प्रेरित 17:6 - राना थारु नयाँ नियम

⁶ पर बे पावल और सिलासके हुवाँ नाएपाइं। तभीमारे बे यासोन और प्रभुमे बिश्वासी ददाभइयनके खिँचके ल्याइं। उनके सहरको हाकिमके ठिन पुगाएके चिल्लातए कहीं, “जा आदमी हरेक ठिहामे परेसानी फैलाएदइ हएं, बे आदमी अभए हमरे सहरमे फिर आइगए हएं।

परमेस्वर को सच्चो वचन

⁶ लेकिन जब उनकै हूँना नाय पाईं तौ बे चिल्लात भै सहर के हाकिम झोने यासोन और कुछ विस्वासी भईय्यन कै खींच लाईं, “जे लोग दुनिया मैं गलत माहौल बनाए दईं हैं! और अब हिंयाँ भी आए गै हैं,

प्रेरित 17:6 交叉參考

मत्ती 24:14

और राजाको जा अच्छो समाचार सारा संसारमे सब जाति-जातिके आदमीनके ताहीं गवाहीके ताहीं परचार करो जएहए, ताकी सबए देशके जा स्वीकार करनके मौका मिलए।”

लूका 23:5

तओ बे औ बडो जोड दइके कहीं, “बा यहूदिया परदेशके सबए आदमीनके बीच अपनी शिक्षाके द्वारा भणकात हए। जा गालील परदेशमे सुरु करी और अब हियाँ आइगओ हए।”

प्रेरित 1:15

और बे दिनमे पत्रुस, बिश्वासी ददाभइयनके बीचमे पत्रुस ठाणो (जो लगभग: एक सओ बीस बिश्वासी इकट्ठा रहएं) और कही,

प्रेरित 17:10

रात पणतए खीना प्रभुमे बिश्वासी ददाभइया पावल और सिलासके मेशोदोनिया परदेशको बेरिया सहरमे पठाए दइं। और जब बे हुवाँ पुगे, तओ यहूदीनको यहूदी सभाघर भितर गए।

प्रेरित 17:14

तओ जा देखतए खीना प्रभुमे बिश्वासी ददाभइया, पावलके तुरन्त समुन्दर किनारे पठाए दइं। पर सिलास और तिमोथी हुनै बेरिया गाउँमे बैठे।

प्रेरित 17:31

काहेकी संसारके सबए आदमीनको न्याय करन बारो दिन बा तोक दइ हए और बो दिन बा अपनए छानो भओ व्यक्ति द्वारा न्यायसाथ इन्साफ करैगो। आदमीको लौंणाके न्याय करनके अधिकार हए कहान बारो प्रमाण सबए आदमीनके देओ कहिके परमेश्वर येशूके मरो मैसे जिन्दा करी।”

प्रेरित 17:5

पर औरे यहूदी उनसे गुस्सा करीं और गल्लीके गुण्डन्के जम्मा करके अपने सँगमे लैं, और भिड लगाएके गाउँमे हुलदंगा मचान लागे, और बे यासोनको घरमे हमला करीं। और पावल और सिलासके, जनताके अग्गु लानके ढुणत रहएं।

प्रेरित 24:5

काहेकी हम जा आदमीके इतएउतए दुख देत नेँगत, संसार भरके सारा यहूदीनके बीचमे हुलदङ्गा मचात और नासरत गाउँको धार्मिक सम्प्रदायको मुख्य अगुवाके रुपमे पाए हएं।

प्रेरित 28:22

पर तिर बिचार का हए, बहे हम तोसे सुनन चाँहत हएं। काहेकी हम जानत हएं, कि हरेक ठाउँमे जा ख्रीष्टियन समुहके बिरोधमे आदमी बात करत हएं।”