इफिसियों 4:14 - राना थारु नयाँ नियम

¹⁴ जहेमारे, अबसे हमके बच्चा कता नाए होन हए, और हम बे नैयाँके कता नाए होमएं जौनन्के लणुरा अग्गु-पच्छु ढकेलत हए और हबा इतएउतए घुमात हए। जाको अर्थ जा हए, कि चलाँख और ठगिया आदमी अब अपनी झुठी शिक्षासे हमके धोखा नाए दइपए हएं।

परमेस्वर को सच्चो वचन

¹⁴ तौ हम अग्गु कै बालका नाय रहमैं जो इंसान की ठगी और चलाँकी से, उनकी गलतफैमि की चालन के और उपदेस के सब झोंकन से उछालो और इतै-उतै घुमाओ जाथै।

इफिसियों 4:14 交叉參考

मत्ती 11:7

और बे जाएके पिच्छु, येशू बप्तिस्मा देन बारो यूहन्नाके बारेमे भिडसे कहान लागो, “तुम जंगली इलाकामे का देखन निकरे हओ? का हालन बारो कटिलाके? नाए, तुम बो देखन नाए गए रहओ।

मत्ती 24:11

बहुत झुठे अगमबक्ता आमंगे, और बहुत आदमीनके धोखा देमंगे।

मत्ती 24:24

काहेकी झुठे ख्रीष्ट, और झुठे अगमबक्ता आमंगे, और हुइ सकत, कि बे चुनेभएनके फिर भणकानके ताहीं बणे-बणे चिन्हा और चमत्कारको काम दिखए हएं।

प्रेरित 23:21

कृपया बिनकी जा बिन्ती मत् मनीयओ, काहेकी बिनहीन मैसे चालिससे फिर जद्धी आदमी पावलके नाए मारन तक कुछु खएहएं पिहएं नाए, कहिके कसम खाएके पावलके मारन ताहीं तायर हएं, और अब बे तुमर आज्ञाके असियात हएं।”

1 कोरिन्थी 12:2

तुम जानत हओ, कि तुम बिश्वासी बननसे पहिले कैसे जीबन जीइत रहओ, तुम बे मसक नाए पान बारे मूर्तिको आराधना करनके ताहीं कित्नो बातके द्वारा प्रभाबित भए रहओ।

1 कोरिन्थी 14:20

हे मेरे बिश्वासी ददाभइयओ, एक बच्चा कता मत् सोँचओ, जब जा बुराइको बात आत हए तओ बच्चाके रुपमे निर्दोष होबओ। पर जे मेलके बातनके सम्झनमे परिपक्व होओ।

1 कोरिन्थी 3:19

काहेकी बो बात जो जा संसारके आदमी समझत हएं, कि ज्ञानवान हएं। पर जा ज्ञान परमेश्वरके अग्गु मुरखता हए, जा उइसीयए हए जैसे पबित्र-शास्त्र कहात हए, “कुछ आदमी सोँचत हएं, कि बे ज्ञानवान हएं, पर परमेश्वर उनको अपनो चतुर योजनन्के इस्तमाल उनके हरानके ताहीं करत हए।”

2 कोरिन्थी 2:17

काहेकी तमान आदमी हानी हम परमेश्वरको बचन रुपैयाके ताहीं परचार नाए करत हएं, पर शुद्ध मनसे और ख्रीष्टको अधिकारसे हम परमेश्वरको बचन परचार करत हएं, जा जानके, कि परमेश्वर हमके देखन डटो हए।

2 कोरिन्थी 4:2

हम सरम लागन बारे काम और लुकी-छिपी करन बारो काम नाए करत हएं। हम छलकपट वा परमेश्वरको बचनमे मिलाओट करन बारो काम फिर नाए करत हएं। पर हम परमेश्वरके अग्गु सत्य इकल्लो सिखात हएं और जा सत्य हए कहिके हर आदमी गवाही देन सिकंगे।

गलातियों 3:1

हे गलातिया परदेसके बिश्वासीउ, कोइ जरुर तुमके भणकाए दइ हए। मए तुमके अच्छेसे सम्झाओ हओं कि येशू ख्रीष्टके क्रूसमे टाँगनको कारण का रहए।

इफिसियों 6:11

जैसे एक सिपाही अपने सब युद्धके हथियारन्के पैँधत हए, उइसीयए तुमके फिर बे चिजनके प्रयोग करनके पणो, जो परमेश्वर तुमके दइ हए, ताकी जब शैतान तुमके धोखा देन कोसिस करए, तओ तुम बोके बिरुद्ध लडपाबओ।

1 तिमोथी 3:6

बो बिश्वासमे मजबुत होन पणो, अगर बिश्वासमे मजबुत नाए हुइहए, तओ हुइ सकत हए, कि बो घमण्डी हुइजाए और फिर बोके बहे सजाय मिलैगो जो शैतानके मिलो रहए।

