यूहन्ना 3:21 - राना थारु नयाँ नियम

²¹ पर जौन सच्चाईमे चलत हएं, बे उजियारोके ढिँगै आत हएं, ताकी परमेश्वर बिनको करो भओ कामके देख पाबए, जो परमेश्वर चाँहत हए।”

परमेस्वर को सच्चो वचन

²¹ लेकिन जो सच्चाई मैं चलथै, बहे जोती झोने आथै, ताकी बाके काम दिखामै, कि बौ परमेस्वर की घाँईं से करो गौ है।”

यूहन्ना 3:21 交叉參考

यूहन्ना 1:47

येशू नथानेलके अपने घेन आत देखके बक बारेमे कही, “देखओ, एक जनै भरोसालायक इस्राएल देशको (जौन याकूब) पिढी हए: जौन पुरा रितिसे इमान्दार हए।”

यूहन्ना 3:20

काहेकी जौनकोइ खराब काम करत हए, बे उजियारोके अच्छो नाए मानत हएं, और बिनको काम कहुँ दिखाइ नाए पणजाबए कहिके बे डरके मारे उजियारोके ढिँगै नाए आत हएं।

यूहन्ना 5:39

तुम पबित्र-शास्त्र पढत हओ, काहेकी तुम जा सोँचत हओ, कि बोमे तुमके कभी फिर नाश नाए होन बारो जीबन मिलैगो। और जा बहे पबित्र-शास्त्र हए, जो मिर बारेमे गवाही देत हए।

यूहन्ना 7:17

अगर कोइ आदमी परमेश्वरको इच्छा पालन करन चाँहत हए, तओ बो जान जाबैगो, कि मिर शिक्षा परमेश्वरके घेनसे आतहए कि मिर अपनो शिक्षा हए।

1 कोरिन्थी 15:10

मए एक परमेश्वरसे चुनो भओ चेला बनोगओ काहेकी परमेश्वर मिर ताहीं दयालु रहए। और बाको अनुग्रह मेरे जीबनमे प्रभावशाली हए। पर मए अन्य चुनेभए चेलनसे जद्धा मेहेनत फिर करो तहुँफिर जा मेरे घेनसे नाए भओ पर परमेश्वरको अनुग्रहमे मोके बाको काम करनमे मदत करी।

2 कोरिन्थी 1:12

हम गर्ब करत हएं, कि हमर बिबेक स्पष्ट हए। संसार और खास करके तुमर सँगको हमर सम्बन्धमे हम परमेश्वरसे आओ भओ पबित्रता और सत्यतामे चले हएं। जा मानब बुद्धिसे नाए, बल्कि परमेश्वरको अनुग्रहसे हए।

गलातियों 6:8

अगर कोइ आदमी अपनो शारिरीक इच्छाके पुरा करत हए, तओ बो मृत्यु पाबैगो। तओ जौन बो इच्छाके पुरा करत हए, जो पबित्र आत्मा चाँहत हए, बोके कभी फिर नाश नाए होन बारो जीबन मिलैगो।

इफिसियों 5:9

काहेकी अगर कोइ आदमी ज्योतिमे हए, तओ बोको बानी अच्छो और धार्मिक होत हए और बोके उपर भरोसा करोजाए सकत हए।

फिलिप्पी 1:11

और येशू ख्रीष्टके द्वारा तुममे धर्मी काम दिखाइ पणए, जोसे परमेश्वरको महिमा और स्तुति होत रहाबए।

फिलिप्पी 2:13

काहेकी परमेश्वर तुममे काम कर रहोहए, तभीमारे तुमके बो सब काम करन इच्छा और शक्ति देतहए, जौन काममे परमेश्वर खुसी होतहए।

कलस्सी 1:29

जाके पुरा करनके ताहीं मए बहुत मेहेनत और संघर्ष करत हओं। बो शक्तिको प्रयोग करतए, जो शक्ति मोके ख्रीष्ट देतहए, और जौन शक्ति मोएमे काम करत हए।

1 पतरस 1:22

काहेकी तुम सत्य पालन करके शुद्ध भए हओ, अब तुमके निष्कपट रुपसे अपनो बिश्वासी ददाभइयनके प्रेम करन पणत हए। एकदुस्रेके निष्कपटता साथ और पुरा हृदयसे प्रेम करतए रहाओ।

1 यूहन्ना 1:6

अगर हम कएहएं, कि परमेश्वरके सँग हमर संगती हए, पर फिरसे बहे खराब काम करत हएं कहेसे हम झुठ मस्कत हएं, और सत्य शिक्षा अनुसार नाए जीइत हएं।

3 यूहन्ना 1:11

हे मेरो प्यारो सँगी, बे आदमीनको देखासेखी मत् कर, जो खराब काम करत हएं, पर बे आदमीके देखासेखी कर, जो भलो काम करत हएं। अगर कोइ भलो काम करत हए, तओ जा दिखात हए, कि बो परमेश्वरको सन्तान हए। अगर कोइ खराब काम करत हए, तओ जा दिखात हए, कि बो परमेश्वरके नाए जानत हए।

प्रकाश 3:15

मोके पता हए तए कैसो कडा मेहेनत करत हए, तए बहे पानी कता हए जो नए तत्तो नए ठन्डो हए। मए चाँहत हओं, कि अगर तए मेरे पिच्छु नेँगैगो कहेसे, नेहात्तओक नेँग, अगर नाए निँगेहए कहेसे पिच्छु मतलग।