याकूब 1:3 - राना थारु नयाँ नियम

³ काहेकी तुम जानत हओ, कि जब तुमर बिश्वास जाँचो जाबैगो, तओ तुमर सहान बारो शक्ति बढैगो।

परमेस्वर को सच्चो वचन

³ जौ जानकै कि तुमरे बिस्वास के परखे जान से तुमरो बिस्वास पैदा होथै, तौ नतीजा स्वरूप तुमकै सहन की छमता मिलथै।

याकूब 1:3 交叉參考

लूका 21:19

तुम परमेश्वरमे बिश्वासयोग्य रहाबैगे कहेसे परमेश्वर तुमर जीबनके बचाबैगो।”

रोमियों 15:4

जित्नो बात पबित्र-शास्त्रमे पहिलीयएसे लिखेहएं, बे हम्रीए शिक्षाके ताहीं लिखेगए हएं, ताकी हम पबित्र-शास्त्रसे पान बारो धिरज और हौसलासे हमरमे आसरा होबए।

रोमियों 2:7

जौन असल काममे स्थिर रहिके महिमा, आदर और अमरकी खोजिमे हए, उनके परमेश्वर कभी फिर नाश नाए होन बारो जीबन देबैगो;

रोमियों 8:25

पर हमके कुछ अइसो पानको आसरा हए जो हमर ठिन अभए तक नैयाँ, जहेमारे हम धर्यसे तबतक आसरा करत हएं जब तक हम बोके प्राप्त नाए करलेमएं।

रोमियों 8:28

और हम जानत हएं, कि जो आदमी परमेश्वरसे प्रेम करत हए, परमेश्वर उनके ताहीं सब चिजनके एक अच्छी अन्तमे लात हए; अर्थात् बिनके ताहीं जौनन्के बो चुनी हए।

2 कोरिन्थी 4:17

हमर दुख अभौफिर थोरीए हएं और लम्बो समय तक नाए रहाबैगो। काहेकी बे दुख अनन्त महिमाके ताहीं होत हए, जौन हम कल्पना करन सिकनसे फिर जद्धा होत हए।

कलस्सी 1:11

परमेश्वरको बडो शक्तिको भण्डारसे आओ भओ, शक्ति पाएके तुम मजबुत होबओ, कहिके मए प्राथना करत हओं। ताकी तुम धैर्य और आनन्दसे अपन दुख सहिपाबओ।

2 थेसलोनिकी 1:4

जहेमारे हम परमेश्वरको मण्डलीमे तुमर बारेमे घमण्ड करत हएं। अइसियए, तुम परीक्षासे हुइके जातहओ, तहुँफिर तुम धिरजसे सहात रहात हओ और तुम अभौफिर येशू ख्रीष्टमे बिश्वास करत हओ।

2 थेसलोनिकी 3:5

हम प्राथना करत हएं, कि प्रभु येशू ख्रीष्ट तुमके जा सम्झनको लायक बनाबए, कि परमेश्वर तुमके कित्नो प्रेम करत हए। और तुम अइसे सहाओ, जैसे येशू ख्रीष्ट सही।

हिब्रू 10:36

तुमके बिश्वासमे स्थिर रहिके आसरा देखन जरुरी हए। तओ तुम परमेश्वरको इच्छा पुरा करपाबैगे और परमेश्वरसे प्रतिज्ञा करेभए सबए चीज पाबैगे।

हिब्रू 12:1

हमर आसपिस अइसे बहुत आदमी हएं, जौनको जीबन हमके बिश्वासको अर्थ बतात हए। बहेमारे हमर डगरमे आन बारे बाधा और हमके फसान बारो पापके हम हटामएं और हमर दौडके धैर्यसाथ दौरएं।

1 पतरस 1:7

जे समस्यान्को उदेश्य जा दिखानके ताहीं हए, कि तुम नेहात्तओ परमेश्वरमे भरोसा करत हओ। तुमर येशू ख्रीष्टमे बिश्वास सोनोसे जद्धा महिंगो हए। जैसे नाश होन बारो सोनो आगीसे जाँचो जातहए और शुद्ध बनाओ जातहए। अगर तुमर बिश्वास आगी कता परीक्षासे जँचके फिर मजबुत रहाबैगो कहेसे येशू ख्रीष्ट लौटके आन बारो दिनमे तुमके बहुत प्रसंसा, महिमा और सम्मान लाबैगो।

2 पतरस 1:6

तुमके जहे इकल्लो जाननके नाए कि, समझदारीसे कैसे ब्यबहार करनके हए, बल्कि तुम बे बुरे कामनके फिर नाए करनके हए जो तुम करन चाँहत हओ। तुमके अच्छे कामनमे इकल्लो नाए, बल्कि तुमके कठिनाइमे फिर स्थिर होन पणो। तुमके स्थिर इकल्लो नाए होन हए, बल्कि तुमके अइसे जीइनके हए जोके द्वारा परमेश्वरको प्रसंसा होबए।