लूका 11:2 - राना थारु नयाँ नियम

² येशू बिनसे कही, तुम परमेश्वरसे प्राथना करत पेती अइसे कहियओ, “हे हमर दौवा तुमर नाउँ पबित्र होए, तुमर राज्य आबए।

परमेस्वर को सच्चो वचन

² ईसु उनसे कही, “जब तुम प्रार्थना करथौ, तौ जौ कहियो: ‘दऊवा: तेरो नाओं पवित्र मानो जाबै; तेरो राज्य आबै।

लूका 11:2 交叉參考

मत्ती 10:32

“देखओ, जौन मोके आदमीनके अग्गु प्रभु करके स्वीकार करैगो, बोके मए, आदमीको लौंणा फिर स्वर्गमे मिर दौवा परमेश्वरके अग्गु मिर चेला हए, करके स्वीकार करंगो।

मत्ती 3:2

“पाप करन छोडके परमेश्वर घेन घुमओ, काहेकी स्वर्गको राज्य ढिँगै आइगओ हए।”

मत्ती 5:16

अइसियए तुमर उजियारो आदमीनके अग्गु चमकए ताकी बे तुमर अच्छो कामके देखके तुमर दौवा, जौन स्वर्गमे हए, बाकी बढाइ करएं।”

लूका 11:1

बा कोइ एक ठाउँमे परमेश्वरसे प्राथना करत रहए। बा प्राथना करके पिच्छु चेला मैसे एक जनै येशूसे कही, “हे प्रभु, बप्तिस्मा देन बारो यूहन्ना अपन चेलाके सिखाओ जैसो हमके फिर परमेश्वरसे प्राथना करन सिखा।”

रोमियों 1:7

मए तुम सबके लिखरहो हओं जो रोम सहरमे हएं जौननके परमेश्वर प्रेम करत हए, और बाके अपने पबित्र आदमी होनके ताहीं बुलाए गए। हमरे दौवा परमेश्वर और प्रभु येशू ख्रीष्टके तरफसे तुमके अनुग्रह और शान्ति मिलतए रहाबए।

रोमियों 8:15

काहेकी तुमके कमैयाको आत्मा नाए मिलो हए जो फिरसे परमेश्वरसे डराएजाए, पर जब परमेश्वर तुमके अपने सन्तानके रुपमे स्वीकार करलै तओ तुमएं परमेश्वरको आत्मा मिलो गओ। जोसे हम, “हे दौवा” कहिके बुलात हएं।

1 कोरिन्थी 1:3

मए प्राथना करत हओं, कि हमर दौवा परमेश्वर और प्रभु येशू ख्रीष्ट तुमके अनुग्रह करैगो, और तुमके शान्ति प्रदान करैगो।

2 कोरिन्थी 1:2

मए प्राथना करत हओं, कि हमर दौवा परमेश्वर और प्रभु येशू ख्रीष्ट तुमके अनुग्रह करए और तुमके शान्ति महसुस कर्बाबए।

गलातियों 1:4

हमर दौवा परमेश्वरकी इच्छाके अनुसार ख्रीष्ट येशू अपनए हमरे पापके ताहीं बलि हुइगओ, ताकी हम जा बर्तमान संसारके आदमीनके खराब प्रभावसे बचे रहिपामएं।

इफिसियों 1:2

मए प्राथना करत हओं, कि हमर दौवा परमेश्वर और प्रभु येशू ख्रीष्ट तुमके अनुग्रह करए और शान्ति प्राप्त करनमे तुम्री मदत करए।

फिलिप्पी 1:2

हम प्राथना करत हएं, कि हमर दौवा परमेश्वर और प्रभु येशू ख्रीष्ट तुमके अनुग्रह और शान्ति देबए।

फिलिप्पी 4:20

हाम्रो परमेश्वर दौवाकी महिमा सदासर्वदा होतए रहाबए। आमेन।

कलस्सी 1:2

ख्रीष्टमे, बे पबित्र और भरोसायोग्य बिश्वासी ददाभइयाके नाउँसे जो कलस्से सहरमे रहात हएं। मए प्राथना करत हओं, कि हमर दौवा परमेश्वर और प्रभु येशू ख्रीष्ट तुमके अनुग्रह और शान्ति देबए।

1 थेसलोनिकी 1:1

मए पावल, सिलास और तिमोथीके घेनसे जा चिट्ठी थेसलोनिके सहरमे रहान बारे मण्डलीके ताहीं लिखरहे हएं। जो दौवा परमेश्वर और प्रभु येशू ख्रीष्टसे सम्बन्धित हए। मए प्राथना करत हओं, कि परमेश्वर तुमर उपर अनुग्रह करए और शान्ति देबए।

1 थेसलोनिकी 1:3

जब हम अपनो दौवा परमेश्वरसे प्राथना करत हएं, तओ हम बे कामके याद करत हएं जो तुम बिश्वासके कारण करत हओ। और दुस्रेनके उपर प्रेम दिखानके ताहीं जो कडी मेहेनत तुम करत हओ, और तुम सतावट सहे करत हओ काहेकी तुम प्रभु येशू ख्रीष्टको लौटनको आसरा कर रहेहओ।

2 थेसलोनिकी 2:16

हम अपनए हमर प्रभु येशू ख्रीष्टसे और हमर दौवा परमेश्वरसे प्राथना करत हएं, जो हमसे प्रेम करत हएं, और जौन अपनो अनुग्रहसे हमके कभी फिर अन्त नाए होन बारो प्रोत्सहान और मजबुत आसरा दइ हए।

प्रकाश 11:15

जब सातौँ स्वर्गदूत अपन तुरही फुँकी, तओ मए स्वर्गमे बडो अबाजके पुकारत सुनो: “संसारमे अब औ कोइ नाए हए, जो राज्य करए। सिरफ हमर प्रभु परमेश्वर और बाको चुनो भओ ख्रीष्ट हए। और बा हमेसा-हमेसाके ताहीं राज्य करैगो।”

प्रकाश 15:4

हे परमप्रभु, तुमके सब आदमी आदर करत हएं, और बे सब तुमर नाउँके सम्मान करत हएं, काहेकी तुमही इकल्ले पबित्र परमेश्वर हओ। हर राज्यके सब जाति तुमर ठिन आत हएं और बे तुमर आराधना करत हएं, काहेकी तुमर धार्मिक काम सबके अच्छेसे पता हए।”

प्रकाश 19:6

तओपिच्छु, मए जो सुनो बो बहुत जद्धी आदमीनको चिल्लाओभओ अबाज कता लागत रहए। जा अबाज बडो झरनासे गिरो भओ पानी कता और गर्जनको अबाज कता रहए। बे कहीं, “हल्लेलूयाह! काहेकी हमर सर्बशक्तिमान परमेश्वर राजा हए।

प्रकाश 20:4

और फिरसे मए कुछ सिंहासन देखो, जोमे बैठन बारेनको मुण कटो गओ रहए, काहेकी बे येशूको सन्देश और परमेश्वरको बचनके परचार करी रहएं। जे राक्षस या बोको मूर्तिको आराधना नाए करी रहएं, और जे अपनो माथोमे और हातनमे राक्षसको छाप नाए लगाए रहएं। बे फिरसे जिन्दा भए रहएं और सिंहासनमे बैठे रहएं। परमेश्वर बिनके राज्य करनके अधिकार दइ, और बे ख्रीष्ट सँग एक हजार बर्षतक राज्य करीं।