गलातियों 4:8 - राना थारु नयाँ नियम

⁸ बिते समयमे जब तुम परमेश्वरके नाए जानत रहओ, तुम बे चिजनके कमैया रहओ, जो ईश्वर नाए हएं।

परमेस्वर को सच्चो वचन

⁸ लेकिन एक समय ऐसो रहै जो परमेस्वर कै नाय जानत रहैं तौ स्वभाव से उनके गुलाम रहैं, परमेस्वर के नाय।

गलातियों 4:8 交叉參考

यूहन्ना 1:10

बा संसार रहए, संसार बहेसे बनोगओ, तहुँफिर संसारके आदमी बाके नाए चिन पाइं।

प्रेरित 14:12

बे बारनाबासके ग्रीकको देवता, जिउस करके नाउँ दइं और पावलके हर्मेसको नाउँ दइं, काहेकी बो मुख्य सन्देश देन बारो रहए।

प्रेरित 17:23

जा सहरमे घुमत पेती मए तुमर आराधना करन बारो चीज फिर देखो। मए एक अइसो बेदी फिर देखो, जोमे अइसो लिखो हए, ‘नाए चिनो भओ ईश्वरके ताहीं।’ तभीमारे जोके तुम बिना जानके आराधना करत हओ, मए बोको अच्छो खबर सुनाए रहो हओं।”

रोमियों 1:23

और हमेसा जिन्दा रहान बारो परमेश्वरके आराधना करन छोडके बे बिनाशी आदमी, चिरैंचिरगुनी, चार टंगा बारे जानबर, और घिष्टन बारे जन्तुनके मूर्ति बनाएके महिमा करीं।

रोमियों 1:28

और बे परमेश्वरको सच्चो ज्ञानके स्वीकार करनके ठिक नाए मानीं, जहेमारे परमेश्वर फिर बिनके बे सब गलत काम करनके ताहीं बिनको गलत बिचारमे छोड दइ।

1 कोरिन्थी 1:21

मए जा जहेमारे कहात हओं, काहेकी परमेश्वर बुद्धिमानके साथ जा फैसला लइ, कि जा संसारके आदमी अपनो ज्ञानके द्वारा बोके जाननमे सक्षम नाए होमंगे। जहेमारे परमेश्वर बे आदमीनके बचानको बिचार करी जो बो अच्छो समाचारमे बिश्वास करत हएं जौनको हम परचार करे, हियाँतककी बे आदमी जो बिश्वास नाए करत हएं, कि हमर परचारको कोइ फाइदा नाए हए।

1 कोरिन्थी 12:2

तुम जानत हओ, कि तुम बिश्वासी बननसे पहिले कैसे जीबन जीइत रहओ, तुम बे मसक नाए पान बारे मूर्तिको आराधना करनके ताहीं कित्नो बातके द्वारा प्रभाबित भए रहओ।

1 कोरिन्थी 8:4

अइसो हए कहेसे, मए खानके बारेमे सबालको जबाफ देन चाहंगो, कि मूर्तिनके अग्गु बलि चढाओ भओ खानुके बारेमे हम सब जानत हएं, कि मूर्ति पुरी संसारको सच्चो ईश्वर नाए हएं। पर केबल एकए सच्चो परमेश्वर हए।

गलातियों 4:3

उइसीयए हम फिर बहे लौंणा हानी रहएं। हम बेहीं रिति-रिबाज और नियमके अधीनमे रहएं, जो जा संसारमे हएं।

इफिसियों 4:18

बे सम्झनमे सक्षम नाए हएं, काहेकी बे आज्ञा मानन बारे नाए हएं और सुनन्से इन्कार करनके कारण बे ख्रीष्टमे भओ नयाँ जीबनसे दुर हएं, जो परमेश्वर देतहए।

1 थेसलोनिकी 1:9

काहेकी बे आदमी दुस्रे जनैनके बतात हएं, कि जब हम तुमर ठिन आए तओ तुम कैसे हमर स्वागत करे। और जा फिर बतात हएं, कि कैसे तुम मूर्तिपुजाके छोडके परमेश्वर घेन घुमे, ताकी तुम जिन्दा और सच्चो परमेश्वरके सेवा करओ।

2 थेसलोनिकी 1:8

और जो परमेश्वरके नाए चिनत हएं, और जो हमर प्रभु येशू ख्रीष्टके बारेमे अच्छो समाचारके स्वीकार नाए करत हएं, परमेश्वर उनके दण्ड देबैगो।

1 पतरस 4:3

गएभए समयमे तुम गैर-बिश्वासीनके मन पणन बारो काम करके बहुत समय बर्बाद करे। तुमर जीबन अन्यजाति कता व्यभिचार, कुबासना, दारुके नसामे, मोजमजा, पियक्कडपन और घृणित मूर्तिपुजामे बितो, जोके परमेश्वर घृणा करत हए।

1 यूहन्ना 3:1

बिचार करओ, कि दौवा परमेश्वर हमसे कैसो प्रेम करीहए, बाको प्रेमको कारण हम परमेश्वरके सन्तान कहेगए हएं। पर जौन आदमी जा संसारके आदमीसे सम्बन्ध बनात हएं, बे नाए जानत हएं, कि हम परमेश्वरके सन्तान हएं। काहेकी बे दौवा परमेश्वरके नाए चिन्हत हएं।