यूहन्ना 1:51 - राना थारु नयाँ नियम

⁵¹ फिर येशू कही, “नेहात्तओ, मए तोसे कहात हओं, तए स्वर्ग उघरो और परमेश्वरके दूतके उपर जात और मए, आदमीको लौंणाके उपर चढत और तरे उतरत देखैगो।”

परमेस्वर को सच्चो वचन

⁵¹ फिर बासे कही, “मैं तुमसे सच्ची-सच्ची कहथौं कि तुम आसमान कै खुलो भौ, और परमेस्वर के स्वर्गदूतन कै आदमी के लौड़ा के ऊपर उतरत और ऊपर जात भौ देखैगे।”

यूहन्ना 1:51 交叉參考

मत्ती 25:31

“जब मए, आदमीको लौंणा फिरसे आमंगो, तओ मए अपन महिमामे आमंगो और सब स्वर्गदूतके अपने सँग लामंगो। तओ मए सब आदमीनको न्याय करनके ताहीं अपन महिमामय सिंहासनमे बैठंगो।

मत्ती 26:24

आदमीको लौंणाके त बोके बारेमे पबित्र धर्मशास्त्रमे लिखेबमोजिम हुइहए। पर बो आदमी डर लागन बारो सजाय पबैगो, जौन आदमीको लौंणाके धोखा देबैगो। बो आदमीके नाएजन्मनो बोके ताहीं असल रहए।”

मत्ती 3:16

और येशू बप्तिस्मा लैके तुरन्त पानीसे निकरके आतए खीना येशू स्वर्ग उघरो देखी, और परमेश्वरको आत्मा कबुतरके रुपमे अपन उपर उतरत देखी।

मत्ती 4:11

तओ शैतान येशूके छोडके गओ, और स्वर्गदूत येशूको सेवा सत्कार करीं।

मत्ती 8:20

येशू बोसे कही, “सेरनके भार और बादरमे उणन बारे चिरैंचिरगुनीके घरघुस्ला होत हएं। पर मए, आदमीको लौंणाके ताहीं त एक घर फिर नाएहए, जहाँ मए सोए सिकओं।”

मत्ती 9:6

पर जाकेमारे कि तुम जानओ कि, मए, आदमीको लौंणाके पृथ्वीमे आदमीनको पाप क्षमा करनके अधिकार हए।” तओ येशू बो लकवा मारो भओ आदमीसे कही, “उठ, अपनी गुन्द्री उठा, और घरे जा।”

मर्कूस 1:10

पानीसे निकरके आतए खीना येशू स्वर्ग उघरो देखी, और पबित्र आत्माके कबुतरके रुपमे अपन उपर उतरत देखी।

मर्कूस 14:62

येशू कही, “हाँ मए हओं, और तुम मए, आदमीको लौंणाके परमेश्वरको महान शक्तिको दहिने बाहुलीमे बैठो और तुम मोके फिरसे स्वर्गसे बादरके बद्रिके सँग आत देखैगे जहाँ परमेश्वर बैठतहए।”

लूका 2:13

तओ इकबरी बे स्वर्गदूत सँग स्वर्गीय सेनाको एक दल देखा पणो। परमेश्वरको स्तुति करतए बे कहीं,

लूका 2:9

और एक स्वर्गदूत बिनके ठिन देखा पणो; और प्रभुको महिमामय ज्योति बिनके चारौ घेन चमको, और बे बहुत डराइगए।

लूका 22:43

तओ स्वर्गसे एक स्वर्गदूत येशूके तागत देनके ताहीं बाके ठिन दिखाइ पणो।

लूका 22:69

पर अब मए आदमीको लौंणा परमेश्वरको महान शक्तिको दहिना घेन बैठंगो।”

लूका 24:4

जब बे जाके बारेमे अलमलमे पणिगै रहएं, तओ चमकन बारो कुर्ता पैँधे दुई लोग बिनके ढिँगै ठाणीगए।

लूका 3:21

जब सब आदमी बप्तिस्मा लइं, तओ येशू फिर बप्तिस्मा लैके परमेश्वरसे प्राथना करत रहए, तओ येशू स्वर्ग उघरो देखी।

यूहन्ना 1:50

येशू बोके जबाफ दइके कही, “मए तोके अञ्‍जीरको रुखा तरे देखो, कहो, का बहेमारे तए बिश्वास करत हए? तए जहुँसे बणे-बणे काम देखैगो।”

