लूका 18:7 - राना थारु नयाँ नियम

⁷ परमेश्वर अपन चुनेभए आदमीनके न्याय करदेबैगो जो बाके अग्गु दिन-रात रोत हएं। बा बिनको मदत करनमे देर नाए करैगो।

परमेस्वर को सच्चो वचन

⁷ का परमेस्वर अपने चुने भै को न्याय करैगो, जो दिन-रात गिड़-गिड़ात रहथैं, और का बौ उनके बारे मैं देर करैगो?

लूका 18:7 交叉參考

मत्ती 24:22

परमेश्वर अप्नो चुनेभए मनैनके ताहीं बो संकटको समयके कम करनके फैसला करी हए, नत कोइ फिर नाए बच्ते।

मत्ती 24:24

काहेकी झुठे ख्रीष्ट, और झुठे अगमबक्ता आमंगे, और हुइ सकत, कि बे चुनेभएनके फिर भणकानके ताहीं बणे-बणे चिन्हा और चमत्कारको काम दिखए हएं।

मत्ती 7:11

जहेमारेकी, तुम खराब हुइके फिर अपन लौंणालौंणीयाके अच्छो चीज देन जानत हओ कहेसे स्वर्गमे होन बारो तुमर दौवा बासे मागन बारेक कित्तो जद्धा करके असल चीज देहए।

लूका 11:13

तुम खराब हुइके अपन लौंणालौंणीयाके अच्छी चीज देन जानत हओ कहेसे, स्वर्गमे होन बारो तुमर दौवासे मागन बारेके कित्तो जद्धा पबित्र आत्मा देबैगो।”

लूका 2:37

तओ बिधुवा रहिके बो चौरासी बर्ष पुग्गइ हए। बो यरूशलेमको मन्दिरके कभु नाए छोडत रहए, पर उपवास और प्राथनाके सँग रात दिन आराधना करत रहए।

लूका 21:28

जब जे बात होनलागंगे, तओ ठणियओ और अपन मुण उपर उठैयओ, काहेकी तुमर मुक्ति ढिँगैयए होबैगो।”

रोमियों 8:33

कोइ फिर हमर उपर परमेश्वरके अग्गु दोष नाए लगाए पएहए काहेकी बा बहे हए जो हमएं धर्मी घोसित करत हए।

कलस्सी 3:12

जहेमारे जबकी परमेश्वर तुमके अपने पबित्र आदमी होनके ताहीं चुनी हए, और तुमसे प्रेम करत हए, तभीमारे तुम सब करुणा, भलाइ, नम्रता और धैर्य धारण करओ।

1 थेसलोनिकी 3:10

हम नियमित रुपसे लगातर बहुत प्राथना करत रहात हएं, कि तुमके फिरसे भेँट करन आए पामएं, ताकी प्रभु येशू ख्रीष्टमे औ जद्धा मजबुतमे बिश्वास करनमे तुमर मदत करपामएं।

2 थेसलोनिकी 1:6

काहेकी परमेश्वर हमेसा धार्मिकतासे न्याय करत हए, परमेश्वर बे आदमीनमे दु:ख लाबैगो, जौन तुमए दुख दइ हएं।

1 तिमोथी 5:5

जौन बिधुवनके ठिन उनको जरुरी पुरा करनके ताहीं और उनको रेखदेख करनके ताहीं कोइ नाए हए, बे परमेश्वरमे इकल्लो अपन आसरा करत हए। और रातदिन बे बिन्ती और प्राथना करके परमेश्वरसे अपने ताहीं मदत मागत हएं।

2 तिमोथी 1:3

मए परमेश्वरके धन्यबाद देत हओं, जौनको मए और मेरे पुर्खा शुद्ध बिबेकसे सेवा करेहएं। जब फिर मए प्राथना करत हओं, तओ मए तिर नाउँ हमेसा याद करत हओं।

2 तिमोथी 2:10

जहेमारे मए बे आदमीके फाइदाके ताहीं सब दुख सहात हओं, जौननके परमेश्वर चुनी हए, ताकी बे फिर येशू ख्रीष्ट उपर बिश्वास करएं, और बच पामाएं, और बहे महिमा प्राप्त करएं, जो हमेसा रहात हए।

तीतुस 1:1

मए पावल, जा चिट्ठी तीतसके ताहीं लिखरहो हओं, जो परमेश्वरको दास और येशू ख्रीष्टसे चुनो भओ चेला हओं, मए परमेश्वरके चुनेभए आदमीको बिश्वासके मजबुत करनके ताहीं, और येशूको सत्य शिक्षा बुझानमे मदत करनके ताहीं चुनो गओ हओं। ताकी बे अइसे जीबन जीइमएं, जो परमेश्वरके खुसी करत हए।

1 पतरस 1:1

मए पत्रुस येशू ख्रीष्टको चुनो भओ चेला हओं। मए जा चिट्ठी परमेश्वरके चुनेभए आदमीनके लिखनडटो हओं, जो परदेशी कता हुइके पोन्टस, गलातिया परदेश, कापाडोकिया परदेश, एशिया परदेश और एशिया परदेशको बिथिनिया गाउँके फरक-फरक सहरमे बैठत हएं।

2 पतरस 3:9

कोइ आदमी सोँचत हएं, कि प्रभु अपनो दुबारा लौटके आन बारो प्रतिज्ञा पुरा करनके देर करनडटो हए। पर प्रभु बो किसिमसे देर नाए करनडटो हए। बरु बा तुमके धैर्य दिखाए रहो हए। काहेकी बा कोइके नाश करनके नाए चाँहत हए। पर सबए जनै अपनो मन बदलो और पाप करन छोडके परमेश्वर घेन घुमओ कहिके बा चाँहत हए, और जा परमेश्वरएसे आत हए।

प्रकाश 18:20

तुम जो स्वर्गमे बैठत हओ, बोके सँग भओ बातमे आनन्द मनाबओ! हे पबित्र आदमी, चुनेभए चेला और अगमबक्ता आनन्द मनाबओ। काहेकी परमेश्वर बेबिलोन सहरके बे बातनके ताहीं दोषी ठहिराइ हए, जो काम बा तुमर सँग करीहए।”

प्रकाश 6:10

और बे अइसे कहिके जोडसे चिल्लात परमेश्वरसे कहीं, “हे सर्बशक्तिमान पबित्र और सत्य प्रभु; तुम पृथ्वीमे रहान बारे बे बुरे आदमीनके दण्ड देनमे इत्ना लम्बो आसरा काहे करत हओ? हम बिन्ती करत हएं कि तुम बे आदमीनको खुनको बदला लेए जौन हमएं मारडारीं।”

प्रकाश 7:15

जहेमारे, “बे परमेश्वरको सिंहासनके अग्गु ठाणे हएं, और बे हर समय दिनरात परमेश्वरके महापबित्र ठाउँमे बाकी सेवा करत हएं। और बिनको सुरक्षा बाके द्वारा करोजात हए, जो सिंहासनमे बैठो हए, काहेकी बा हुवाँ उनके सँग हए।