मत्ती 10:3 - राना थारु नयाँ नियम

³ फिलिप और बारथोलोमाइ, थोमा और कर उठान बारो मत्ती, अल्फयसको लौंणा याकूब और थेदियस,

परमेस्वर को सच्चो वचन

³ फिलिप्पुस, बरतुल्मै, थोमा, और लगान लेन बारो मत्ती, हलफई को लौड़ा याकूब और तद्दै।

मत्ती 10:3 交叉參考

मत्ती 18:17

अगर बो, बिनकी बात फिर नाए मानए, तओ मण्डलीसे कहिदेओ। अगर बो, मण्डलीकी बात फिर नाए मानए तओ, बोकेसँग उइसी तरिकासे ब्यबहार करओ जैसी तुम कोइ गैर-यहूदीसे या कर उठान बारेके सँग करत हओं।”

मत्ती 27:56

बे मैसे मरियम मग्दलिनी, और छोटो याकूब और योसेफकी अइया मरियम, और जब्दियाके लौंणनकी अइया रहए।

मत्ती 9:9

येशू चेलनके सँग मत्तीके घरमे पाहुना बनके खानु खान बैठो रहए, और येशूके चेला बननके ताहीं बहुत आदमी कर उठान बारे और पापी फिर येशूके सँग खान बैठे।

मर्कूस 15:40

हुवाँ दुरसे देखन बारी बैयर फिर रहएं। बैयरके समुह मैसे मरियम मग्दलिनी, छोटो याकूब और योसेफकी अइया मरियम और सलोमी रहएं।

मर्कूस 2:14

जातएजात येशू अल्फयसको लौंणा, जौनको नाउँ लेबी रहए, बहेके कर उठान बारेनके ठिहामे बैठो देखी और बोसे कही, “आ, और मिर चेला बननके ताहीं मिर पिच्छु लाग।” बो उठो, अपनो काम छोड दइ, और येशूको चेला बनिगओ।

मर्कूस 3:18

अन्द्रियास, फिलिप, बारथोलोमाइ, मत्ती, थोमा, अल्फयसको लौंणा याकूब, और थेदियस, सिमोन कनानी

लूका 18:10

“दुई आदमी यरूशलेमको मन्दिरमे परमेश्वरसे प्राथना करनके ताहीं गए; एक जनै फरिसीनको समुह मैसे रहए और दुस्रो कर उठान बारो रहए।

लूका 18:11

फरिसीनको समुहको आदमी ठाणके अपन मनए-मनमे अइसे परमेश्वरसे प्राथना करन लागो, ‘हे परमेश्वर, मए तुमके धन्यबाद देत हओं, कि मए औ आदमीनके जैसो फाटहा, अन्यायी, व्यभिचारी, और नए जा कर उठान बारो जैसो हओं।

लूका 18:13

पर कर उठान बारो दुरसे ठाणके, जोके स्वर्ग घेन देखन फिर हिम्मत नाए रहए, दुखी हुइके अइसे कहात अपन छाती पिट-पिटके कही, ‘हे परमेश्वर, मए एक पापी हओं। मोके दया करओ और मोके क्षमा करओ!’

लूका 19:2

हुवाँ जखायस नाउँ भओ एक आदमी रहए, जो कर उठान बारेनको प्रमुख आदमी रहए और धनी रहए।

लूका 5:27

तओ जे काम करके येशू बाहिर गओ, और लेबी नाउँ भओ, एक आदमीके कर उठान बारो ठिहामे बैठो देखी, और येशू बोसे कही, “आ, और मिर चेला बननके ताहीं मिर पिच्छु लाग।”

यूहन्ना 1:48

नथानेल बासे पुछी, “तुम मोके कैसे चिनलए?” येशू बक जबाफ दइके कही, “फिलिप तोके बुलानेसे अग्गु, अञ्‍जीरको रुखा तरे मए तोके देखो रहओं।”

यूहन्ना 11:16

येशूके चेला मैसे दिदुमस कहान बारो थोमा अपन सँगी-चेलनसे कही, “चलओ, हम फिर जामएं और बाक सँग मरएं।”

यूहन्ना 14:22

यहूदा इस्करियोत नाए, बल्कि औरो यहूदा कहान बारो चेला येशूसे कही, “हे प्रभु, काहे तुम हमर ठिन इकल्लो अपनएके प्रकट करैगे, और संसारके आदमीके ठिन काहे प्रकट नाए होबैगे?”

