गलातियों 4:5 - राना थारु नयाँ नियम

⁵ ताकी बा हमके छुटकारा कर पाबए, जो मोशाको नियम कानुनके अधीनमे रहात रहएं। और बा हमके अपनुवए बच्चाके रुपमे बनाएलै।

परमेस्वर को सच्चो वचन

⁵ और जो लोग नियम के मैं अधीन रहैं, उनकै बौ मोल लैकै छुड़ाय लई, ताकी हम परमेस्वर के बालका बन सकैं।

गलातियों 4:5 交叉參考

मत्ती 20:28

जैसी आदमीको लौंणा फिर सेवा पानके नाए, पर सेवा करन और बहुतनको पापनके मोल तिरके छुटानके ताहीं मोलके रुपमे अपन प्राण देन आओ।”

लूका 1:68

“धन्य हए प्रभु, इस्राएल देशको परमेश्वर! बा अपने प्रजाके ठिन आओ हए, और बिनको उद्धार करीहए।

यूहन्ना 1:12

पर जित्नो येशूके स्वीकार करीं, और बाके उपर बिश्वास करीं, बिनके बा परमेश्वरको सन्तान होनके अधिकार दइ।

प्रेरित 20:28

तुम अपन ताहीं और अपने पुरा समुहके ताहीं साबधान रहियओ। पबित्र आत्मा तुमके समुहको मण्डलीको अगुवा बनानके कारणसे तुम, ख्रीष्टको अप्नो खुनसे किन भओ परमेश्वरको मण्डलीको रेखदेख तुम करओ।

रोमियों 10:4

काहेकी ख्रीष्ट पहिलीएसे बो उदेश्यके पुरा करी, जोके ताहीं नियम कानुन दओगओ रहए। जाकेमारे, जो कोइ फिर बामे बिश्वास करत हए बे परमेश्वरके सँग धर्मी ठहिरत हएं।

रोमियों 8:14

काहेकी परमेश्वरको आत्मासे दिखाओ भओ डगरमे चलन बारे परमेश्वरएके लौंणालौंणीया हएं।

रोमियों 8:15

काहेकी तुमके कमैयाको आत्मा नाए मिलो हए जो फिरसे परमेश्वरसे डराएजाए, पर जब परमेश्वर तुमके अपने सन्तानके रुपमे स्वीकार करलै तओ तुमएं परमेश्वरको आत्मा मिलो गओ। जोसे हम, “हे दौवा” कहिके बुलात हएं।

रोमियों 8:19

सृष्टि बडो आसरा भरी दृष्टिसे परमेश्वरको सन्तान प्रकट होनको प्रतिक्षा कररहो हए।

रोमियों 8:23

और जा सृष्टि इकल्लो नाए, पर हम फिर, जौनमे होनबालो महिमाके पहिलीयएसे स्वाद चाखानके रुपमे पबित्र आत्माको निबास हए, हम पबित्र आत्माके हमर ताहीं परमेश्वरको प्रतिज्ञाकी निसानीके रुपमे पाए हएं। पर हम अभौफिर बो समयको आसरा कर रहे हएं जब हमके अपने बच्चा बनानके ताहीं परमेश्वर उठाएलेबैगो और हमर शरीरके सब दुष्टतासे छुटकारा करैगो।

रोमियों 9:4

बे इस्राएल देशके आदमी हएं, बे परमेश्वरके अपने सन्तान बनानके ताहीं छानी हएं, और परमेश्वर उनके अपनो महिमा दिखाइ। बा बिनसे अपनो करार बाँधी और बिनके अपनो नियम कानुन दइ। बिनके बाको आराधना करन और बाको अदभुत प्रतिज्ञा पान मौका रहए।

गलातियों 3:13

पर ख्रीष्ट हमके बो सरापसे बचाइ हए, जो नियम कानुन लात हए। जब क्रूसमे ख्रीष्टको मृत्यु भओ, तओ बा हमरे पापसे आन बारो सराप अपने उपर लैलै और हमके छुटकारा दइ। काहेकी पबित्र-शास्त्रमे जा लिखो हए, “जो कोइ फिर क्रूसमे मरत हए, बो सरापित हए।”

गलातियों 3:26

“जब तुम ख्रीष्टके नाउँसे बप्तिस्मा लए हओ, और तुम सब ख्रीष्ट येशूमे बिश्वास करनके द्वारा तुम ख्रीष्टको नयाँ जीबनके पैंधलए हओ, जैसे एक आदमी नयाँ लत्ता पैंधलेत हए। जहेमारे तुम ख्रीष्ट येशूमे बिश्वास करे, तओ तुम सब परमेश्वरके सन्तान बनेहओ।

