यूहन्ना 5:18 - राना थारु नयाँ नियम

¹⁸ तभीमारे जब येशू जा बात कही तओ यहूदी समुहके अगुवा औ जद्धा येशूके मारनके बिचार करन लागे, काहेकी बा पबित्र दिनको नियमके तोणी रहए, और परमेश्वरके मेरो दौवा कहिके अपनएके परमेश्वरके बराबर मानत रहए।

परमेस्वर को सच्चो वचन

¹⁸ जौ बजह से यहूदि औरौ बाकै मार डारन की कोसिस करन लगे, काहैकि बौ खाली साबत के दिनै बाको नियम तोड़त रहै, जाके संग बौ परमेस्वर कै अपनो दऊवा कहकै अपने आपकै परमेस्वर के बराबर मानत रहै।

यूहन्ना 5:18 交叉參考

मत्ती 12:5

और का मोशाको नियम कानुन नाए पढे, कैसे पबित्र दिनमे यहूदी पुजारी यरूशलेमको मन्दिरमे पबित्र दिनके अपबित्र बनात हएं, और फिर निर्दोष ठहिरत हएं?

यूहन्ना 1:19

बप्तिस्मा देन बारो यूहन्नाको गवाही जहेहए, जब यहूदी अगुवाको नेता यरूशलेम सहर मैसे यहूदी पुजारी और लेबीनके बप्तिस्मा देन बारो यूहन्ना ठिन जा पुछनके पठाइ कि “तुम कौन हओ?”

यूहन्ना 10:30

दौवा और मए एक हएं।”

यूहन्ना 10:33

यहूदी समुहके अगुवा येशूके जबाफ दइं, “हम तुमके तुमर अच्छो कामके ताहीं पत्थरसे मारनके नाए चाँहत हएं, पर तुम परमेश्वरको बदनाम करेहओ बहेके कारणसे। काहेकी तुम आदमी हुइके फिर अपनएके परमेश्वर हओं कहिके दाबि करत हओ।”

यूहन्ना 14:23

येशू बाके जबाफ दइके कही, “जौन मोके अपनए कता प्रेम करैगो, बो मिर बचनको शिक्षाके पालन करैगो कहेसे मिर दौवा बाके प्रेम करैगो, और हम बोके ठिन आमंगो, और बोके सँग रहामंगे।

यूहन्ना 14:9

येशू बिनसे कही, “फिलिप! इत्तो दिनतक मए तुमर सँग रहो, तहुँफिर तुम मोके नाए चिनपाए? जौन मोके देखो हए, बो मिर दौवाके फिर देखडारी हए। मोके देखके फिर, तए मोसे काहे दौवाके दिखाएदे कहात हए?”

यूहन्ना 19:7

यहूदी समुहके अगुवा पिलातसके जबाफ दइके कहीं, “हमर नियम कानुन अनुसार जाके मारन पणैगो, काहेकी जा अपनएके परमेश्वरको लौंणा हओं, कहिके ठोकुवा करत हए।”

यूहन्ना 5:15

बोके अच्छो करन बारो त येशू हए, करके बो आदमी जाएके यहूदी समुहके अगुवासे अइसे कहीदइ, “जौन मोके रोगसे अच्छो करीहए, बा येशू हए।”

यूहन्ना 5:16

जहेमारे बो दिनसे यहूदी समुहके अगुवा येशूके सतान लागे, काहेकी येशू बो कामके पबित्र दिनमे करी रहए।

यूहन्ना 5:17

जहेमारे येशू बिनसे कही, “मिर दौवा हबएतक काम करीरहोहए, और मए फिर काम करीरहो हओं।”

यूहन्ना 7:1

तओ पिच्छु येशू गालील परदेशको क्षेत्रमे घुमफिर करी। बा यहूदिया परदेशमे जानके नाए चाही, काहेकी यहूदी समुह बाके मारनके ताहीं दाउमे रहएं।

यूहन्ना 7:19

का मोशा तुमके नियम कानुन नाए दइ हए? तहुँफिर तुम कोइ फिर बोको नियम कानुनके पालन नाए करत हओ। तुम काहे मोके मारनके ढुणत हओ?”

यूहन्ना 8:54

येशू जबाफ दइके कही, “अगर मए अपनो आदर ढुणतो कहेसे बो आदर कछु कामको नाए हुइतो। पर जो मोके आदर देतहए, बा मिर दौवा हए। बहे दौवा जौनके तुम ‘हमर परमेश्वर’ कहिके कहात हओ।

यूहन्ना 8:58

येशू बिनके जबाफ दइके कही, “नेहात्तओ मए तुमसे कहात हओं, अब्राहामको जनम होनसे अग्गुको मए हओं।”

फिलिप्पी 2:6

बा परमेश्वर हुइके फिर बा परमेश्वरके बराबर होन बारो बातके अपने पकणी रहान बारो चीज जैसो नाए सम्झी।

प्रकाश 22:1

तओपिच्छु स्वर्गदूत मोके एक नदिया दिखाइ जोमे जीबनको पानी रहए। पानी सफा सिसा कता चम्कत रहए। जा पानी परमेश्वर और थुमाको सिंहासनसे बहात रहए।

प्रकाश 22:3

परमेश्वरके सरापमे भओ कोइ फिर आदमी या चीज बो सहरमे नाए होमंगे। परमेश्वर और थुमाको सिंहासन सहरमे हुइहए, और बाके दास बाको आराधना करंगे।