प्रेरित 3:19 - राना थारु नयाँ नियम

¹⁹ जहेमारे पाप करन छोडके परमेश्वर घेन घुमओ, ताकी तुमर पाप क्षमा करे जाएं, तओ परमेश्वरके तरफसे आत्मिक समर्थको समय आबैगो।

परमेस्वर को सच्चो वचन

¹⁹ जहेमारे, परमेस्वर के झोने लौट आबौ कि बौ तुमरे पाप माफ करै अगर तुम पछताबौ,

प्रेरित 3:19 交叉參考

मत्ती 13:15

काहेकी जे आदमीको ह्रदय कठोर हुइगओ हए, और बिनको कान बहिरा हुइगएहएं, और बे अपनी आँखी बन्द करलै हएं; नत बे दिखते, और कानसे सुनते, ह्रदयसे बुझते, और घुमते, तओ मए बिनके अच्छो करतो।’

मत्ती 18:3

और कही, “नेहात्तओ, मए तुमसे कहात हओं, मन बदलके तुम छोटो बालकनके कता नाए हुइहओ तओ कभु स्वर्गके राज्यमे घुस नाए पएहओ।

लूका 1:16

और बो इस्राएल देशके बहुत आदमीके बिनके प्रभु परमेश्वरके घेन घुमए लेबैगो।

लूका 22:57

पर पत्रुस अइसे कहिके इन्कार करी, “ए नारी, मए बाके नाए चिनत हओं।”

प्रेरित 1:6

अइसियए, पच्छु जब येशूसे चुनेभए चेला दुबारा येशूसे भेँट भए तओ बे बासे पुँछीं, “हे प्रभु, का इस्राएल देशके स्वतन्त्र करन और हमर राज्यके फिरसे बनानके ताहीं तुम्रो समय आइगओ हए?”

प्रेरित 11:18

जा बात सुनके प्रभुमे बिश्वास करन बारे यहूदी ददाभइया पत्रुसके दोष लगान छोडीं और परमेश्वरके प्रसंसा करके कहान लग्गए, “तओ त परमेश्वर गैर-यहूदीनके फिर कभु नाश नाए होन बारो जीबनके ताहीं अपने पाप छोडके परमेश्वर घेन घुमके और येशू ख्रीष्टमे बिश्वास करनको दान दइ हए।”

प्रेरित 11:21

और प्रभुको सामर्थ उनके उपर रहए, और बहुत गैर-यहूदी आदमी उनको सन्देशमे बिश्वास करीं और प्रभु येशूमे बिश्वास करनके सुरु करीं।

प्रेरित 15:3

मण्डलीके बिश्वासी ददाभइया और दिदिबहिनिया बिनके यात्रामे जानके ताहीं रुपैया और भोजन उपलब्ध करीं। और बे फोनिके और सामरिया परदेश होतए गैर-यहूदीनके अच्छो समाचार सुनात, कैसे ख्रीष्टमे बिश्वासी बनरहेहएं कहिके सुनातए गए, और सब बिश्वासी बहुत आनन्दित भए।

प्रेरित 17:26

संसार भर आदमी बैठएं कहिके परमेश्वर एकए आदमीसे सब जातिनके सृष्टि करी और बिनके संसार भर बैठन दइ। बिनको जीइन बारो समय और बैठन बारो ठाउँ बा अग्गुवएसे तोक दइ हए।

प्रेरित 2:38

पत्रुस बिनसे कही, “पाप करन छोडके परमेश्वर घेन घुमओ, और तुम पाप क्षमाके ताहीं येशू ख्रीष्टको नाउँमे तुम सबए बप्तिस्मा लेओ, तओ तुम पबित्र आत्माको बरदान पाबैगे।

प्रेरित 28:27

कहीके जे आदमीनको मन कठोर हुइगओ हए, और इनके कान बहिरा हुइगए हएं, और बे अपनी आँखी मिचे हएं! नत बे आँखीसे दिख्ते, कानसे सुन्ते और मनसे बुझ्ते और परमेश्वर घेन घुम्ते और बिनके मए अच्छो करतो।’