गलातियों 4:21

और तुम, जो मोशाको नियम कानुनको अधिन होन चाँहत हओ! मेरी बात सुनओ! मए तुमके बतामंगो, कि मोशाको नियम कानुनको किताबमे का लिखो हए।

गलातियों 4:7

जहेमारे, अब हम कमैया नाए हएं, पर हम परमेश्वरके लौंणा बनिगए हएं; काहेकी हम परमेश्वरके लौंणा हएं, तओ बा हमके बे सब कुछ देबैगो, जो बाके ठिन बाके लौंणाके ताहीं हएं।

इफिसियों 1:5

परमेश्वरको प्रेमके कारणसे बा निर्णय लइ, कि बा येशू ख्रीष्टके द्वारा हमके अपनो सन्तान होनके ताहीं चुनैगो। परमेश्वर अपनो खुसी और आनन्द अनुसार अइसो करीहए।

इफिसियों 1:7

ख्रीष्ट मरत पेती हमर ताहीं खुन बहानके द्वारा परमेश्वर हमके छुटकारा करदइ हए, और परमेश्वर हमर पापनके क्षमा करदइ हए, और बाको अनुग्रह बहुत महान हए जो हमके मिलो हए।

इफिसियों 5:2

ख्रीष्टको उदाहरणके पालन करके दुस्रेन्के प्रति प्रेमसे भरो भओ जीबन जीबओ, जौन तुमसे प्रेम करी और तुमर पापनके उठानके ताहीं अपनएके बलिदान करके दइदइ। और परमेश्वर जा कामसे खुसी रहए, काहेकी बो बलिदान बाके ताहीं सुगंधित धुपके समान रहए।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

हिब्रू 1:3

बा परमेश्वरको महिमाको प्रतिबिम्ब और परमेश्वर जैसो स्वभाबको सित्माओंको प्रतिरुप हए, और सब बिश्वके अपन शक्तिशाली बचनसे सम्हारत हए। जब ख्रीष्ट आदमीनको पापके क्षमा करोजाए कहिके अपन काम खतम करी, तओ जाएके बा महिमित परमेश्वरको दहिना हात घेन स्वर्गमे उच्च आदरको ठाउँमे बैठिगओ।

हिब्रू 9:12

ख्रीष्ट स्वर्गमे भओ महापबित्र ठाउँमे एकए चोटी सदामानके ताहीं प्रबेश करी। बा अपने सँग बक्रा और बछ्रनको खुन लैके नाए गओ। बाको बलि बाको अपनो खुन रहए, और जासे बो हमके पापसे सदाके ताहीं छुटकारा करदइ हए।

हिब्रू 9:15

जहेमारे ख्रीष्ट परमेश्वरसे आदमीनके ताहीं नयाँ करारको मध्‍यस्‍थकर्ता हए। परमेश्वरके माध्यमसे बुलाएभए आदमीनके बाको प्रतिज्ञा करोभओ आशिष पाए सकत हएं, बो आशिष सदाके ताहीं रहबैगो। ख्रीष्ट मरोके कारण, बे आशिष पाइं, ताकी पुरानो करारमे रहान बारे पापसे छुटकारा हुइपामएं।

1 पतरस 3:18

मए अइसे कहात हओं काहेकी हमर पापके कारण ख्रीष्ट फिर दुख भोगी और मरो। बा एकए चोटी इकल्लो मरो और जाके दुस्रो चोटी करनके जरुरी नैयाँ। बा एक धर्मी आदमी रहए, जो पापी आदमीनके ताहीं मरो। ताकी बा हमके परमेश्वरके जौँणे लाए पाबए। बे बाको शरीरके मारीं, पर बाको आत्मा जिन्दा हए।

प्रकाश 14:3

एक लाख चवालीस हजार आदमी सिंहासनके अग्गु, चार जिन्दा प्राणी और धर्मगुरुनके अग्गु बे एक नयाँ गीत गानडटे रहएं जो गीत बेहीं इकल्ले सिखपात रहएं। बेहीं हएं जौनके परमेश्वर पृथ्वीमे रहान बारे आदमीनके बीचसे छुणाइ रहए।

प्रकाश 5:9

और बे अइसे करके थुमा अर्थात् येशू ख्रीष्टके बारेमे गान लागे, “तुम जा खलरीको चिट्ठीको मोहरके तोणन और जाके खोलनके लायक हओ। काहेकी तुमके मारडारोगओ रहए और अपनो मृत्युके खुनसे तुम संसारके हर कुल, भाषा, आदमी और जातिसे परमेश्वरके ताहीं आदमीनके छुटकारा दए।