2 तिमोथी 2:19 - राना थारु नयाँ नियम

¹⁹ तहुँफिर परमेश्वरके आदमी एक जग हानी हएं, जो हमेसा बिश्वासमे बने रहात हएं। जा जगमे जे मेलको शब्द लिखे रहात हएं: “प्रभु जानत हए, कि बाके आदमी कौन हएं” और जा फिर कि “जो कोइ फिर परमेश्वरको आराधना करत हए, बोके खराब काम करनके बन्द करदेन पणो।”

परमेस्वर को सच्चो वचन

¹⁹ लेकिन परमेस्वर जो ठोस बुनियाद डारी है बाकै हीलाओ नाय जाए सकथै; और बाके ऊपर जे सब्द लिखे गै हैं: “प्रभु जानथै कि जो बाको नाओं लेथैं, उनकै अधर्म के कामन से दूर रहनो चाहिए।”

2 तिमोथी 2:19 交叉參考

मत्ती 24:24

काहेकी झुठे ख्रीष्ट, और झुठे अगमबक्ता आमंगे, और हुइ सकत, कि बे चुनेभएनके फिर भणकानके ताहीं बणे-बणे चिन्हा और चमत्कारको काम दिखए हएं।

मत्ती 28:19

जहेमारे तुम जाएके सब जाति-जातिके आदमीके चेला बनाओ; और बिनके पिता, पुत्र, और पबित्र आत्माके नाउँमे बप्तिस्मा देओ,

मत्ती 7:23

और मए बिनसे सफासे कहिदेहओं, ‘मए तुमके कभु नाए चिनो हओं। ए अधर्म काम करन बारे, मिर ठिनसे चलेजाओ।’”

मत्ती 7:25

और पानी पणो, बैहिया आइ, आँधी चली और बो घर उपर ठुको, तहुँफिर बो घर नाए उजणो। काहेकी बो जग चट्टानमे बनाओ गओ रहए।

मर्कूस 12:16

बे एक चाँदीको सिक्का लाइं। और बा उनसे कही, “मोके बताओ, कि जा चाँदीको रुपैयामे कौनको फोटु और कौनको नाउँ हए?” बे येशूसे कहीं, “रोमको महाराजा कैसरको।”

मर्कूस 13:22

काहेकी झुठे ख्रीष्ट और झुठे अगमबक्ता अएहएं, चिन्हा और चमत्कारको काम दिखए हएं और हुइ सकत हए, कि जौनके परमेश्वर चुनी हए बेहीं आदमीनके धोखा देनके ताहीं अएहएं।

लूका 13:27

पर बो कहाबैगो, ‘मए तुमसे कहात हओं, मए नाए जानत हओं तुम कहाँसे हओ। हे खराब काम करन बारे, तुम सब मोसे दुर होबओ।’

लूका 6:48

बो एक घर बनान बारो आदमी जैसो हए, जौन गहिरो खोदके चट्टान उपर जग डारी। तओ जब बहिया आइ, और लणुरा आएके बो घरमे ठुको, पर बो घरके हलाए नाए पाइ, काहेकी बो जग पक्को बनो रहए।

यूहन्ना 10:14

“मए बो बकरेहेरा हओं, जैसी दौवा मोके चिन्त हए और मए दौवाके चिन्त हओं। उइसीयए जौन अपन भेंणनके चिन्त हए और मिर अपने भेंणा मोके चिन्त हएं। मए अपने भेंणाके ताहीं मरनके तयार हओं।”

यूहन्ना 13:18

येशू कही, “मए तुम सबके बारेमे नाए कहो हओं? जौनके मए चुनो हओं बोके मए चिन्त हओं, पर जा जहेमारे हुइ रहो हए ताकी पबित्र-शास्त्रमे लिखो भओ बचनमे जो लिखो हए बो पुरा होबए, ‘जौन मेरे सँग रोटी खाइ बहे मोके धोखा देहए।’

यूहन्ना 3:33

पर जौन बाकी गवाही ग्रहण करी हए, बा जा बातके साबित करी हए, कि परमेश्वर सच्चो हए।

प्रेरित 11:26

जब बारनाबास शाऊलके भेँटी. तओ बोके सिरिया परदेशको एन्टिओखिया सहरमे ल्याइ। तओ पुरा एक वर्षतक दुनौ जनै मण्डलीके आदमीनके सँग संगती करत बहुत आदमीनके प्रभु येशूके बारेमे सिखाइं। एन्टिओखिया सहरमे सबसे पहिले, ख्रीष्टके चेलनके ख्रीष्टियन कहोगओ रहए।

