लूका 10:22 - राना थारु नयाँ नियम

²² मिर दौवा सब कुछको जिम्मा दइ हए। लौंणा कौन हए करके दौवा बाहेक कोइ नाए जानत हए। दौवा कौन हए करके लौंणा बाहेक औ कोइ लौंणा बाके नाए जानत हएं। और जौनकमे बा लौंणाके दिखानके चाहैगो, और जौन आदमीमे, लौंणा अपन दौवाके दिखान चाहैगो, बो फिर परमेश्वरके जानत हए।”

परमेस्वर को सच्चो वचन

²² मेरो दऊवा मोकै सब कछु दई है; कोई ना जानथै कि लौड़ा दऊवा कै छोड़कै कौन है, और कोई ना जानथै कि दऊवा लौड़ा कै छोड़कै कौन है और लौड़ा कौनके चुनथै।”

लूका 10:22 交叉參考

मत्ती 11:25

बो बेरा येशू कही, “हे दौवा परमेश्वर, बादर और पृथ्वीके प्रभु, मए तुमके धन्यबाद चढात हओं, काहेकी तुम जा बात बुद्धिमान और समझदार आदमीसे छिपाएके रक्खे, और जौन आदमी छोटे बच्चा कता हए बिनके प्रकट करेहओ।

मत्ती 11:27

मिर दौवा मोके सब कुछको जिम्मा दइ हए। केबल बहे इकल्लो हए जो लौंणाके चिन्हत हए, और बे आदमी चिन्हत हएं, जो लौंणा दौवाके देखन चाँहत हए।

मत्ती 28:18

तओ येशू बिनके ठिन आएके कही, “स्वर्ग और पृथ्वीको सब अधिकार मोके दओगओ हए।

यूहन्ना 1:18

परमेश्वरके कोइ कभु नाए देखिहएं। बाको एक लौंणा इकल्लो बाके देखी, हए जो परमेश्वर कता हए। और जो परमेश्वरके ढिँगै हएं, परमेश्वर बहे लौंणाके प्रकट करी हए।

यूहन्ना 13:3

परमेश्वर मोके सब चीजमे अधिकार दइ हए, कहान बारी बात येशूके पता रहए, और परमेश्वरसे आएके फिर परमेश्वर ठिन लौटरहो हओं, कहिके फिर बाके पता रहए।

यूहन्ना 17:10

मिर सँग भए सब चेला तुमर हएं, और तुमर सब मेरे हएं और उनके द्वारा मिर महिमा प्रकट भओ हए।”

यूहन्ना 17:2

काहेकी तुम बाके सब आदमीके उपर अधिकार दएहओ और तुम दएभए, सबके बा कभी फिर नाश नाए होन बारो जीबन देबए।

यूहन्ना 17:26

मए तुमर बारेमे बिनके परचार करो हओं, और करतए रहामंगो। और बतातए रहामंगो, कि जो प्रेम तुमके मोसे रहए। बिनको प्रेम मोएमे रहाबए और मए बिनमे रहामओं।”

यूहन्ना 17:5

अब हे दौवा, अब अपनी उपस्थितिमे मेरी महिमा करओ, बहे महिमा जो संसारको उत्पत्तिसे पहिले तुमर सँग रहात पेती मेरे सँग रहए।”

यूहन्ना 3:35

परमेश्वर लौंणाके प्रेम करत हए, और सब चीज लौंणाके हातमे दइदइ हए।

1 कोरिन्थी 15:24

फिर, जब ख्रीष्ट परमेश्वरको बिरोध करन बारे सब बुरे शक्तिनके नाश करदेबैगो। तओ ख्रीष्ट अपनो दौवा परमेश्वरको अपनो राज्य सौप देहए, ताकी बा बोके उपर पुरी रुपसे राज्य करए।

2 कोरिन्थी 4:6

जहेमारे कि परमेश्वर कही, “अँध्यारोसे ज्योति चमकए।” और बहे परमेश्वर हमर हृदयमे ज्योति जैसो हमके समझ दइ, ताकी हम परमेश्वरको महिमाके देख पामएं जो येशू ख्रीष्टमे प्रकट होत हए।

इफिसियों 1:21

बो ठाउँमे सब मेलके शासन, अधिकार, शक्ति और राज्य उपर, और जा युगको इकल्लो नाए पर आन बारे युगके फिर जित्ने नाउँ हएं, बे सबके उपर अधिकार करनके ताहीं ख्रीष्टके धरी।

हिब्रू 2:8

तुम सब चीज बोके अधिनमे धरदए, ताकी बा सब चीज उपर राज्य करपाबए।” हियाँ कहोगओ हए कि परमेश्वर सब चीज आदमीके अधीनमे धर दइ हए। जाको अर्थ हए, कि अइसो कोइ चीज फिर नाए हए, जो बाके अधिनमे नाए हए। पर बर्तमान समयमे हम देखसकत हएं, कि सब चीज आदमीनके अधिनमे नाए हए।

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।

2 यूहन्ना 1:9

बे आदमी जो सच्चो शिक्षासे भणकजात हएं, और ख्रीष्टको शिक्षा जैसो नाए करत हएं, बे परमेश्वरके सँग संगतीमे नाए हएं। जो कुछ ख्रीष्ट सिखाइ हए, बोके लगातार पालन करत रहाओ, और दौवा परमेश्वर, बाको लौंणा येशू ख्रीष्टके सँग संगतीमे रहे रहाओ।