यूहन्ना 20:19 - राना थारु नयाँ नियम

¹⁹ बेहे दिन आइतबार संझाके जब सब चेला एकठिन इकट्ठा भए तओ बे फाटक बन्द करलैं काहेकी बे यहूदी समुहके अगुवासे डराने रहएं। तओ येशू आओ और बीचमे ठाणके उनसे कही, “तुमके शान्ति मिलए!”

परमेस्वर को सच्चो वचन

¹⁹ सप्ताह के पहले दिन इतवार कै, संजा के समय हुँआँ पर चेला फाटक बंद करकै एक कमरा मैं जुराने रहैं, काहैकि बे यहूदियन के नेतन से डरात रहैं। तौ फिर ईसु आओ और उनके बीच मैं ठाड़कै उनसे कही, “तुमकै सांति मिलै।”

यूहन्ना 20:19 交叉參考

यूहन्ना 20:26

एक हप्ताके पिच्छु बाके चेला फिरसे घरके भितर रहएं, और जा चोटी थोमा फिर सँगमे रहए। और फाटक बन्द रहए, तओ येशू आएके बीचमे ठाणके कही, “तुमके शान्ति मिलए।”

यूहन्ना 14:27

“मए तुमके शान्ति देत हओं जौन शान्ति मोएमे हए। जा बो शान्ति नाए हए जो संसार देतहए, तुम दुखी मतहोबओ और मतडराओ।

यूहन्ना 20:21

येशू फिर बिनसे कही, “तुमके शान्ति मिलए! जैसी दौवा मोके संसारमे पठाइ हए, उइसीयए मए फिर तुमके पठाएरहो हओं।”

इफिसियों 2:14

ख्रीष्ट अपनए हमर बीच शान्ति लाइ हए। बितेभए समयमे, जा अइसो रहए जैसे एक भित यहूदी और गैर-यहूदीनके अलग करदइ रहए। बे एकदुस्रेसे घृणा करत रहएं। पर अब ख्रीष्ट बो भितके गिराएदइ हए और दुई समुहनके एक करदइ हए।

2 थेसलोनिकी 3:16

मए प्राथना करत हओं, कि प्रभु जो शान्तिको स्रोत हए बा हर तरिकासे तुमके लगातार शान्ति देत रहाबए, और प्रभु तुम सबके सँग लगातार रहाबए।

यूहन्ना 7:13

तहुँफिर यहूदी समुहके अगुवनसे डरके मारे कोइ बाके बारेमे खुल्लम-खुल्ला नाए बतात रहएं।

मर्कूस 16:14

जाके पिच्छु, येशू एघार चेलनके फिर दिखाइ पणो, जब बे खानु खानके बैठे रहएं। येशू बिनके डाँटी काहेकी बे आदमीनके गवाहीमे बिश्वास करनके ताहीं बहुत जिद्दी रहएं जौन बाके मरे मैसे जिन्दा होनके पिच्छु देखी रहएं।

प्रकाश 1:4

जा चिट्ठी यूहन्नाके घेनसे एशिया परदेशमे भए सात मण्डलीनके लिखरहो हओं: मए प्राथना करत हओं, कि तुमके परमेश्वरके घेनसे अनुग्रह और शान्ति प्राप्त होबए; बा बहे परमेश्वर हए जो समयकी सुरुवातसे लैके अबतक और हमेसएके ताहीं नाए बद्लत हए। और बे सात आत्मा हएं, जो परमेश्वरको सिंहासनके अग्गु हएं,

1 कोरिन्थी 15:5

और येशू पत्रुस केफास, और तओ फिर बाह्र चेलनके ठिन दिखा पणो।

यूहन्ना 16:33

मए जा बात तुमसे जहेमारे कहो, कि तुमके मेरे कारणसे शान्ति मिलए। संसारमे तुमके समस्या आबैगो, पर सहास करओ, काहेकी मए जा संसारके सासक या शैतानके जितो हओं।”

हिब्रू 7:2

अब्राहाम राजासे जितके लाओभओ सब धनको दशांश मल्कीसेदेकके दइ। मल्‍कीसेदेक नाउँको अर्थ “धार्मिकताको राजा” हए, और बो शालेमको राजा होनके कारणसे बोको नाउँसे “शान्तिको राजा” फिर कहोजात हए।

फिलिप्पी 1:2

हम प्राथना करत हएं, कि हमर दौवा परमेश्वर और प्रभु येशू ख्रीष्ट तुमके अनुग्रह और शान्ति देबए।

इफिसियों 6:23

मए हमर दौवा परमेश्वरसे और प्रभु येशू ख्रीष्टसे प्राथना करत हओं, कि बे तुम बिश्वासी ददाभइयनके शान्ति देमएं। बे अइसे करएं, कि अपनए एकदुस्रेसे प्रेम करएं और ख्रीष्टमे निरन्तर बिश्वास करतए रहाएं।

रोमियों 15:33

मए प्राथना करत हओं कि परमेश्वर, जो शान्ति देतहए, तुम सबएके सँग रहाबए। आमेन।

यूहन्ना 16:22

अइसियए, तुमके फिर त पिडा हए, पर मए तुमसे फिरसे मिलंगो और तुम आनन्दित होबैगे, और तुमर आनन्द कोइ तुमसे नाए छिनाए पएहए।

मत्ती 18:20

काहेकी तुम मिर चेला हुइके कारण जहाँ दुई या तीन जनै इकट्ठा होबैगे, हुवाँ मए तुमर बीचमे होमंगो।”

मत्ती 10:13

बो घरमे जानन बुझन बारे हएं तओ, तुमर शान्ति बो घरमे रहबैगो। जौन बो घरमे जानन बुझन बारे नाए हएं, तओ तुमर शान्ति तुमरी सँग घुमके आएजएहए।

यूहन्ना 21:1

तओ पिच्छु येशू, तिबेरियास समुन्दरके ढिँगै चेला ठिन अपनएके प्रकट करी। और जा अइसे भओ:

यूहन्ना 21:14

जा तिस्रो चोटी रहए, कि येशू मरो भओ मैसे जिन्दा हुइके चेलनके ठिन देखा पणो।

प्रेरित 1:3

येशूके दुख उठान और मरनके बाद बहुतसे पक्को प्रमाणसे अपनएके जिन्दा हओं कहिके दिखाइ। और चालिस दिनतक बा अपनो चुनेभए चेलनके दिखाइ देत रहो, और परमेश्वरकी राज्यकी बात करतए रहो।

3 यूहन्ना 1:14

पर आसरा हए, कि मए तिर ठिन जल्दी आओं, और तोसे भेँटके बात करओं।