मर्कूस 2:20 - राना थारु नयाँ नियम

²⁰ पर बे दिन फिर आमंगे जब दुल्हा बिनसे छुटैगो, तओ बिनके उपवास बैठन पणैगो।

परमेस्वर को सच्चो वचन

²⁰ पर बे दिन आंगे, जब दुल्हा उनसे अलग करो जागो; बौ समय बे बर्त रखंगे।

मर्कूस 2:20 交叉參考

मत्ती 26:31

तओ येशू बिनसे कही, “आज रातके मिर कारणसे तुम पच्छु हटके जएहओ। काहेकी अइसो लिखो हए, ‘मए बकरेहेराके मारंगो, और बगालके भेंणा तितरबितर हुइजए हएं।’

मत्ती 9:15

येशू फरिसीनको समुहसे कही, “का बिबाह भोजमे दुलहा बिनके सँग होतहोत बरैतिया उपवास बैठत हएं? पर बे दिन आमंगे, जब दुलहा बिनसे अलग हुइहए, तओ बो समयमे बे उपवास बैठंगे।

मर्कूस 2:19

येशू बिनसे कही, “मिर चेला और मए एक दुल्हा और बोको बरैतिया हानी हएं। का दुलहाके सँग होत पेती बरैतिया उपवास बैठत हएं?

मर्कूस 2:21

कोइ फिर पुरानो लत्तामे नयाँ कुर्ताको थिगरा नाए लगात हए। काहेकी नयाँ थिगरा धुइहएं तओ बो सुकरजएहए और पुरानो कुर्ताके और जद्धा फारदेहए, तओ पुरानो लत्ताको भार बहुत बडो हुइजएहए।

लूका 17:22

येशू चेलनसे कही, “बो दिन आबैगो, जब तुम मए, आदमीको लौंणाको देखन इच्छा करैगे, पर तुम नाए देख पबैगे।

लूका 5:35

पर अइसो दिन आबैगो, जब दुलहा बिनसे छुटजएहए। तओ बे उपवास बैठंगे।”

यूहन्ना 12:8

काहेकी गरीब त सब दिन तुमर सँग रएहएं, पर मए त सब दिन तुमर सँग नाए रएहओं।”

यूहन्ना 13:33

मेरे प्यारे लौंणा, मए कुछ देरतक इकल्लो औ तुमर सँग रएहओं। तुम मोके ढुणैगे, और जैसो मए यहूदी समुहनसे कहो, और हबए तुमसे फिर मए कहात हओं, जहाँ मए जएरहो हओं, हुवाँ तुम नाए आए पएहओ।”

यूहन्ना 16:28

मए दौवाके ठिनसे संसारमे आओ हओं, और अभए संसारके छोडके फिरसे दौवाके ठिन जानडटो हओं।”

यूहन्ना 16:7

पर मए तुमसे सच्चो बात कहात हओं, मए हियाँसे जानो तुमर ताहीं फाइदा हुइहए काहेकी मए नाए गओ कहेसे मदत करन बारो सल्लाहकार तुमर ठिन नाए आबैगो। पर अगर मए तुमर ठिनसे गओ कहेसे बाके तुमर ठिन पठामंगो।

यूहन्ना 17:11

“अब मए संसारमे नाए रएहओं, मए तुमर ठिन आएरहो हओं, पर मेरे चेला अभौफिर संसारमे हएं। हे पबित्र दौवा, अपने नाउँको सामर्थसे उनको रक्षा करओ, जो तुम मोके दएहओ, कि जैसे मए और तुम, एक मन और एक उदेश्यमे हएं, उइसीयए मए प्राथना करत हओं, कि हमर चेला फिर उसीए होमएं।

यूहन्ना 17:13

“पर अब मए तुमर ठिन आएरहो हओं, और संसारमे रहिके कहात हओं, कि बे मेरे आनन्दसे पुरो रुपसे भर पामएं।

यूहन्ना 3:29

दुलहा दुल्हिनसे बेहा करलेतहए, पर दुलहाको बाहानुइँया बहेके ठिन ठाणो रहात हए, और दुलहाकी कही बात सुनके बो बहुत आनन्दित होतहए; उइसीयए मेरु मन आनन्दसे भरीगओ हए।

प्रेरित 1:9

इतका कहिके येशूसे चुनेभए चेला येशूके देखतए देखत परमेश्वर बाके स्वर्गमे उठाए लैगओ, और एक बद्रिके कारण चुनेभए चेला बाके औ नाए देख पाइं।

प्रेरित 14:23

और बे, हरेक मण्डली समुहसे उनके ताहीं मण्डलीको अगुवा नियुक्त करीं, और बे उपवास सहित प्राथना करके उनके प्रभु येशूमे सौँपदइं, जौनमे बे बिश्वास करी रहएं।

प्रेरित 3:21

येशूके स्वर्गमे, बो समय तक रहानके जरुरी हए जब तक बे सब चिजनके परमेश्वर नयाँ नाए बनाए देए। बहुत समय पहिले परमेश्वर आदमीनके जा बात कहानके ताहीं पबित्र अगमबक्तनके द्वारा अइसे करनके प्रतिज्ञा करी।

1 कोरिन्थी 7:5

तुम एकदुस्रेसे अलग मत् रहाओ, पर कुछ समय तक सल्लाहा करके प्राथना करन अलग बैठेसे फिर लोगा और बैयर कता तुम दुबारा एक साथ रहाओ; ताकी शैतान अनैतिक जीबन जीइनके ताहीं तुमरी परीक्षा नाए करए। काहेकी नत तुम अपनी इच्छन्के अधिनमे नाए करपाबैगे।

2 कोरिन्थी 11:2

मए तुमसे उइसी प्रेम करत हओं, और तुम्रो चिन्ता करत हओं जैसे परमेश्वर करत हए। मए तुमके तुमर एकए इकल्लो लोगाके रुपमे रहो ख्रीष्टमे सौँपनको बाचा करो हओं। मए तुमके बाको पबित्र लुल्हीनके रुपमे देन चाँहत हओं।

2 कोरिन्थी 11:27

बहुत मेहेनत करो और दुख सहो, और मए कैयौं रात नाए सोओ, भुँखेमे और प्यासेमे, बारम्बार भोखमरीमे, ठण्डी और नंगतामे पणो।

2 कोरिन्थी 6:5

कुटाइ-चुटाइमे, कैदमे, हुलदङमे, मेहेनतमे, निँधानोमे, भुँखेमे,

प्रकाश 19:7

हम रमामएं और गजब खुसी होमएं, और बाके महिमा देमएं! काहेकी जो थुमा हए बाको बेहा होन बारो हए। और बाकी दुलहीन बाके ताहीं तयार हए।

प्रकाश 21:9

और फिर बे सात स्वर्गदूत मैसे एक जनै, जौन आदमीनके उपर सात अन्तिम बिपत्ति भरेभए सात कटोरा अख्नाइ रहएं, उन मैसे एक आएके मोसे बात करी और अइसे कही, “आ, मए तोके दुलहीन दिखामंगो जौननको जल्दीए थुमासे बेहा होबैगो।”