इफिसियों 4:31 - राना थारु नयाँ नियम

³¹ सब गलत बात, लडाइ-झगडा और गुस्साके त्यागदेओ। बदनाम मत् करीयओ, सब किसिमके हिंसा करन तुम छोड देबओ।

परमेस्वर को सच्चो वचन

³¹ सब तराहनी की कड़वाहट, और राग और गुस्सा से छुटकारा पाबौ, और कोई बदनामी करन बारी बात, कोई तरहन की जद्धे खराब सोच मत पालौ।

इफिसियों 4:31 交叉參考

प्रेरित 21:30

तओ बो बातसे पुरो सहर भर हुलदङ्गा मचिगओ और आदमी एकए सँग चारौ घेनसे दौडत आए। बे पावलके कढेरत मन्दिरसे बाहिर निकारके और मन्दिरको फाटक बन्द करीं।

रोमियों 3:14

और उनको बातचित सरापन बारो और करुवान बारोसे भरोहए।

1 कोरिन्थी 14:20

हे मेरे बिश्वासी ददाभइयओ, एक बच्चा कता मत् सोँचओ, जब जा बुराइको बात आत हए तओ बच्चाके रुपमे निर्दोष होबओ। पर जे मेलके बातनके सम्झनमे परिपक्व होओ।

1 कोरिन्थी 5:8

तओ आओ हम निस्तार तेवहार मनात हएं। निस्तारके समयमे, यहूदी अपने घरसे सब खमिरके फेक देत हएं। उइसीयए, हमके बिश्वासी बननसे पहिले हम जौन तरिकासे ब्यबहार करत रहएं, बो कामके करन बन्द कर देन चाहो। बो निस्तारके समयमे, यहूदी रोटी खाइं, जोमे कोइ खमिर नाए रहए। उइसीयए, हमके ब्यबहार करन चाहो। काहेकी परमेश्वरके आदमीनके अइसो ब्यबहार करन चाहो जैसे हमरे जीबनमे कोइ मेलको फिर खराब ब्यबहार नाए हए। जोको मतलब, हमरे दिलमे धोखासे फिर खराब बात छिपन नाए चाहो, बल्कि इमान्दारीसे ख्रीष्टको अनुसरण करन चाहो।

2 कोरिन्थी 12:20

काहेकी मोके डर हए, कहुँ अइसो नाए होए, कि मए आएके जैसो चाँहत हओं, उइसो तुमके नाए पामओं। और मोके फिर जैसो तुम नाए चाँहत हओ उइसीयए पाबओ। मोके डर हए, कि तुममे लडाइ, डाह, क्रोध, स्वार्थ, बिजरो, चुग्ली, घमण्ड और गोलमाल हुइ सकत हए।

गलातियों 5:20

बे मूर्तिपुजा पुजत हएं, जादु-टोना करत हएं, अपने सँगीसे घृणा करत हएं, एक-दुस्रेसे लडाइ करत हएं, बे बेहीं चीजके पान इच्छा करत हएं जो दुस्रे आदमीनके ठिन हए। बे जल्दी गुस्साए जात हएं, अपने डगर निकारनके ताहीं दुस्रे आदमीनके तरे गिरात हएं, बे उइसे आदमीनके अस्वीकार करदेत हएं जोसे बे असहमत हएं, और सिर्फ उइसे आदमीनके सँग लगत हएं जोसे बे सहमत हएं।

इफिसियों 4:22

तुमर गुरु तुमके बो तरिकाके छोडनकी शिक्षा दइं, जोके अनुसार तुम ब्यबहार करत रहओ। तुम्री खराब इच्छा तुमके धोखा दइ और तुमर जीबनके बर्बाद करदइ।

इफिसियों 4:25

जहेमारे झुठो मस्कनके छोडके, सब सँगी बिश्वासीनसे सत्य बोलएं, काहेकी हम सबए बिश्वासी एकए शरीरके अंग हएं।

इफिसियों 4:26

अगर तुम गुस्साए जाबैगे तओ ध्यान देओ, कि तुम पाप नाए करओ। सुनिश्चित करओ, कि दिन खतम होनसे पहिले तुम गुस्सानके बन्द करदेबओ।

कलस्सी 3:19

हे लोग आदमी, अपने-अपने बैयरसे प्रेम करओ, और बिनके सँग दयासे ब्यबहार करओ।

कलस्सी 3:8

पर अब तुमके जे सब बातके छोडन पणैगो, जैसेकी गुस्सा, क्रोध, हिंसा, बदनाम और दुस्रेके बारेमे गलत बात बतानो।

1 तिमोथी 3:11

अइसियए मण्डलीको सेवा करन बारेनकी बैयर सम्मानको लायक होन पणत हए; और दुस्रेनके बारेमे खराब बात बत्कान बारी नाए होबए, पर शान्त तरिकासे ब्यबहार करन बारी होबए, ताकी उनके उपर हर चीजमे भरोसा करपामएं।

