इफिसियों 4:22 - राना थारु नयाँ नियम

²² तुमर गुरु तुमके बो तरिकाके छोडनकी शिक्षा दइं, जोके अनुसार तुम ब्यबहार करत रहओ। तुम्री खराब इच्छा तुमके धोखा दइ और तुमर जीबनके बर्बाद करदइ।

परमेस्वर को सच्चो वचन

²² जहे बजह से अपने पुराने चाल-चलन से छुटकै, जो तुमकै बौ तरीका से जिंदो करी जैसे कि तुम बौ पुराने चाल-चलन मैं चलत रहौ जो अपने धोकेबाज इच्छन से खतम होत रहै।

इफिसियों 4:22 交叉參考

रोमियों 6:6

काहेकी हम जानत हएं, कि हमर पुरानो पापमय स्वभाब, ख्रीष्ट येशूके सँग क्रूसमे चढाओगओ, ताकी हमर शरीरमे पापमए स्वभाब नाश हुइजाबए और अब अइसो हम पापको कमैया नाए होमएं।

रोमियों 7:11

काहेकी पाप जा आज्ञाको इस्तमाल करके मोके धोखा दइ, और बहेके द्वारा मोके परमेश्वरसे अलग करबाइ।

2 कोरिन्थी 11:3

पर जैसे शैतान साँपके रुपमे अपनी चलाँकीसे पहिले बैयर हव्वाके छली, उइसीयए ख्रीष्ट घेनको तुमर निष्कपट और बाको सेवासे तुमर बिचार भ्रममे पणहएं कि कहिके मोके डर लागो हए।

गलातियों 1:13

तुम सुनडारे हओ, कि मए यहूदी धार्मिक नियमके अनुसार जीइत रहओं; और मए परमेश्वरको मण्डलीके बिश्वासीनके बहुत सताओ और बोके नाश करनके कोसिस करत रहओं।

इफिसियों 2:3

हम फिर पापी स्वभाबके इच्छन्के पुरा करके जीइत रहएं, जो फिर हमर खराब इच्छा और बिचार हमसे कर्बान चाँहत रहए हम बहे करत रहएं। और बाँकी औ सबए कता, हम फिर स्वाभाबिक रुपसे बुरे रहएं और परमेश्वरको दण्डके अधिनमे रहएं।

इफिसियों 4:17

जहेमारे बो अधिकारके साथ जो प्रभु मोके दइ हए, मए तुमके जा बतात हओं, कि जैसे अबिश्वासी आदमी अपन मनको बेकारको रितिमे चल्त हएं, तुम अबसे उइसो मत् जीइबओ।

इफिसियों 4:25

जहेमारे झुठो मस्कनके छोडके, सब सँगी बिश्वासीनसे सत्य बोलएं, काहेकी हम सबए बिश्वासी एकए शरीरके अंग हएं।

इफिसियों 4:31

सब गलत बात, लडाइ-झगडा और गुस्साके त्यागदेओ। बदनाम मत् करीयओ, सब किसिमके हिंसा करन तुम छोड देबओ।

कलस्सी 2:11

जब तुम ख्रीष्टमे बिश्वास करे, तुमर खतना आदमीनसे नाए करोगओ, जैसे यहूदी आदमीनके करत रहएं। पर बो खतना ख्रीष्टके माध्यमसे भओ, जो तुमर पापी स्वभाबके काटके दुर करे जैसो हए।

तीतुस 3:3

काहेकी हम फिर पहिले समयमे मुरख, परमेश्वरको आज्ञापालन नाए करन बारे, और आदमीनसे धोखा खाएभए हएं, और हम हर मेलके खराब काम करनके नाए छोडपात रहएं, जौनके हम करन चाँहत रहएं। अइसे करके हमके आनन्द मिलत रहए। और हम अपने समय खराब तरिकासे ब्यबहार करनमे और दुस्रे आदमीनसे डहा करनमे बितात रहएं। और हम घृणित आदमी रहएं; हर कोइ आदमी हमसे घृणा करत रहए, और हम बोसे घृणा करत रहएं।

हिब्रू 12:1

हमर आसपिस अइसे बहुत आदमी हएं, जौनको जीबन हमके बिश्वासको अर्थ बतात हए। बहेमारे हमर डगरमे आन बारे बाधा और हमके फसान बारो पापके हम हटामएं और हमर दौडके धैर्यसाथ दौरएं।

हिब्रू 3:13

जब तक पबित्र-शास्त्रमे “आजको दिन” कहान बारी बात हए, तबतक हर दिन एक-दुस्रेनके हौसला देबओ। पाप तुमके धोखा नाएदेबए और तुमर ह्रदय कठोर नाए होबए।

याकूब 1:21

जहेमारे सब खराब बात और सब दुष्टसे दुर होबओ। नम्र हुइके तुमर मनमे धरो भओ परमेश्वरको बचनके अपनो बनाओ, काहेकी तुमर प्राणके जहे बचन बचाबैगो।

याकूब 1:26

अगर कोइ आदमी अपनएके धर्मी समझतहए, पर अपनो जिभके लगाम नाए लगात हए, कहेसे बो अपनएके धोखा देतहए, और बोको धरम-करम व्यर्थ होतहए।

1 पतरस 1:18

तुमके पता हए, बिगतमे तुम ब्यर्थ तरिकासे जीबन बितान डटे रहओ, जौन तरिका तुमर पुर्खा बितात रहएं। पर तुम बो बेकारको जीबनसे बचाएगए हओ। तुम सोनो और चाँदी जैसे नष्ट होन बारे चीजसे छुटकारा नाए करेगए हओ,

1 पतरस 4:3

गएभए समयमे तुम गैर-बिश्वासीनके मन पणन बारो काम करके बहुत समय बर्बाद करे। तुमर जीबन अन्यजाति कता व्यभिचार, कुबासना, दारुके नसामे, मोजमजा, पियक्कडपन और घृणित मूर्तिपुजामे बितो, जोके परमेश्वर घृणा करत हए।

2 पतरस 2:13

बिनको बिनाश बिनको करोभओ नुक्सानीको इनाम हए। बे दिनको उजियारोमे गलत सुखमे सामील होन मन पणात हएं। बे तुमर अग्गु अपमान और दाग हएं। बे तुमरसँग खाना खाएसे फिर बे छल करनके मन पणात हएं।

2 पतरस 2:7

पर सदोमके नष्ट करनसे अग्गु बा लोतके बचाइ, जो एक धर्मी आदमी रहए, जब बो लोत सहर छोडके गओ तओ परमेश्वर बोके बचाइ। लोत बहुत चिन्तामे रहए, काहेकी सदोम सहरके आदमी बेसर्मी काम करीं।