प्रेरित 15:17

और बाँकी सब आदमी परमप्रभुके ढुण पामएं। और सब गैर-यहूदी फिर परमप्रभुके ढुण पामएं, जौन मिर नाउँसे बुलाएगए हएं।

प्रेरित 9:14

और हियाँ फिर जाके मुखिया यहूदी पुजारीनसे अधिकार मिलो हए, कि जो आदमी तुममे बिश्वास करत हएं, बे सबके पकड लेबए।”

रोमियों 11:2

परमेश्वर अपने बो आदमीके नाए त्यागी, जोके बा पहिलीएसे चुनलै रहए। तुम जानत हओ, कि पबित्र-शास्त्र एलिया अगमबक्ताके बारेमे का लिखी रहए, कि एलिया इस्राएल देशके आदमीनके बारेमे परमेश्वरसे गुनासो करी।

रोमियों 12:9

दुस्रेन्से प्रेम करनको दिखावा नाए करन पणत हए, खराब बातके घृणा करओ; जो अच्छो हए, बोके लगातार करतए रहाओ।

रोमियों 15:20

पर मिर मनको उमंग जहेहए, कि अच्छो समाचार परचार बेहीं क्षेत्रमे होएं, जहाँ येशू ख्रीष्टके बारेमे अबतक नाए सुनाओ गओ। ताकी मए उइसो घर बनान बारो नाए हुइपामओं जौन औरेनके जगमे घर बनातहए।

रोमियों 15:9

और गैर-यहूदी फिर परमेश्वरको दयाके कारण बाके महिमा करएं। जा ठिक उइसीयए हए जैसे पबित्र-शास्त्रमे लिखो हए, “जहेमारे मए गैर-यहूदीनके बीचमे तेरो महिमा करंगो, और तेरे नाउँको भजन गामंगो।”

रोमियों 8:28

और हम जानत हएं, कि जो आदमी परमेश्वरसे प्रेम करत हए, परमेश्वर उनके ताहीं सब चिजनके एक अच्छी अन्तमे लात हए; अर्थात् बिनके ताहीं जौनन्के बो चुनी हए।

रोमियों 9:11

जन्मनसे अग्गुवए कुछ अच्छो और कुछ खराब काम करनसे पहिलीयए परमेश्वर रेबिकासे कही रहए, कि बक बाणो लौंणा छोटो लौंणाको सेवा करैगो। परमेश्वर जा दिखानके ताहीं कही, कि बा अपनो इच्छा अनुसार अपनए बनातहए और जा कोइ फिर कामके कारण नाए रहए, जो बे करीं।

1 कोरिन्थी 1:2

मए जा चिट्ठी तुमके पठाएरहो हओं, जो कोरिन्थ सहरमे भए परमेश्वरके मण्डली हएं, अर्थात् हम जे बात लिखत हएं, जौनके परमेश्वर अपने आदमीनके रुपमे अलग करीहए। बा तुमके ख्रीष्ट येशूमे एकजुटमे बाँधी हए, और बा तुमके पबित्र आदमी होनके बुलाइ हए; उइसीयए, जैसे परमेश्वर औ सब आदमीनके छानी हए, जौन हमरे ठिहामे हमर प्रभु येशू ख्रीष्टको सेवा करत हए, काहेकी बा हमर सबको प्रभु हए।

1 कोरिन्थी 8:3

पर कोइ परमेश्वरके प्रेम करत हए कहेसे परमेश्वर बोके जानत हए।

2 कोरिन्थी 7:1

जहेमारे मेरे प्यारे सँगीउ, हमरे सँग बे प्रतिज्ञा भओके मारे शरीर और आत्मासे होन बारो सब मेलको गलत काम करन छोडओ और परमेश्वरके आदर करके हमके पुरा रुपमे पबित्र जीबन बितानके कोसिस करन पणत हए।

गलातियों 4:9

जबकी परमेश्वरके सँग तुमर सम्बन्ध हए, और परमेश्वर हमके अपनो लौंणाके रुपमे स्वीकारलै हए। तहुँफिर तुम कमजोर और गैर कामके गुरुको कमैया बननके ताहीं काहे लौटरहे हओ? का तुमके दुबारा उन्हींनको कमैया बननके इच्छा हए?