1 तिमोथी 3:3

बो एक दरोहा आदमी या अइसो आदमी नाए होन पणो जो हमेसा लडतए रहात हए। पर बो दयालु और शान्त स्वाभावको आदमी होन पणो। और बाद-बिबाद करन बारो नाए होए और धनको लालची नाए होबए।

1 तिमोथी 5:13

और जाके सँगए-सँग बे घर-घर घुमके अल्छी होन सिखत हएं, और अल्छी इकल्लो नाए, बल्कि दुस्रेनके बारेमे चुग्ली करत हएं और दुस्रेनके काममे बाधा लात हएं और अइसे बात बत्कात हएं जो बात बिनके नाए कहानके हए।

2 तिमोथी 2:23

पर नाए जानन बारो मुरख बातसे दुर रहो; काहेकी तए जानत हए, कि जे बातसे लडाइ होत हएं।

2 तिमोथी 3:3

कोइके प्रेम नाए करन बारे, दुस्रेके माफी नाए देन बारे, दोष लगान बारे, अपन इच्छाके नियत्रण नाए करन बारे, हिंसा करन बारे, जो अच्छे हएं उनके हेल्हा करन बारे,

तीतुस 1:7

काहेकी मण्डलीके रेखदेख करन बारे अगुवा परमेश्वरको कामके जिम्मा लए होत हएं। जहेमारे बे कोइ दोष नाए भए बारे आदमी होन पणत हए। बे अपनो मनपरी करके घमण्डसे फुलन बारे, जल्दी गुस्सान बारे, दारु पिन बारे, लडाइ करन बारे और मनमे लोभ होन बारे नाए होमएं।

तीतुस 2:3

अइसियए करके बुढी बैयर अइसो ब्यबहार करएं, जो हर बातमे परमेश्वरके सम्मान देमएं; दुस्रेनके बारेमे खराब बात बत्कान बारी और दारु पिइन बारी नाए होमएं, पर उनके एक अच्छो जीबन जीइनको तरिका सिखन पणो।

याकूब 1:19

हे मेरे बिश्वासी ददाभइयओ, जा बात जानलेओ: हर एक आदमी सुननके ताहीं जल्दी और मस्कनमे होसियार और गुस्सानमे कम होन पणत हए।

याकूब 3:14

पर अगर तुम अपने-अपने मनमे बहुत जलन होनो और स्वार्थ हए, कहेसे तुमर घमण्ड एक झुटो हए, जौन सच्चाईके लुकात हए।

याकूब 4:11

हे मेरे बिश्वासी ददाभइयओ, एकदुस्रेके बिरुद्धमे खराब बात मत् बतकाबओ। जौन अपनो भइयाको बिरोध करत हए या भइयाके दोष लगात हए कहेसे बो मोशाको नियम कानुनके बिरोध करत हए। अगर तुम मोशाको नियम कानुनके बिरोध करत हओ कहेसे तुम मोशाको नियम कानुनके पालन करन बारे नाए हुइके मोशाको नियम कानुनके दोष लगान बारे बन्जात हओ।

1 पतरस 2:1

जहेमारे सबए मेलको खराब ब्यबहार करन इन्कार करओ। औरेनके धोखा मतदेओ, कपटी मत् होओ। औरेनको ईर्ष्या मत् करओ। दुस्रे आदमीनको बिरुद्ध खराब बात मत् करओ।

1 यूहन्ना 3:12

और आदमको लौंणा कयिनके हानी नाए बनएं, जो शैतानसे रहए, और जौन अपनो भइया हाबिलके हत्या करी। बो अपन भइयाको हत्या काहे करी? जाकेमारे कि बोको काम ठिक नाए रहएं, और बोको भइयाके काम ठिक रहएं।

1 यूहन्ना 3:15

जौन अपन भइयाके हेल्हा करत हए, बो हत्यारा हए। और तुम जानत हओ, कि कोइ फिर हत्यारामे, कभी फिर नाश नाए होन बारो जीबन नाए होत हए।

प्रकाश 12:10

फिर मए स्वर्गसे जा बडो सब्द आत सुनो, “अब हमर परमेश्वर अपने आदमीनके बचाबैगो! अब बा अपनो शक्तिके इस्तमाल करैगो और राजाके रुपमे राज्य करैगो! अब बोको ख्रीष्ट संसारमे अपनो अधिकारको दाबी करैगो! काहेकी रातदिन हमर बिश्वासी ददाभइयनके दोष लगातए शैतान अब हमर परमेश्वरको उपस्थितिमे नाए ठाणैगो। बोके स्वर्गसे बाहिर फेँको गओ हए।