यूहन्ना 10:1

“नेहात्तओ, मए तुमसे कहात हओं, जौन भेंणाक खोणको फाटकसे भितर घुसन छोडके, औरो घेनसे घुसत हए कहेसे बो चोर और डाँकु हए।

यूहन्ना 10:7

बहेबेरा येशू फिरसे उनसे कही, “नेहात्तओ, मए तुमसे कहात हओं, कि मए बो फाटक हओं जौन सुध भेंणा खोण भितर घुसत हएं।

यूहन्ना 13:16

नेहात्तओ मए तुमसे कहात हओं, कमैया अपन मालिकसे बडो नाए होत हए, और खबर लान बारो चुनेभए चेलासे बडो नाए होत हए।

यूहन्ना 13:38

येशू जबाफ दइ, “का तए मेरे ताहीं मरनके तयार हओं कहात हए? नेहात्तओ मए तोसे कहात हओं, मुर्गा बासनसे अग्गु तए मोके तीन चोटी ‘नाए चीन्त हओं’ कहिके इन्कार करैगो।”

यूहन्ना 14:12

नेहात्तओ मए तुमसे कहात हओं, मोएमे बिश्वास करन बारे मए करोजैसो काम करैगो, और बोसे फिर बडो-बडो शक्तिशाली चमत्कार करैगो काहेकी मए दौवा ठिन जाएरहो हओं।

यूहन्ना 16:20

नेहात्तओ, मए तुमसे कहात हओं, कि तुम मिर मौतके पच्छु रुइहओ और चिल्लाबैगे, पर संसारके आदमी आनन्द करंगे। तुम दुखित होबैगे, पर जब तुम मोके फिरसे देखैगे तओ तुमर दुख आनन्दमे बदलैगो।

यूहन्ना 16:23

जौन समय तुम मोके दुबारा देखैगे तओ तुम मोसे कुछ नाए पुँछैगे, नेहात्तओ मए तुमसे कहात हओं अगर दौवासे कुछ माँगैगे तओ बा मेरे नाउँमे तुमके देबैगो।

यूहन्ना 21:18

नेहात्तओ मए तुमसे कहात हओं, जब तए जवान रहए, तओ अपन करेहाँओँमे फेटा बाँधत रहए, और जहाँ इच्छा लागत रहए हुनै जात रहए। पर जब तए बुढो हुइजएहए, तओ तए अपन हातके फैलाबैगो और कोइ औ तोके बाँध लेहए तओ तोके हुवाँ लैजाबैगो जहाँ तए नाए जानके चाहैगो।”

यूहन्ना 3:3

येशू निकोदेमसके जबाफ दइके कही, “नेहात्तओ मए तोसे कहात हओं, अगर कोइ नयाँ करके नाए जन्मैगो कहेसे बो परमेश्वरको राज्यको कोइ हकदार नाएहोबैगो।”

यूहन्ना 3:5

येशू कही, “नेहात्तओ मए तोसे कहात हओं, जब तक कोइ आदमी पानी और आत्मासे नाए जन्मैगो, तबतक बो परमेश्वरको राज्यमे नाए घुस पबैगो।

यूहन्ना 5:19

जहेमारे येशू बिनसे कही, “मए तुमसे नेहात्तओ कहात हओं, मए लौंणा अपनए कुछु नाए करपात हओं, काहेकी दौवा जो करत हए, लौंणा फिर बहे करत हए।

यूहन्ना 5:27

और मए, आदमीको लौंणा होनके कारण परमेश्वर मोके सब आदमीनके उपर न्याय करनके अधिकार दइ हए।”

यूहन्ना 6:26

येशू बिनके जबाफ दइके कही, “नेहात्तओ मए तुमसे कहात हओं, तुम शक्तिशाली चमत्कार देखके नाए, पर तुम पेट भरके रोटी खानके पातहओ, तभीमारे तुम मोके ढुणत हओ।

यूहन्ना 6:32

येशू उनसे कही, “नेहात्तओ मए तुमसे कहात हओं, कि तुमके स्वर्गसे रोटी देन बारो मोशा नाए हए, बल्कि स्वर्गसे तुमके सेतएमेत रोटी देन बारो मिर दौवा परमेश्वर हए।

