प्रेरित 26:10 - राना थारु नयाँ नियम

¹⁰ और मए यरूशलेम सहरमे अइसियए बिरोध करो। मए मुखिया यहूदी पुजारीसे हुकुम पाएके प्रभु येशूमे बिश्वास करन बारे बहुतए पबित्र जनके जेलमे थुनबाओ। और उनके मारनको काममे फिर मदत करो।

परमेस्वर को सच्चो वचन

¹⁰ जहे मैं यरूसलेम मैं करो। मैं बड़ो पुजारी से अधिकार लैकै परमेस्वर के निरे पवित्र आदमिन कै कैदखाना मैं डार दौ; और जब उन्हैं मौत की सजा सुनाई गई, तौ महुँ उनके खिलाप बोट डारो।

प्रेरित 26:10 交叉參考

प्रेरित 7:58

बे स्तिफनसके पत्थरसे मारनके यरूशलेम सहरसे घिसियात बाहिर निकारीं। और स्तिफनसके आरोप लगान बारे आदमी अपनो बाहिरको कपडा उतारके शाऊल कहान बारो जवानके जिम्मा लगाएके स्तिफनसके पत्थरसे मारन लागे।

प्रेरित 8:1

शाऊल स्तिफनसको हत्यामे पुरो रुपसे सहमत रहए। बहे दिनसे यरूशलेम सहरमे भए मण्डलीके बिरुद्धमे बहुत भारी सतावट सुरु भओ, और येशूसे चुनेभए चेला बाहेक बे सब यहूदिया परदेश और सामरियाके परदेश घेन छिदर-बिदर हुइगए।

प्रेरित 8:3

तओ शाऊल घर-घरमे घुसके मण्डलीके सतान लागो रहए। बो बिश्वासी लोग और बैयरनके घिसियात लैजाएके जेलमे डारत रहए।

प्रेरित 9:21

तओ सुनन बारे सब अचम्मो मनके कहीं, “का जा बहे आदमी नाए हए जो यरूशलेम सहरमे उनके मारत रहए जो ख्रीष्ट येशूमे बिश्वास करत रहएं? और का हिना फिर जा जहेमारे नाए आओ रहए, कि उनके बाँधके मुखिया यहूदी पुजारीके ठिन लैजाए?”

प्रेरित 9:26

यरूशलेम सहरमे पुगके शाऊल चेलनके सँग मिल्जानके उपाय करी पर चेला बोसे डरात रहएं, काहेकी बो नेहात्तओ प्रभुको चेला हए कहिके बे बिश्वास नाए करपाइं।

प्रेरित 9:32

फिर अइसो भओ, कि पत्रुस बे सबए परदेशके हर ठिहामे यात्रा करत, पबित्र आदमीनके ठिन फिर पुगे, जो लुड्डा गाउँमे रहात रहएं।

प्रेरित 9:41

पत्रुस बो लौंणीयाके अपन हातसे पकणके उठाइ, और पबित्र आदमीनके और बिधुवनके बुलाएके उनके दिखाइ, कि डोरकास मरे मैसे जिन्दा हुइगइ हए।

1 कोरिन्थी 15:9

काहेकी मए चुनेभए चेला मैसे सबसे कम महत्त्वपूर्ण हओं, और चुनो भओ चेला कहानको फिर लायक नाए हओं, काहेकी मए परमेश्वरको मण्डलीमे बिश्वासीनके सतात रहओं।

गलातियों 1:13

तुम सुनडारे हओ, कि मए यहूदी धार्मिक नियमके अनुसार जीइत रहओं; और मए परमेश्वरको मण्डलीके बिश्वासीनके बहुत सताओ और बोके नाश करनके कोसिस करत रहओं।

इफिसियों 1:1

मए पावल, जा चिट्ठीके लिखरहो हओं। परमेश्वर चाँहत हए, कि मए ख्रीष्ट येशूको चुनो भओ चेला बनओं। मए जा चिट्ठी एफिसस सहरमे रहान बारेनके ताहीं लिखरहो हओं, जो परमेश्वरके पबित्र आदमी हएं।

प्रकाश 17:6

और मए देखो, कि बो बैयर परमेश्वरके पबित्र आदमीनको खुन पिइके दर्हुया कता नसा हुइगइ रहए। काहेकी बे येशूमे बिश्वासयोग्यतासे येशूको अनुशरण करे रहएं। जा देखके मोके बहुत अचम्मो लागो।