प्रेरित 2:40 - राना थारु नयाँ नियम

⁴⁰ और बहुत बातसे पत्रुस बिनके गवाही दइ, जे बात घरी-घरी कहिके बिनसे बिन्ती करी, कि जा खराब पिढीसे तुम अपनएके बचाओ।

परमेस्वर को सच्चो वचन

⁴⁰ पतरस निरी बातन से उनकै गभाई बताए कै समझाई भी “कि खुदकै हठेली जातिन से बचइयो!”

प्रेरित 2:40 交叉參考

मत्ती 12:34

तुम जहेरिले साँपके बच्चा कता हओ! तुम गलत हुइके कैसे अच्छी बात कहेसकत हओ? काहेकी जो ह्रदयमे भरोहए, बहे मुँहुँमे आत हए।

मत्ती 16:4

खराब और व्यभिचारी पिढी शक्तिशाली काम मागत हएं, पर योनाको शक्तिशाली चमत्कार बाहेक और चिन्हा बिनके नाए देहओं।” और बिनके छोडके बा चलोगओ।

मत्ती 17:17

तओ येशू कही, “ए अबिश्वासी और हठी आदमी, कहाँ तक मए तुमरसँग रएहओं? कहाँ तक मए तुमके सहामऔं? बोके मेरे ठिन लियाबओ।”

मत्ती 23:33

साँपके बच्चओ, तुम नरकको दण्डसे कैसे बचैगे?

मर्कूस 8:38

और जा व्यभिचारी और गलत बातमे जो मोके और मिर बचन स्वीकार नाए करैगो कहेसे, मए आदमीको लौंणा फिर अपन दौवाको महिमामे पबित्र स्वर्गदूतके सँग आत बोके स्वीकार नाए करंगो।”

लूका 16:28

काहेकी मिर पाँच भइया हएं, लाजरसके जान देओ और बो बिनके चेतावनी दइदेबए, कहुँ अइसो नाए होए, कि बिनके फिर जा कष्टके ठिहामे आनके पणए।’

लूका 21:36

जहेमारे संसार रहाबओ, और हर समय परमेश्वरसे प्राथना करत रहाबओ, ताकी तुम जे सब आन बारे घटनासे बच पाबओ। और मए, आदमीको लौंणाके अग्गु ठाणनके लायक बन पाबओ।”

यूहन्ना 21:25

येशू औ फिर बहुत काम करीहए। अगर बे सब संसारको उत्पत्तिके बारेमे एक-एक करके लिखोजैतो कहेसे लिखे भओ, किताब सारा संसारमे फिर नाए अपैतो।

प्रेरित 10:42

और बा हमके आज्ञा दइ हए, कि सब आदमीनके परचार करओ और गवाही देओ, कि जा येशू बहे हए जौनके परमेश्वर जिन्दा भएनको और मरेभएनको न्याय करन खटाइ हए।

प्रेरित 15:32

यहूदा और सिलास अपनए फिर अगमबक्ता रहएं। बे प्रभुमे बिश्वासी ददाभइयनके बहुत सहास देतए उनको बिश्वास मजबुत बनाइं।

प्रेरित 20:11

तओ फिरके बे उपर चढेके प्रभुभोज खाइं पिच्छु सुबेरे उजियारो होनसे बहुत देरतक बात चित करके बैठे। तओ पिच्छु बिदा भए।

प्रेरित 20:2

हुवाँ पुगके बे ठाउँ-ठाउँमे जाएके प्रभुके चेलनके हौसला दइके पिच्छु, बे ग्रीक देशमे पुगे, जौनसे अखैया परदेश फिर कहात हएं।

प्रेरित 20:21

यहूदीनके और ग्रीक देश बारेनके, पाप छोडके परमेश्वर घेन घुमओ और हम प्रभु येशू ख्रीष्ट उपर बिश्वास करएं, करके बातको गवाही मए दओ।

प्रेरित 20:24

पर मए अपनो जीबन कोइ मोलके और अपनो ताहीं प्यारो नाए मानो इतकए इकल्लो मए जानत हओं, कि परमेश्वरको अनुग्रहको अच्छो समाचारको गवाही देनके मिर दौड और प्रभु येशू ख्रीष्टसे मिलो मिर सेवाकाइ मए पुरा कर पामओं।

