लूका 11:4 - राना थारु नयाँ नियम

⁴ और हमर पाप क्षमा करओ, काहेकी हम फिर हमर बिरुद्धमे अपराध करन बारेके क्षमा करत हएं। और हमके सतावटमे पणन मत् दियओ।”

परमेस्वर को सच्चो वचन

⁴ और हमरे पापन कै माफ कर, काहैकि हम भी अपने हर एक कसूरवार कै माफ करथैं, और हमकै कठिन परिक्छा मैं मत ला।’”

लूका 11:4 交叉參考

मत्ती 18:35

अइसियए करके, अगर तुम मैसे हर एक अपने सँगीके ह्रदयसे गलत काम क्षमा नाए करैगे, तओ मिर दौवा जो स्वर्गमे हए, तुमके फिर उइसीयए करैगो।”

मत्ती 26:41

जगे रहओ, परमेश्वरसे प्राथना करओ और सतावटमे मतपणओ। आत्मा त नेहात्तओ तयार हए, पर शरीर कमजोर हए।”

लूका 11:5

“और येशू बिनसे कही, मानओकी तुम मैसे कोइ मनै, आधि रातके अपन सँगीके घरमे जाएके कही, ‘हे सँगी, मोके तीन रोटी सापटमे दइ देओ।

लूका 13:4

या बे अठारा आदमीके याद कराओ, जो पहिले मरिगए रहएं, जब यरूशलेम सहरके ढिँगै सिलोआमको धरहरा बिनके उपर गिरिगओ रहए। का बे यरूशलेम सहरके आदमीनसे जद्धा पापी रहएं?

लूका 22:46

बा बिनसे कही, “तुम काहे उँघाए रहेहओ? उठओ और सतावटमे नाए पणन ताहीं परमेश्वरसे प्राथना करओ।”

लूका 8:13

पत्थर बारी जमिनमे पणन बारे बेही हएं, जौन परमेश्वरको बचन सुनके खुसीसे ग्रहण करत हएं। पर बिनकी जर नाए होत हए, और बे थोरी समयके ताहीं बे बिश्वास करत हएं, पर सतावटके समयमे बे अलोप हुइजात हएं।

यूहन्ना 17:15

मए तुमसे अइसे प्राथना नाए करत हओं, कि तुम उनके संसारसे उठाएलेओ, पर जा प्राथना करत हओं, कि तुम उनके शैतानसे रक्षा करओ।

1 कोरिन्थी 10:13

पाप करनको इच्छा हम सबके ठिन जरुर आत हएं, पर परमेश्वर बिश्वासयोग्य हए: काहेकी परमेश्वर तुमर ताहीं अइसो एकौ परीक्षा नाए देहए, जो परीक्षामे तुम लणनमे सक्षम नाए होओ। बल्कि परमेश्वर तुमके शक्ति देबैगो, ताकी तुम पापसे बचनमे सक्षम रहाओ।

कलस्सी 3:13

एकदुस्रेके सहिके प्रेम दिखाओ, कोइको बिरोधमे कोइ बात हए कहेसे क्षमा करओ। जैसे प्रभु तुमके क्षमा करीहए, उइसी तुम फिर एकदुस्रेके क्षमा करओ।

2 थेसलोनिकी 3:3

पर तुम परमेश्वरमे भरोसा कर सकत हओ। परमेश्वर तुमके आत्मिक रुपसे स्थिर करैगो और तुमके शैतानसे बचाबैगो।

2 तिमोथी 4:18

और प्रभु मोके हर एक खराबीसे बचाबैगो, और परमेश्वर मोके स्वर्गमे लैजाबैगो जहाँ बा राजाके रुपमे राज्य करत हए और बाको महिमा सदादिन होतए रहाबए। आमेन।

याकूब 2:13

काहेकी जौन आदमी दया नाए दिखाइ हए, बोको न्याय बिना दयाको होबैगो। अगर तुम दुस्रेके दया करे कहेसे जब परमेश्वर न्याय करैगो, तओ तुमके फिर बा दया करैगो।

प्रकाश 2:10

बे दुखसे मत् डराए जो तोके मिलंगी। शैतान तुम मैसे कुछ आदमीनके पकणबाबैगो और तुमके जेलमे डार देबैगो, ताकी बे तुमर जाँच कर्पामएं। तुम दश दिनतक बहुत कष्टको महसुस करैगे। पर मोएमे बिश्वास करन कभु मत् छुणियओ, चहुँ तुमके मरनके पणए। काहेकी तुमके तुमर जितको पुरुस्कारके रुपमे कभी नाश नाए होन बारो जीबन देमंगो।

प्रकाश 3:10

तए मेरे सन्देशके पालन करो ताकी जब तए दुख उठाबए तओ बोके धैर्य साथ सहिपाबए। जहेमारे, मए तोके बडी परीक्षाके समयमे रक्षा करंगो। परीक्षाको जा समय संसारके सब आदमीनमे आबैगो।