इफिसियों 2:20

चुनेभए चेला और अगमबक्तनको डरो भओ जगमे बनाओ भओ घर तुम फिर हओ। जगको मूल पत्थर येशू ख्रीष्ट अपनए हए।

इफिसियों 3:15

बा बहे हए जो सबए बिश्वासीनको परिवारको दौवा हए जो स्वर्ग और पृथ्वीमे हएं।

इफिसियों 4:30

परमेश्वरको दओ भओ पबित्र आत्माके अपनो जीबन जिइनको तरिकासे दुखी मत् करओ, जोसे तुमके छुटकाराको दिनके ताहीं प्रतिज्ञा दओगओ।

1 तिमोथी 3:15

कि अगर मए आनमे देर करदेमओं कहेसे, हम जौन जिन्दा परमेश्वरके मण्डली हएं, हमके परमेश्वरको परिवारको सदस्यके रुपमे अपन जीबन कैसे जीइन पणत हए कहिके तए जानजैए। जैसे घरको जग और खम्मा घरके सहारा देत हए और बोके मजबुत बनाए रखात हए, उइसीयए मण्डलीके बिश्वासी सच्चो शिक्षाके सहारा देत हएं और मजबुत बनाए रहात हएं।

1 तिमोथी 6:19

अइसे करके बे अपन अच्छो कामके अपन ताहीं सम्पति कता जोरंगे, जौन भबिष्यमे जाएके स्वर्गमे उनके ताहीं एक मजबुत घरको जग कता होबैगो। और बे सच्चो जीबन पामंगे, जौन जीबन हमेसाके ताहीं रहो रहाबैगो।

हिब्रू 11:10

काहेकी बो हरदम रहान बारो जगमे बनो सहरमे रहानके ताहीं असियात रहए, जोके बनान बारो और निर्माण करन बारो परमेश्वरए हए।

2 पतरस 3:14

जहेमारे प्रिय हो, परमेश्वर संसारको न्याय करन बारो दिनको तुम प्रतिक्षा करत पेती तुम पबित्र और खोट नाए भओ होन और बाके सँग शान्तिमे बैठनके सबसे अच्छो कम करन पणत हए।

1 यूहन्ना 2:19

बे ख्रीष्ट बिरोधी हमर सँग छोडके चलेगए, पर बे अपने नाए रहएं। अगर बे हमरे अपने हुइते, तओ बे हमरी सँग हुइते। बे चलेगए, जोसे जा दिखात हए, कि बिनमे कोइ फिर हमर अपनो नाए रहए।

प्रकाश 17:8

बो राक्षस जौनके तए अभए देखो, एक समयमे जिन्दा रहए, पर अब जिन्दा नाए हए; बो गहिरो कुण्डासे बाहिर आन बारो हए और परमेश्वर बोके पुरा रुपसे नष्ट करदेबैगो। पृथ्वीमे रहान बारे आदमी जौनको नाउँ परमेश्वर संसारको सृष्टि करनसे पहिले जीबनको किताबमे लिखो नाए रहए, बे सब अचम्मो मानंगे, जब बे जा राक्षसके देखंगे। एक समयमे बो जिन्दा रहए; अब बो जिन्दा नाए हए पर अब बो फिरसे लौटके आबैगो।

प्रकाश 2:13

मए जानत हओं, कि तए शैतानको सिंहासनके अधिनमे हए, पर अइसो होतए-होत तए मोएमे अपनो बिश्वासके मजबुत करो हए, और तए मिर शिक्षनके नाए छोडो हए। हियाँतककी, तहुँफिर नाए छोडो, जब बहुत समय पहिले एन्टिपासको हत्या करोगओ रहए। बो मिर बचनके परचार करनमे बिश्वासयोग्य रहए, जहेमारे बोके तेरे सहरमे मारडारीं जो शैतानके अधिनमे हए।

प्रकाश 21:14

बे, सहरको दिबाल बणे-बणे बाह्र पत्थरके उपर बनाए रहएं। और हर एक पत्थरमे थुमाको बाह्र चुनेभए चेलन मैसे एक-एकको नाउँ लिखो रहए।

प्रकाश 22:4

बे परमेश्वरके आमने-सामने देखंगे, और बाको नाउँ बिनके माथेमे हुइहए।

प्रकाश 3:8

मोके पता हए तए कैसो कडा मेहेनत करत हए। मोए पता हए, कि तेरे सँग थोरीए शक्ति हए, तहुँफिर मए तोसे कहीभइ बात तए पालन करो हए। तए मोएमे लगातार बिश्वास करेपणे हए, जहेमारे मए तेरे ताहीं एक ढोका खोलंगो जोके कोइ फिर बन्द नाए कर्पएहए।