2 तिमोथी 1:15

तए जानत हए, कि एशिया परदेशमे रहान बारे कोइ बिश्वासी मोके छोड दइ हएं, जौन मैसे फुगेलस और हर्मोगेनस हएं।

2 तिमोथी 3:13

पर दुष्ट आदमी और बे धोखेबाज आदमी औ जद्धा दुष्ट काम करंगे। बे आदमी प्रभुके धोखा देमंगे और बे अपनए दुस्रेके द्वारा धोखा खामंगे।

2 तिमोथी 4:3

काहेकी अइसो समय आबैगो, कि आदमी सच्चो सन्देश स्वीकार करन नाए चाहंगे, पर बे अपनुयए इच्छाके इकल्लो पुरा करंगे। और बे अइसे गुरुके खोजमे हुइहएं, जौन बिनसे बहे बातके इकल्लो कहामंगे, जो बात बे सुनन चाहंगे।

हिब्रू 13:9

हमके जे सब नयाँ और फरक शिक्षाके पिच्छु नाए लागनके हए, जौन गलत डगरमे लैजात हए। खान बारी बातके बारेमे नियमके मानके नाए, पर परमेश्वरको अनुग्रहसे तुमर हृदय मजबुत होबए। जे नियमके पालन करन बारेनको भलो नाए भओ हए।

याकूब 1:6

जब तुम परमेश्वरसे मागत हओ, तओ तुमके बिश्वास करनके चाहो, काहेकी जो शंखा करत हए, बे हमेसा बद्लत रहात हएं, बे समुन्दरको लणुरा कता होत हएं, जो हबाके भरमे बद्लत और उछल्त रहात हए।

याकूब 3:4

देखओ, पानीजहाज जो तेज हबासे चलत हएं, बे बणे-बणे हुइके फिर एक छोटो डबनाके द्वारा नैयाँके इच्छा अनुसार घुमए सकत हए।

2 पतरस 2:18

जब बे आदमीनके सिखात हएं तओ बे बिना कामके और गर्बके सब्द इस्तमाल करत हएं। बे आदमीनके, अपन शरीरके चाहो भओ लाज लगन बारो काम करन सिखात हएं और बे आदमीनके फिरसे पाप करनके ताहीं धोखा देत हएं, जौन आदमी भर्खर दुष्ट जीबन शैलीके त्यागी हएं।

1 यूहन्ना 2:19

बे ख्रीष्ट बिरोधी हमर सँग छोडके चलेगए, पर बे अपने नाए रहएं। अगर बे हमरे अपने हुइते, तओ बे हमरी सँग हुइते। बे चलेगए, जोसे जा दिखात हए, कि बिनमे कोइ फिर हमर अपनो नाए रहए।

1 यूहन्ना 2:26

मए तुमके बे आदमीनके बारेमे चेतावनी दइ रहो हओं। जो झुठी शिक्षाके द्वारा तुमके धोखा देनके कोसिस करनडटे हएं।

1 यूहन्ना 4:1

हे मेरे प्यारे सँगीउ, हरकोइ आदमीनके उपर बिश्वास मत् करओ, जो पबित्र आत्मासे मस्कनको दाबि करत हए, पर आत्मनके जाँचओ कि बे परमेश्वरके घेनसे हएं, कि नाए हएं। काहेकी बहुतसे झुठे अगमबक्ता संसारमे हएं।

यहूदा 1:12

जब जे आदमी प्रभुको प्रेम याद करके तुमर भोजमे तुमर सँग खात हएं, बे डर लगन बारो चट्टान कता हएं जो समुन्दर भितर लुके होत हएं और बे तुमके डुबान सिकत हएं। बे सरम नाएभए बक्रेहेरा कता हएं, जौन अपनो इकल्लो ख्याल करत हएं। बे बो बद्रि कता हएं, जौन सुखो जमिनमे बिना बर्षे ब्यार उणाएके लैजात हए। बे फरन बारे बे रुखा कता हएं, जो दुई चोटी मरचिके होत हएं, काहेकी बे कोइ फरा नाए देत हएं और जरएसे उख्डे रहात हएं। बो कहोक, बे पुरो मुस्किलमे हएं।

प्रकाश 19:20

तओ बो राक्षस और बोके सँगमे दुस्रो राक्षस फिर पक्णोगओ, बो झुठो अगमबक्ता राक्षसको तरफसे अचम्मोके चिन्हा दिखाइ और सबए आदमीनके धोखा दइ, जौन राक्षको छाप लगाए रहएं, और जौन बोको मूर्तिके आराधना करे रहएं। जे दुनौ आगी और गन्धकको कुण्डामे जिन्दए फेँकेगए।