यूहन्ना 6:47

नेहात्तओ मए तुमसे कहात हओं, जौन कोइ बिश्वास करैगो बोके सँग कभी फिर नाश नाए होन बारो जीबन हए।

यूहन्ना 6:53

येशू बिनसे कही, “नेहात्तओ मए तुमसे कहात हओं, जब तक मए, आदमीको लौंणाको शरीर तुम नाए खएहओ, और मिर बलिदानको खुन नाए पिइहओ कहेसे तुमरमे जीबन नए रएहए।

यूहन्ना 8:34

येशू बिनके जबाफ दइके कही, “नेहात्तओ, मए तुमसे कहात हओं गलत काम करन बारे सब जनै पापके कब्जामे हएं।

यूहन्ना 8:51

नेहात्तओ मए तुमसे कहात हओं, कि अगर कोइ आदमी मिर शिक्षा पालन करैगो कहेसे बो अनन्त कालतक नाए मरैगो।”

यूहन्ना 8:58

येशू बिनके जबाफ दइके कही, “नेहात्तओ मए तुमसे कहात हओं, अब्राहामको जनम होनसे अग्गुको मए हओं।”

प्रेरित 10:11

स्वर्ग उघरो और हुवाँसे एक बडो तन्ना चारौ कोनेमे बँधो कता पृथ्वी घेन झरनडटो देखी।

प्रेरित 7:56

और कही, “देखओ, मए स्वर्ग खुलो भओ देखो हओं और आदमीको लौंणाके परमेश्वरको दहिने घेन ठाणो मए देखरहो हओं।”

2 थेसलोनिकी 1:7

और जो दु:ख तुम उठाए रहेहओ, और हम फिर उठाए रहे हएं, परमेश्वर बे सब दु:खके रोक देबैगो; जा तब्ही होबैगो जब प्रभु येशू अपने शक्तिशाली स्वर्गदूतके सँग आगीकी लहरसे घिरो भओ स्वर्ग मैसे आबैगो।

2 थेसलोनिकी 1:9

बे हमेसाके ताहीं प्रभुको महिमासे अलग हुइ जामंगे और प्रभुको महान शक्तिमे भागीदार नाए होमंगे। और परमेश्वर उनके कभी फिर अन्त नाए होन बारो दण्ड देबैगो।

1 तिमोथी 3:16

बिना कोइ शंखाके हम जा बातके कहे सकत हएं कि, परमेश्वरसे प्रकट करेभए सन्देश पुरा रुपसे सच्चे हएं, अर्थात् ख्रीष्ट एक आदमीके रुपमे प्रकट भओ, बाके पबित्र आत्माके द्वारा परमेश्वरको लौंणाके रुपमे साबित करोगओ, स्वर्गदूत बाके देखीं, येशूसे चुनेभए चेला हर ठिहा बाके बारेमे जति-जातिनके अच्छो समाचार सुनाइं, संसार भरके आदमी बाके उपर बिश्वास करीं, और परमेश्वर बाके स्वर्ग उपर उठाए लैगओ।

हिब्रू 1:14

स्वर्गदूतनको उदेश्य का हए तओ? बे त परमेश्वरको सेवा करन बारे इकल्ले हएं। परमेश्वर बिनके मुक्ति पान बारेनके रेखदेख करनके ताहीं पठात हए।

यहूदा 1:14

आदमसे लैके सातौ पिढीमे जन्मो भओ हनोक जे आदमीनके बारेमे अइसे कहिके अगमबाणी बोली रहए, “देखओ, प्रभु नेहात्तओ अपनो अनगिन्ती पबित्र स्वर्गदूतनके सँग आबैगो।

प्रकाश 19:11

तओ मए स्वर्ग खुलो देखो और हुवाँ एक सेतो घोडा रहए। बक उपर सवार होन बारो परमेश्वरको बिश्वासयोग्य और सच्चो सेवक कहोजात हए। परमेश्वरके दृष्टिमे सही भए अनुसार बा बाके दुश्मनको इन्साफ और युद्ध करैगो।

प्रकाश 4:1

जे सब घटना होनके बाद मए, यूहन्ना देखो, कि स्वर्गमे एक फाटक खुलो रहए। तओ मए फिर बहे अबाज सुनो जो तुरहीको अबाज कता मोसे मस्कनडटो रहए। बो मोसे कही: “मेरे ठिन हियाँ उपर आ, और अब जाके पच्छु जो होबैगो बहे मए तोके दिखामंगो।”