प्रेरित 3:20

और बा येशूके पठाबैगो जो ख्रीष्ट हए, जौनके बा हमर ताहीं पहिलीएसे छानी हए।

प्रेरित 3:21

येशूके स्वर्गमे, बो समय तक रहानके जरुरी हए जब तक बे सब चिजनके परमेश्वर नयाँ नाए बनाए देए। बहुत समय पहिले परमेश्वर आदमीनके जा बात कहानके ताहीं पबित्र अगमबक्तनके द्वारा अइसे करनके प्रतिज्ञा करी।

रोमियों 11:25

हे बिश्वासी ददाभइया, मए नाए चाँहत हओं, कि तुम गैर-यहूदी अपने बारेमे बहुत घमण्ड करओ। जहेमारे इस्राएल देशके आदमीनके सँग का भओ हए बो रहस्य मए बतामंगो। जा सत्य हए, कि इस्राएल देशके बहुतसे आदमी बिश्वास करनके तयार नाए हएं, पर जब परमेश्वरके पिछा करन बारे गैर-यहूदी आदमीनकी संख्या पुरा हुइजएहए, तओ इस्राएल देशके आदमी बिश्वास करंगे और परमेश्वरके ठिन लौटके आए जामंगे।

2 थेसलोनिकी 1:10

जे बात तओ होमंगी जब प्रभु येशू ख्रीष्टके पबित्र आदमीनके द्वारा महिमा पानके ताहीं दुबरा लौटके आबैगो जो परमेश्वरसे सम्बन्धित हए। परमेश्वर बेहीं आदमीनसे महिमित करोजाबैगो जो परमेश्वरमे बिश्वास करत हएं। और बो दिन तुम फिर परमेश्वरकी महिमा करन बारे आदमीनके सँग होबैगे। काहेकी तुम बो बातमे बिश्वास करे, जौन बात हम बाके बारेमे तुमके बताए रहएं।

2 थेसलोनिकी 1:7

और जो दु:ख तुम उठाए रहेहओ, और हम फिर उठाए रहे हएं, परमेश्वर बे सब दु:खके रोक देबैगो; जा तब्ही होबैगो जब प्रभु येशू अपने शक्तिशाली स्वर्गदूतके सँग आगीकी लहरसे घिरो भओ स्वर्ग मैसे आबैगो।

2 तिमोथी 2:25

बोके नम्रतासे बे आदमीके सही करन पणो, जो बोको बिरुद्धमे हएं, शैतान जे आदमीनके फसाएलै हए और उनसे अपनी आज्ञापालन कर्बात हए। पर साइत परमेश्वर उनके पश्‍चात्ताप करनके और ख्रीष्टके बारेमे सच्चाईके जाननमे मदत करैगो, ताकी बे होसमे आमएं और बोसे दुर हुइजामएं।

हिब्रू 4:1

परमेश्वर हमके प्रतिज्ञा करीहए, कि हम विश्रामको ठाउँमे जामंगे। जहेमारे होशियार रहाबओ, तुमर मैसे कोइ फिर प्रतिज्ञा करोभओ विश्रामके ठाउँमे जानके नाए छुटए।

1 पतरस 2:25

पहिले, तुम बराने भए भेंणा कता रहओ। पर अब तुम अपनो प्राणनको और मण्डलीके रेखदेख करन बारे अगुवा और ख्रीष्टके ठिन घुमके आए हओ।

2 पतरस 3:8

पर प्रिय हो, मए अभए कहानके जाए रहो बातके बेवास्ता मत् करओ: प्रभु एक दिनके ताहीं छोटो समयके रुपमे, और एक हजार बर्ष लम्बो समयके रुपमे नाए देखत हए। बा जे दुनौ एकए कता देखत हए।

प्रकाश 21:4

और परमेश्वर उनकी आँखीसे सब आँसु पोँछ देहए, और बे फिरसे कभु नाए मरङगे। कोइ फिर कभु दुख महसुस नाए करंगे और नए रोमंगे और नए पिडा अनुभव करंगे, काहेकी पुरानो संसार अब नाए हए।”