प्रेरित 5:32 - राना थारु नयाँ नियम

³² जा सब बातके हम साँक्षी हएं, काहेकी परमेश्वर अपनो आज्ञापालन करन बारेनके दओ भओ पबित्र आत्मा फिर साँक्षी दइ रहो हए।”

परमेस्वर को सच्चो वचन

³² हम जे बातन के गभा हैं, और बैसिये पवित्र आत्मा भी जोकै उपहार के रूप मैं परमेस्वर उनकै दई है जो बाकी आग्या मानथैं।”

प्रेरित 5:32 交叉參考

यूहन्ना 7:39

जब येशू “जीबन देन बारो पानीको नदिया” कही तओ बा पबित्र आत्माके बारेमे बताइ रहए और हबएतक बाके उपर बिश्वास करन बारे पबित्र आत्मा नाए पाइ रहए। काहेकी अभएतक उनके पबित्र आत्मा नाए दओगओ रहए। और परमेश्वर अभएतक येशूको महिमा नाए दिखाइ रहए।

प्रेरित 1:8

पर जब पबित्र आत्मा तुमरमे आबैगो तओ तुम शक्ति पाबैगे, और तुम यरूशलेम सहरमे और पुरो यहूदिया परदेशमे और सामरिया परदेशमे और बाँकी पुरो संसार तक आदमीनके मिर बारेमे बताबैगे।”

प्रेरित 10:44

पत्रुस जे बात बतकातए-बतकात बचन सुनन बारे सबमे पबित्र आत्मा आइगओ।

प्रेरित 13:31

और बहुत दिनतक येशू गालील परदेश मैसे यरूशलेम सहरमे आन बारे अपन चेलनके ठिन दिखाइ देतए रहो। और अब आदमीनके ठिन जेहीँ इकल्ले साक्षी रहएं। काहेकी जे येशूके देखी रहएं।

प्रेरित 15:28

काहेकी पबित्र आत्माके और हमके, जा ठिक लागो, कि जे जरुरी बातसे अलाबा औ जद्धी बोझ तुमके नाए बुकामएं।

प्रेरित 2:32

जहे येशूके, परमेश्वर मरो भओ मैसे जिन्दा करी। जा बातके हम सब साक्षी हएं।

प्रेरित 2:4

तओ बे सब पबित्र आत्मासे भरीगए, और जौन बरदान पबित्र आत्मा बिनके दइ, बो अनुसार बे फरक-फरक भाषा मस्कन लागे।

प्रेरित 5:29

तओ पत्रुस और चुनेभए चेला कहीं, “हम आदमीको नाए पर परमेश्वरको आज्ञापालन करत हएं।

रोमियों 8:16

पबित्र आत्मा अपनए हमर आत्मासे गवाही देतहए, कि हम परमेश्वरके सन्तान हएं।

2 कोरिन्थी 13:1

पबित्र-शास्त्रमे अइसे लिखो हए, “सबए दोष दुई या तीन साक्षीन्के गवाही द्वारा साबित करोजान पणत हए” जब मए दुस्रो चोटीको भेँटमे हुँवए रहओं, मए पापमय क्रियाकलाप करन बारेनके पहिलीयए चेतावनी दइडारो रहओं। पहिलेको चिट्ठीमे तुमके चेतावनी दओ कता फिरसे मए तुमके और औरेनके फिर चेतावनी देत हओं। अब मए तिस्रो चोटी तुमर ठिन आन बारो हओं, अगर बे हबए पाप करन नाए छोडी हएं कहेसे कोइ फिर दण्डसे उमक नाए पामंगे।

1 पतरस 1:12

पर परमेश्वर बे अगमबक्तनसे कही कि बिनको सन्देश अपने ताहीं नाए बल्कि तुमर ताहीं हए, जौन तुम हबए सुने हओ। परमेश्वर स्वर्गसे अपनो पबित्र आत्माके, तुम आदमी, अच्छो समाचार परचार करपाबओ कहिके मदत करनके पठाइ। जा सब इत्नो अचम्मोको हए कि स्वर्गदूत फिर उत्सुकताके साथ जे बात भओ देखरहे हएं।