याकूब 5:5 - राना थारु नयाँ नियम

⁵ तुम जा पृथ्वीमे सुख बिलासमे और मोजमज्‍जामे जीइरहे हओ, और अइसियए तुम सुख बिलासके ताहीं इकल्लो जिइके परमेश्वरको न्यायके ताहीं अपनएके तयार करत हओ।

परमेस्वर को सच्चो वचन

⁵ तुम धरती मैं भोग-विलास मैं लगे रहे और बड़ा सुख भोगे; तुम जौ वध के दिन के ताहीं अपने दिल कै पाल-पलोस कै मोटो ताजो करे।

याकूब 5:5 交叉參考

लूका 16:19

येशू फिर एक कहानी कहान लागो, “एक धनी आदमी रहए जो बहुत महिंगो लत्ता पैँधत रहए और सदिमान सबसे अच्छो-अच्छो खानु खात रहए।

लूका 16:25

पर अब्राहाम कही, ‘ए लौंणा याद कर, तए अपन जीबन कालमे सबसे अच्छी-अच्छी चीज पाएडारो हए, और लाजरस खराब चीज पाइ रहए। पर अब बो हियाँ अराम पाएरहो हए, और तए कष्ट पाएरहो हए।

रोमियों 13:13

हम अन्धकारमे नाए बल्कि उजियारोमे बैठन बारे आदमी कता उचित ब्यबहार करएं। मोजमजा करनके, दारु पिनके, व्यभिचार करनके, भ्रष्टचार करनके, झगडा और ईर्ष्या करनके छोड देओ।

1 तिमोथी 5:6

बे बिधुवा जो अपने सारा समय सुख-सुबिधामे बितात हएं, बे एक मरे भए आदमीके हानी हएं। बे शारीरिक रुपसे जिन्दा हएं, पर आत्मिक रुपसे मरे भए हएं।

2 तिमोथी 3:4

औरेन्के धोखा देन बारे, मनपरी करतए घमण्डसे फुलन बारे, अभिमानी और परमेश्वरको आराधना करन बारे नाए बल्कि मोज-मजाके प्रेम करन बारे होमंगे।

2 पतरस 2:13

बिनको बिनाश बिनको करोभओ नुक्सानीको इनाम हए। बे दिनको उजियारोमे गलत सुखमे सामील होन मन पणात हएं। बे तुमर अग्गु अपमान और दाग हएं। बे तुमरसँग खाना खाएसे फिर बे छल करनके मन पणात हएं।

यहूदा 1:12

जब जे आदमी प्रभुको प्रेम याद करके तुमर भोजमे तुमर सँग खात हएं, बे डर लगन बारो चट्टान कता हएं जो समुन्दर भितर लुके होत हएं और बे तुमके डुबान सिकत हएं। बे सरम नाएभए बक्रेहेरा कता हएं, जौन अपनो इकल्लो ख्याल करत हएं। बे बो बद्रि कता हएं, जौन सुखो जमिनमे बिना बर्षे ब्यार उणाएके लैजात हए। बे फरन बारे बे रुखा कता हएं, जो दुई चोटी मरचिके होत हएं, काहेकी बे कोइ फरा नाए देत हएं और जरएसे उख्डे रहात हएं। बो कहोक, बे पुरो मुस्किलमे हएं।

प्रकाश 18:7

तए बोके नेहात्तओ बहुत पिडा और दुख दिबाबैगो, जो बोको बिलासी जीबन और बोको अपने प्रति घमण्डके बराबर हए। बो अपनएसे कही, ‘मए एक रानी कता आदमीनके उपर राज्य करंगो। मए एक बिधवा नाए हओं, और मए बिधुवापनको दुखको अनुभव कब्ही नाए करंगो।