प्रेरित 13:2 - राना थारु नयाँ नियम

² जब बे उपवास सहित प्रभुकी आराधना करनडटे रहएं, तओ पबित्र आत्मा कही, “मेरे ताहीं बारनाबास और शाऊलके मेरी सेवा करनके ताहीं अलग करओ जोके ताहीं मए उनके बुलाओ हओं।”

परमेस्वर को सच्चो वचन

² जब बे बर्त रखकै प्रभु की प्रार्थना करत रहैं, तौ पवित्र आत्मा उनसे कही, “मेरी सेवा ताहीं बरनबास और साऊल कै बौ काम के ताहीं अलग करौ जोके ताहीं मैं उनकै बुलाओ हौं।”

प्रेरित 13:2 交叉參考

मत्ती 17:21

(तहुँफिर जा किसिमको भुत प्राथना और उपवास बिना नाए निकरत हए)।”

मत्ती 6:16

जब तुम उपवास बैठतहओ, तओ कपटी जैसो उदासी चेहेरा मत् दिखाओ, काहेकी आदमी उनके उपवास बैठो देखएं करके बे चाँहत हए। मए तुमसे कहात हओं, कि बे जो करीं, आदमीनसे प्रसंसा पाएडारीं हएं।

मत्ती 9:38

जहेमारे फसलके ताहीं प्रभुसे प्राथना करओ, ताकी बो और जद्धा आदमीनके परमेश्वरके राज्यके बारेमे बतानके पठान सिकए।”

लूका 10:1

और जे बातके पिच्छु, प्रभु येशू औ सत्तरी चेलनके नियुक्त करी, और जौन-जौन गाउँमे जानके योजना बनाइ रहएं, येशू बिनके दुई-दुई जनै करके अपनसे अग्गु पठाइ।

लूका 2:37

तओ बिधुवा रहिके बो चौरासी बर्ष पुग्गइ हए। बो यरूशलेमको मन्दिरके कभु नाए छोडत रहए, पर उपवास और प्राथनाके सँग रात दिन आराधना करत रहए।

प्रेरित 10:19

जब पत्रुस दर्शनके बारेमे बिचार करत रहए तओ पबित्र आत्मा बोसे कही, “देख, तीन आदमी तोके ढुणरहे हएं।

प्रेरित 10:30

कर्नेलियस कही, “चार दिन पहिले, जहे समय, मए अपने घरमे दुपहारके तीन बजे प्राथना करनडटो रहओं तओ एक लोग चम्कन बारो लत्ता लगाओ भओ मिर अग्गु आएके ठाणो, और कही,

प्रेरित 13:3

बे फिरसे उपवास बैठे और प्राथना करतए बे दुई जनैके उपर अपने हात धरीं और बिनके परमेश्वरको काम करनके ताहीं पठाइं।

प्रेरित 13:4

पबित्र आत्मासे पठाए भए बारनाबास और शाऊल एन्टिओखिया सहरसे नेँगीं। बे एन्टिओखिया सहरसे सिलुकिया सहरमे गए जहाँ पानीजहाज ठाणे होत हएं। हियाँसे बे समुन्दरको यात्रा करके साइप्रस टापूमे सलामिस सहरमे गए।

प्रेरित 14:26

और हुवाँ पानीजहाजसे सिरिया परदेशको एन्टिओखिया सहरमे लौटिगए, जहाँसे उनके परमेश्वरको अनुग्रहमे सौँपके बो कामके ताहीं पठाओ गओ रहए, जोके बे अब पुरा करके लौट आए रहएं।

प्रेरित 20:28

तुम अपन ताहीं और अपने पुरा समुहके ताहीं साबधान रहियओ। पबित्र आत्मा तुमके समुहको मण्डलीको अगुवा बनानके कारणसे तुम, ख्रीष्टको अप्नो खुनसे किन भओ परमेश्वरको मण्डलीको रेखदेख तुम करओ।

प्रेरित 22:21

तओ प्रभु मोसे कही, ‘जा, काहेकी मए तोके गैर-यहूदीनके ठिन दुर-दुरतक पठामंगो।’”

प्रेरित 4:36

योसेफ नाउँ भओ एक आदमी रहए। बो लेबी घरानाको रहए और साइप्रसके टापूसे रहए। चुनेभए चेला बोसे बारनाबास कहिके बुलात रहएं, जौनको अर्थ हए, एक अइसो आदमी जो दुस्रेनके उत्साहित करत हए।

प्रेरित 6:4

पर हम त प्राथनामे और बचनको परचार करन और शिक्षा देन बारो सेवामे लगे रहामंगे।”

प्रेरित 8:29

तओ पबित्र आत्मा फिलिपसे कही, “जा और बो रथके सँगए-सँग नेँग।”

प्रेरित 9:15

पर प्रभु बोसे कही, “तए चलो जा, काहेकी जत गैर-यहूदी, राजा और इस्राएल देशके आदमीनके अग्गु मेरे बारेमे परचार करनके ताहीं मए बोके मिर सेवा करनके ताहीं चुनो हओं।

रोमियों 1:1

मए पावल, येशू ख्रीष्टको सेवक हओं, और चुनो भओ चेला होनके ताहीं परमेश्वर द्वारा चुनो गओ हओं, और परमेश्वरको तरफसे अच्छो समाचारके परचार करनके ताहीं अलग करोगओ हओं।

रोमियों 10:15

और कोइ आदमी परमेश्वरके बारेमे बतानसे पहिले बो आदमीके पठान चाहो। जहेमारे पबित्र-शास्त्र कहात हए, “अच्छो समाचार परचार करन बारेनको पाउँ कित्नो सुथ्रो हए!”

