मत्ती 2:4 - राना थारु नयाँ नियम

⁴ तओ राजा हेरोद, सब मुखिया यहूदी पुजारी और जनताके मोशाको नियम कानुन सिखान बारेनके इकट्ठा करके पुँछी, “ख्रीष्टको जनमके बारेमे अगमबक्ता का कहातहएं, ख्रीष्ट कहाँ जन्मैगो?”

परमेस्वर को सच्चो वचन

⁴ बौ सब यहूदि सब बड़े पुजारिन और यहूदि नियम के सिक्छक कै बुलबाए कै उनसे पूँछी, “मसीहा को जनम कहाँ होने है?”

मत्ती 2:4 交叉參考

मत्ती 13:52

फिर येशू बिनसे कही, “जहेमारे हरेक मोशाको नियम कानुन सिखान बारो जौन स्वर्गके राज्यको चेला बनो हए, तओ बो बहे आदमी हानी हए जौनके घरमे बोकेसँग भण्डार होत हए। बो हुवाँसे दोनए पुरानी और नयाँ मूल्यवान चीज बाहिर निकारन सिकत हए।”

मत्ती 2:3

यहूदीयन्को राजाको जनमके बारेमे सुनके राजा हेरोद चिन्तामे पणिगओ और उनके सँगमे यरूशलेम सहरके बहुत आदमी चिन्तामे पणे।

मत्ती 2:5

बे राजा हेरोदसे कहीं, “ख्रीष्टको जनम यहूदिया परदेशके बेथलेहेम सहरमे हुइहए। काहेकी मिका अगमबक्ता लिखी रहए:

मत्ती 21:15

जब मुखिया यहूदी पुजारी और मोशाको नियम कानुन सिखान बारे बाको अचम्मो काम देखीं और बे यरूशलेमको मन्दिरमे, लौंणा-लौंणीयनके और दुध खान बारे बालकनके “दाऊदको लौंणा होसन्ना” करत चिल्लात सुनीं, तओ बे बहुत गुस्सा हुइगए,

मत्ती 21:23

येशू यरूशलेमको मन्दिरमे घुसो, और बा शिक्षा देत पेती मुखिया यहूदी पुजारी और जनताके यहूदी अगुवनको समुह बाके ठिन आए, और कहीं, “कौन अधिकार से तुम जा काम कर रहेहओ, और कौन तुमके जा अधिकार दइ?”

मत्ती 26:3

तओ कैयाफा नाउँको प्रधान यहूदी पुजारीके दरबारमे मुखिया यहूदी पुजारी और जनताके यहूदी अगुवनको समुह इकट्ठा भए।

मत्ती 26:47

येशू मसकतए-मसकत बाह्र चेला मैसे एक चेला आओ जो यहूदा इस्करियोत रहए। बोकेसँग मुखिया यहूदी पुजारी और जनताके यहूदी अगुवनको समुहके द्वारा पठाइभइ एक बडी भिड तरबार और लठ्ठु लैके आए।

मत्ती 27:1

जब भुकभुको सुबेरे भओ रहए, तओ सब मुखिया यहूदी पुजारी और जनताके यहूदी अगुवनको समुह येशूके मृत्युदण्ड देन करके येशूके बिरुद्धमे सरसल्लाह करीं

मत्ती 7:29

काहेकी येशू बिनके मोशाको नियम कानुन सिखान बारो आदमी जैसो नाए, पर अधिकारके साथ शिक्षा देत रहए।

मर्कूस 8:31

तओ येशू अपन चेलनके सिखान सुरु करी, कि आदमीको लौंणाके बहुत दुख भोगन पणैगो, और यहूदी अगुवनको समुहसे, मुखिया यहूदी पुजारीसे और मोशाको नियम कानुन सिखान बारेसे इन्कार करो जएहए और मारो जएहए, फिर तिसरो दिनमे जिन्दा हुइके उठो जएहए।

लूका 20:19

तओ मोशाको नियम कानुन सिखान बारे और मुखिया यहूदी पुजारी बहेबेरा येशूके पकणनके ढुँणन लागे। बिनके पता रहए, कि जा कहानी बिनके बिरुद्धमे रहए पर बे आदमीनसे डरात रहएं।

लूका 23:10

और मुखिया यहूदी पुजारी और मोशाको नियम कानुन सिखान बारे ठाणके जबरजत्ती येशूके उपर दोष लगातए रहे।

यूहन्ना 18:3

तओ यहूदा इस्करियोत रोमी सिपाहीनको एक दल मुखिया यहूदी पुजारी और फरिसीनको समुहके द्वारा पठाओ गओ पहरेदारनके सँग हुवाँ आएपुगो। बे दिया, ऊँका और हथियार लैके हुवाँ आए रहएं।

यूहन्ना 3:10

येशू निकोदेमसके जबाफ दइ, “तए इस्राएल देशको बडो गुरु हए, तहुँफिर जा बात नाए बुझत हए?

यूहन्ना 7:32

भिडमे भए आदमी, येशूके बारेमे बात करत फरिसीनको समुह सुनी। जहेमारे बे फरिसीनको समुह और मुखिया यहूदी पुजारी मिलके येशूके पकणनके ताहीं मन्दिरके लखबरियनके पठाइं।

यूहन्ना 8:3

मोशाको नियम कानुन सिखान बारे और फरिसीनको समुह, व्यभिचारमे पकणाओ पणी एक बैयरके ल्याइं, और बैयरके भिडके बीचमे ठणबाइं।

प्रेरित 23:9

हुवाँ गजब हुलदङ्गा होन लागो, और मोशाको नियम कानुन सिखान बारे कुछ महाट्टर, जो फरिसीनको समुहके रहएं। बे ठाणके अइसे कहात जोडसे बादबिबाद करनलागे, “जा आदमीमे हम कुछ खराब नाए पाए हएं। हुइ सकत हए, कि एक आत्मा या एक स्वर्गदूत बोसे बात करी हुइहए।”

प्रेरित 4:5

दुस्रे दिन भोरभए उनको यहूदी अगुवनको समुह, पुर्खा और मोशाको नियम कानुन सिखान बारे महाट्टर यरूशलेम सहरमे एक ठाउँमे जमा भए।

प्रेरित 6:12

बे स्तिफनसके बिरुद्ध करनके ताहीं जनता, यहूदी अगुवनको समुह और मोशाको नियम कानुन सिखान बारेनके उस्काइं और बे आएके स्तिफनसके पकणीं और बोके यहूदी सभाघरके अग्गु लैगए।