फिलिप्पी 2:14 - राना थारु नयाँ नियम

¹⁴ बिना दिक्काएके और बिना बिबादसे सब काम करओ।

परमेस्वर को सच्चो वचन

¹⁴ सब कछु बिना सिकायत या बहस के करौ,

फिलिप्पी 2:14 交叉參考

मत्ती 20:11

जब देहाणी मिली, तओ बे जमिनदारके बारेमे बरबरात कहान लागे।

मर्कूस 14:5

काहेकी जा जटामसीको तेल सओ सिक्कामे बेँचो जाए सकत रहए और गरीबनके बाँटो जाए सकत रहए। और अइसीयए, बे बोके बहुत डाटीं।

मर्कूस 9:14

जब येशू और बाके तीन चेला दुस्रे चेलनके ठिन पहाडसे घुमके आए, एक बहुत बणी भिड बिनके घेरीं और बिनके सँग मोशाको नियम कानुन सिखान बारे आदमी बहस करत बे देखीं।

लूका 5:30

फरिसीनको समुह और मोशाको नियम कानुन सिखान बारे आदमी येशूके, चेलनके बिरुद्धमे अइसो कहिके काहान लागे, “तुम कर उठान बारे और पापीनके सँग काहे खानपिन करत हओ?”

प्रेरित 15:2

अइसो मेलको शिक्षा सुनके पावल और बारनाबास उनके सँग बहुत तर्क करीं। जहेमारे हुनाके भइया पावल, बारनाबास और औ जनैके जा प्रश्नको फैसलाके ताहीं चुनेभए चेला और मण्डलीको अगुवा ठिन यरूशलेम सहरमे पठानके निर्णय करीं। बे, यरूशलेम सहरमे रहान बारे चुनेभए चेला और मण्डलीके औ अगुवनके सँग बात करके बोके बारेमे फैसला करन आदेश पाइं।

प्रेरित 15:39

बो बातमे पावल और बारनाबासके बीचमे बहुत बिबाद भओ और बे एकदुस्रेसे अलग हुइगए। बारनाबास, मर्कूस कहान बारो यूहन्नाके लैके समुन्दरको डगर हुइके साइप्रस टापू घेन गओ।

प्रेरित 15:7

बहुत बिबाद होनके बाद पत्रुस उठके कही, “हे बिश्वासी ददाभइया, तुमके पतए हए, गैर-यहूदी आदमी प्रभु येशूको अच्छो समाचार सुनके बिश्वास करके मुक्ति पामएं कहिके परमेश्वर मोके तुमर बीचसे बहुत समय अग्गु छानी रहए।

प्रेरित 6:1

बे दिनन्मे चेलनको संख्या बढतए गओ, तओ हिब्रू भाषा मस्कन बारे आदमीनके बिरुद्धमे ग्रीक भाषा मस्कन बारे यहूदी चेला गनगन करन लागे, कि प्रत्येक दिन खान बारी चीज बाँटत पेती बिनके बिधुवनको वास्ता नाए भओ।

रोमियों 12:18

हुइ सिकत हए कहेसे सबके सँग शान्तिमे मिल्के बैठओ।

रोमियों 14:1

बिश्वासमे कमजोर भओ आदमीके बोको मान्यतनके बारेमे कुछु फिर शंखा बिना बोके ग्रहण करओ, पर बिनको बिश्वास तुमर बिश्वाससे फरक हए कहेसे बिनको अलोचना मत् करओ।

रोमियों 16:17

अब हे मेरे ददाभइयओ, मए तुमसे बिन्ती करत हओं, कि बे आदमी जो लडाइ करबात हएं, और जो आदमीनके गलत बातमे बिश्वास कारनके लागत हएं जो तुमर सिखो भओ शिक्षाके बिरुद्धमे हए, उनसे साबधान रहाओ, और उनसे दुर रहाओ।

1 कोरिन्थी 10:10

और हमके गनगन करन फिर नाए पणो, जौन रितिसे उन मैसे कितने आदमी गनगन करीं, तओ परमेश्वर एक दुत पठाइ और उनके मारडारी।

2 कोरिन्थी 12:20

काहेकी मोके डर हए, कहुँ अइसो नाए होए, कि मए आएके जैसो चाँहत हओं, उइसो तुमके नाए पामओं। और मोके फिर जैसो तुम नाए चाँहत हओ उइसीयए पाबओ। मोके डर हए, कि तुममे लडाइ, डाह, क्रोध, स्वार्थ, बिजरो, चुग्ली, घमण्ड और गोलमाल हुइ सकत हए।

गलातियों 5:15

पर अगर तुम लगातार एक-दुस्रेसे लणत रहात हओ, और एक-दुस्रेके परेसान करतए रहात हओ कहेसे होसियार रहओ, तुम एकदुस्रेके बर्बाद मत् करओ।

गलातियों 5:26

हम एक-दुस्रेके सँग घमण्ड करन बारे, गुस्सा करन बारे और ईर्ष्या करन बारो काम नाए करन पणतहए।

फिलिप्पी 2:3

स्वार्थ और घमण्डके ताहीं कुछ मत् करओ, पर नम्र हुइके एक-दुस्रेके अपनेसे जद्धा जरुरी समझओ।

1 थेसलोनिकी 5:13

और जो कुछ तुमर ताहीं करत हएं, बहेमारे उनको बहुत आदर करओ, और उनके बहुत प्रेम करओ, और एक-दुस्रेमे मेलमिलापसे रहाओ।

1 थेसलोनिकी 5:15

जा याद करओ, कि कोइसे फिर खराबको बदला खराब नाए करए; बल्कि तुमके हमेसा एकदुस्रेके ताहीं और सबके ताहीं भलो काम करनके कोसिस करन पणो।

हिब्रू 12:14

सबए आदमीनके सँग शान्तिमे बैठन और पबित्र जीबन जीइन कोसिस करओ, पबित्रता बिना कोइ आदमी परमप्रभुके नाए देखपएहए।

याकूब 1:20

काहेकी जब कोइ आदमी गुस्सा करत हए, तओ बो बहे धार्मिक तरिकासे नाए रहिपात हए, जो परमेश्वरके खुसी करत हए।

याकूब 3:14

पर अगर तुम अपने-अपने मनमे बहुत जलन होनो और स्वार्थ हए, कहेसे तुमर घमण्ड एक झुटो हए, जौन सच्चाईके लुकात हए।

याकूब 5:9

हे मेरे बिश्वासी ददाभइयओ, एकदुस्रेके उपर दोष मत् लगाबओ, ताकी तुम दोषी नाए ठहिरओ। देखओ, न्याय करन बारो बहुत ढिँगै हए, और बा आनके तयारीमे हए।

1 पतरस 3:11

बोके खराब काम करन छोडन पणैगो। बरु बोके जो असल हए बहेके करन पणैगो, औरेन्के सँग शान्तिमे रहानके ताहीं कडा मेहेनत करओ।

1 पतरस 4:9

आदमीनके तुमर घरमे स्वागत करओ और कोइ गुनासो नाए करके अइसे करे करओ।

यहूदा 1:16

जे आदमी बिनके सँग भओ सबए बातके ताहीं परमेश्वरके दोष लगात हएं और गुनासो करत हएं और बे अपनो इच्छा अनुसार करनके खोजो भओ दुष्ट काम करत हएं। बे अपने बारेमे घमण्ड करत हएं और बे अपनो चाहो भओ बात पानके ताहीं, औरे आदमीनको प्रसंसा करो दिखावा करत हएं।