रोमियों 15:16

कि मए गैर-यहूदी आदमीनके ताहीं येशू ख्रीष्टको सेवक हुइपामओं। मए बाको अच्छो समाचार परचार पुजारी कता करके परमेश्वरको सेवा करो, ताकी गैर-यहूदी आदमीनके भेँटीके रुपमे परमेश्वर स्वीकार कर्पाबए, बो भेँटी जो पबित्र आत्मा द्वारा पबित्र बनाओ गओ हए।

1 कोरिन्थी 12:11

सबए बरदान एकए आत्माको काम हए। बा हर एक बिश्वासीके बरदान देतहए जौनके पबित्र आत्मा चाँहत हए।

1 कोरिन्थी 7:5

तुम एकदुस्रेसे अलग मत् रहाओ, पर कुछ समय तक सल्लाहा करके प्राथना करन अलग बैठेसे फिर लोगा और बैयर कता तुम दुबारा एक साथ रहाओ; ताकी शैतान अनैतिक जीबन जीइनके ताहीं तुमरी परीक्षा नाए करए। काहेकी नत तुम अपनी इच्छन्के अधिनमे नाए करपाबैगे।

2 कोरिन्थी 11:27

बहुत मेहेनत करो और दुख सहो, और मए कैयौं रात नाए सोओ, भुँखेमे और प्यासेमे, बारम्बार भोखमरीमे, ठण्डी और नंगतामे पणो।

2 कोरिन्थी 6:5

कुटाइ-चुटाइमे, कैदमे, हुलदङमे, मेहेनतमे, निँधानोमे, भुँखेमे,

गलातियों 1:15

पर परमेश्वर मोएमे अपनो लौंणा प्रकट करनके पक्का करी जोमे मए गैर-यहूदीनमे परमेश्वरको लौंणाको अच्छो समाचार परचार करओं, परमेश्वर मिर जनम होनसे पहिलीयए मोके चुनलै और अपनो अनुग्रहसे बुलाए लइ।

इफिसियों 3:7

और बाको शक्तिशाली काम अनुसार परमेश्वर मोके सेँतएमे अपनो अनुग्रह दइ, जो परमेश्वरको अनुग्रह और बडी शक्तिसे मोके काम दओगओ हए, और मोके अच्छो समाचार फैलानके ताहीं दास बनाओ गओ हए।

कलस्सी 4:17

तओ अर्खिप्पससे फिर कहियओ कि जो सेवा करनके ताहीं प्रभु तोके चुनी हए बोके पक्का कर, कि तए बो सेवाके पुरा करैगो।

1 तिमोथी 2:7

जहेमारे परमेश्वर मोके अच्छो समाचारको परचारक और एक चुनो भओ चेला होनके चुनी। बा मोके गैर-यहूदीनके बिश्वासको सच्चो सन्देश सिखानके ताहीं चुनी। मए नाए ठग रहो हओं; मए सच्चो बात कहात हओं।

2 तिमोथी 1:11

जा अच्छो समाचारके ताहीं, परमेश्वर मोके एक परचार करन बारोके रुपमे, और येशूसे चुनो भओ चेलाके रुपमे और गुरुके रुपमे फिर मोके चुनी हए।

2 तिमोथी 2:2

तए मोके बहुत आदमीनके अग्गु ख्रीष्टके बारेमे सन्देशके सिखात सुनो हए। जहेमारे मए चाँहत हओं, कि तए फिर अन्य बिश्वासीनके सन्देश सिखाए, जोके उपर तए भरोसा करत हए, और बे दुस्रेनके फिर जा सन्देश सिखानके योग्यके होमंगे।

2 तिमोथी 4:11

लूका इकल्लो मेरे सँग हए जब तए आबैगो तओ मर्कूसके फिर अपने सँग लैके अइए; काहेकी बोके हियाँ मेरे काममे मदत करन पणैगो।

2 तिमोथी 4:5

जैसो फिर कठिनाइ आएसे फिर तोके शान्त रहान पणैगो और दुख उठान पणैगो, अच्छो समाचार परचार करनके ताहीं तोके कडी मेहेनत करन पणैगो, और जो परमेश्वर तोके दइ हए, बो कामके पुरा करन पणैगो।

हिब्रू 5:4

सम्मान पानके ताहीं कोइ फिर अपनए प्रधान यहूदी पुजारी हुइ नाए पातहए। जैसी परमेश्वर हारूनके प्रधान यहूदी पुजारी होनके बुलाइ रहए और चुनी रहए, उइसी परमेश्वर और प्रधान यहूदी पुजारीनके बुलातहए और चुनत हए।