इफिसियों 5:23 - राना थारु नयाँ नियम

²³ काहेकी लोगा बैयरकी शिर हए, जैसेकी ख्रीष्ट मण्डलीको शिर हए; और ख्रीष्ट अपनए मण्डलीको उद्धारकर्ता हए, जोकी बाको अपनी शरीर हए।

परमेस्वर को सच्चो वचन

²³ एक लोगा को अपनी बईय्यर ऊपर हक होथै जैसे कि मसीह को कलीसिया ऊपर हक होथै; और मसीह खुदै सरीर मतलब कलीसिया को उद्धारकर्ता है।

इफिसियों 5:23 交叉參考

प्रेरित 20:28

तुम अपन ताहीं और अपने पुरा समुहके ताहीं साबधान रहियओ। पबित्र आत्मा तुमके समुहको मण्डलीको अगुवा बनानके कारणसे तुम, ख्रीष्टको अप्नो खुनसे किन भओ परमेश्वरको मण्डलीको रेखदेख तुम करओ।

1 कोरिन्थी 6:13

तुम मैसे कोइ कहे सकत हए, “खानु शरीरके ताहीं, और शरीर खानुके ताहीं हए,” बो ठिक हए, पर परमेश्वर हमरे शरीर और हमरे खानु दुनौ नष्ट करदेबैगो। शरीर व्यभिचारके ताहीं नाए, बल्कि हमर शरीर प्रभुके हएं और बाके सेवा करनके ताहीं बने हएं।

इफिसियों 4:15

बल्कि, प्रेमसे सच्चो बात बोलके और हमएं हर तरिकासे पक्को होनचाहो। ताकी ख्रीष्टके कता बनपामएं, जो मुण हए।

इफिसियों 5:24

जैसी मण्डली ख्रीष्टके अधीनमे हए, उइसीयए बैयर फिर सब बातमे अपने-अपने लोगाके अधीनमे रहामएं।

कलस्सी 1:18

जैसे आदमी अपन मुणसे शरीरके नियन्त्रण करत हए, उइसी ख्रीष्ट अपन मण्डलीके नियन्त्रण करत हए, बहे सुरु हए, और मरे भए मैसे जीइ उठन बारो मैसे पहिलो हए, ताकी सब बातमे बहे बडो होबए।

1 थेसलोनिकी 1:10

और परमेश्वरको लौंणाके स्वर्गसे फिरसे लौटके आनको आसरा करत रहाबओ जौनके परमेश्वर मरो भओ मैसे जिन्दा करी, अर्थात् येशूके, जो परमेश्वरको आन बारो क्रोधसे बचात हए।

प्रकाश 19:7

हम रमामएं और गजब खुसी होमएं, और बाके महिमा देमएं! काहेकी जो थुमा हए बाको बेहा होन बारो हए। और बाकी दुलहीन बाके ताहीं तयार हए।

प्रकाश 5:9

और बे अइसे करके थुमा अर्थात् येशू ख्रीष्टके बारेमे गान लागे, “तुम जा खलरीको चिट्ठीको मोहरके तोणन और जाके खोलनके लायक हओ। काहेकी तुमके मारडारोगओ रहए और अपनो मृत्युके खुनसे तुम संसारके हर कुल, भाषा, आदमी और जातिसे परमेश्वरके ताहीं आदमीनके छुटकारा दए।