यूहन्ना 14:5

थोमा येशूसे कही, “हे प्रभु, तुम कहाँ जात हओ, बो हमके पता नाए हए कहेसे तुम जान बारो ठाउँकी डगर हम कैसे पता पएहएं?”

यूहन्ना 14:9

येशू बिनसे कही, “फिलिप! इत्तो दिनतक मए तुमर सँग रहो, तहुँफिर तुम मोके नाए चिनपाए? जौन मोके देखो हए, बो मिर दौवाके फिर देखडारी हए। मोके देखके फिर, तए मोसे काहे दौवाके दिखाएदे कहात हए?”

यूहन्ना 21:2

सिमोन पत्रुस और दिदुमस कहान बारो थोमा, और गालीलको काना गाउँको नथानेल, और जब्दियाके दुई लौंणा और बाके चेला मैसे दुई जनै औ इकट्ठा रहएं।

प्रेरित 1:13

और जब यरूशलेम सहरमे पुगे तओ बे घरको उपरको कोठामे गए। जो आदमी हुवाँ उपस्थित रहएं, बे जे रहएं; पत्रुस, यूहन्ना, याकूब, अन्द्रियास, फिलिप और थोमा, बारथोलोमाइ और मत्ती, अल्फयसको लौंणा याकूब और उग्रपन्थी दलको सिमोन कनानी और याकूबको लौंणा यहूदा रहएं।

प्रेरित 12:17

तओ पत्रुस उनके अपनो हातसे संकेत करी, कि चुप रहाओ; और उनके बताइ, कि प्रभु कौन रितिसे बोके जेलसे निकारके लाइ हए। फिर पत्रुस उनसे कही, “याकूब और बिश्वासी ददाभइयनके जा बताए दियओ।” तओ पत्रुस हुवाँसे निकरके दुस्रो ठाउँमे चलो गओ।

प्रेरित 15:13

जब बे मस्कन बन्द करीं, तओ याकूब कहान लागो, “ए बिश्वासी ददाभइया सुनओ।

प्रेरित 21:18

दुस्रे दिन पावल हमर सँग याकूबके ठिन गओ। हुवाँ सबए मण्डलीके अगुवा इकट्ठा भए रहएं।

गलातियों 1:19

मए सिरफ एक चुनो भओ चेला और प्रभुको भइया याकूबसे मिलो।

गलातियों 2:9

और जे आदमी मण्डलीके खास अगुवा सम्झे जात रहएं, अर्थात् याकूब, पत्रुस (केफास) और यूहन्ना, बे कृपाको बो बरदानके पहिचानी जो मोके मिलो हए। बे मोके और बारनाबासके अपनो सहयोगी समझके हमके सहभागिताको दहिना हात दइं। बे जा बातके ताहीं सहमत भए, कि हम गैर-यहूदीके और खतना करेभए यहूदीनके बीचमे अच्छो समाचारके परचार करएं।

याकूब 1:1

मए याकूब, जा चिट्ठीके लिखरहो हओं। मए परमेश्वर और प्रभु येशू ख्रीष्टको सेवकके तरफसे बे इस्राएल देशके बाह्र कुल जो संसार भर बिग्दे हएं, बिनके नमस्कार।

यहूदा 1:1

मए यहूदा जा चिट्ठी तुमके लिखनडटो हओं। मए येशू ख्रीष्टको दास और याकूबको भइया हओं। मए जा चिट्ठी परमेश्वरमे बिश्वास करनके बाके द्वारा बुलाएभए आदमीनके लिखनडटो हओं। तुमके परमेश्वर हमर दौवा प्रेम करत हए और येशू ख्रीष्टमे सुरक्षित रक्खी हए।