प्रेरित 20:9

युटिकस नाउँ भओ एक जनै जवान झ्याल ठिन बैठो रहए। पावल बहुत देरतक बात करी रहए। तओ बो सोइगओ गओ और निँधके काबुमे पणके बो तेस्रो पाँणसे गिरिगओ, तओ बो बेरा कुछ आदमी तरे उतरके आए और बो उठाइं, और बो मरीगओ रहए।

प्रेरित 28:23

तओ पिच्छु बे यहूदी पावलको बातके सुननके दिन तोकीं। तुको भओ दिनमे पहिलेसे जद्धा यहूदी इकट्ठा हुइके पावलको डेरामे आए। बो दिन पावल सुबेरेसे संझी तक परमेश्वरको राज्यके बारेमे शिक्षा दइ। पबित्र-शास्त्रमे मोशाको नियम कानुन और अगमबक्तनको लिखो भओ बात लैके पावल येशूके बारेमे सम्झातए बिनके बिश्वासमे लानके कोसिस करी।

प्रेरित 4:36

योसेफ नाउँ भओ एक आदमी रहए। बो लेबी घरानाको रहए और साइप्रसके टापूसे रहए। चुनेभए चेला बोसे बारनाबास कहिके बुलात रहएं, जौनको अर्थ हए, एक अइसो आदमी जो दुस्रेनके उत्साहित करत हए।

2 कोरिन्थी 5:20

जहेमारे हम ख्रीष्टके राजदूत हएं, और परमेश्वर आदमीनके हम द्वारा बाको सन्देश स्वीकार करनके बिन्ती करनडटो हए। ख्रीष्टके पक्षमे हम तुमके बिन्ती करत हएं, कि तुम परमेश्वर सँग मेलमिलापमे आबओ।

2 कोरिन्थी 6:17

जहेमारे परमप्रभु पबित्र-शास्त्र द्वारा कहात हए, “बे गैर-बिश्वासीनके बीचसे निकरके आओ जो परमेश्वरको आज्ञापालन नाए करत हए; बिनके बीचसे तुम अलग रहाओ, अशुद्ध चीजसे दुर बैठओ, और मए तुमके ग्रहण करंगो।

गलातियों 5:3

मए एक चोटी फिरसे तुमके कडासे कही रहो हओं, कि हर आदमी जो अपनो खतना करबात हए, बोके पुरा यहूदी समुहको नियम कानुनके पालन करनके चाहो।

इफिसियों 4:17

जहेमारे बो अधिकारके साथ जो प्रभु मोके दइ हए, मए तुमके जा बतात हओं, कि जैसे अबिश्वासी आदमी अपन मनको बेकारको रितिमे चल्त हएं, तुम अबसे उइसो मत् जीइबओ।

फिलिप्पी 2:15

ताकी तुम निर्दोष और सिद्ध हुइके खराब और भ्रष्ट पिढीके आदमीनके बीचमे परमेश्वरको निष्‍कलङ्क सन्तान हुइ पाबओ, और जीबनको बचन सुनाएके तुम जा संसारके आदमीनके बीचमे बादरको तारा हानी चम्कन पणैगो।

1 थेसलोनिकी 2:11

जैसे तुम जानत हओ, कि जैसो दौवा बालकनके सँग ब्यबहार करत हए, अइसियए हम फिर तुम मैसे सबके उपदेश और सहास देतए तुमके सम्झाए,

1 तिमोथी 4:16

जाके बारेमे होसियार रहो, कि तए कैसे रहात हए, और का सिखात हए। जे बातनमे स्थिर रहो, काहेकी अगर अइसो करतए रहो, तओ तेरे द्वारा परमेश्वर अपनए तोके और तेरे बात सुनन बारेनके फिर न्यायसे बचाबैगो।

1 पतरस 5:12

सिलासको मदतसे मए जा छोटो चिट्ठी तुमके लिखके पठाओ हओं। ख्रीष्टमे मए बोके बिश्वासयोग्य भइया सम्झत हओं। मिर चिट्ठी लिखनको उदेश्य तुमके उत्सहा देनो और पक्का कर्नो हए, कि तुम अनुभव कररहे तुमर ताहीं परमेश्वरको अनुग्रह हए। जा अनुग्रहमे पक्को हुइके ठाणे रहाओ।