैगो।

हिब्रू 2:10

परमेश्वर सब चीज सृष्टि करी और सब चीज बहेके हएं। जहेमारे बहुत आदमीनके बाको महिमामे सहभागी होन लैजानके ताहीं परमेश्वर निर्णय करी, कि मुक्तिको संस्थापक प्रभु येशूके दु:ख-भोगके माध्यमसे सिद्ध बनानो सही हए।

2 पतरस 2:4

तुमके पता हए, कि बहुत समय पहिले जब शैतानको दूत परमेश्वरकी बिरुद्धमे पाप करीं, तओ बा उनको करोगओ कामके कारण दण्ड दइ। तओ परमेश्वर बिनके नरकमे फेक दइ। और परमेश्वर उनके न्याय और दण्ड देन दिनतक बिनके बा अंधियारो जेलमे डारदइ।

यहूदा 1:9

पर प्रमुख स्वर्गदूत फिर, परमेश्वरको आज्ञा नाए मानन बारे जे आदमीन कता नाए करी। जब शैतान, मिखाएलसे अगमबक्ता मोशाको शरीरके गाडन अधिकार कौनको हए कहान बारो बातमे बहस करी रहए। मिखाएल ठिन जे आदमीनसे जद्धी अधिकार होएसे फिर शैतानके बो खराब बात नाए कही, और बोके दोष नाए लगाइ। बल्कि, बो अइसे इकल्लो कही, “प्रभु तोके हप्काबए।”

प्रकाश 12:8

अजिंगर युद्ध हारिगओ। अजिंगर और बक अधिनमे आन बारे दूत स्वर्गसे बाहेर निकारेगए।

प्रकाश 12:9

जहेमारे अजिंगर और बक अधिनमे आन बारेनके पृथ्वीमे फेँको गओ। जा बडो अजिंगर बहे हए, जो बहुत समय पहिले साँपके रुपमे दिखाइ दइ रहए, जोसे शैतानको दूत या दोष लगान बारो फिर कहोजात हए। जा बहे हए जो जा संसारके आदमीनके धोखा देत आओ हए।

प्रकाश 13:7

राक्षसके अपने बारेमे घमण्डको बात करनको अधिकार दओगओ, ताकी पबित्र आदमीनसे लडए, और उन्हएं हराए देबए। और बोके संसारके हर जाति, कुल, राष्ट्र और भाषाके आदमीनमे अधिकार दओगओ।

प्रकाश 20:2

और बो बहे बडो अजिंगरके पक्णी जो बहे रहए जौनके बहुत समय अग्गु एक साँपके रुपमे देखा पणो रहए, जौनके शैतान फिर कहोजात हए। बो बोके सँकारसे बाँधी और गहिरो कुण्डामे फेँकदइ। तओपिच्छु बो बोके बन्द करदइ और ढोकामे मोहर लगाए दइ ताकी एक हजार बर्ष पुरा होनतक बोके ठिन जाति-जातिके आदमीनके धोखा देन बारो कोइ तरिका नाए होबए। जब बो पुरा होबैगो, तओ बोके फिरसे कैदसे कुछ समयके ताहीं इकल्लो छुटाओ जाबैगो।