2 तिमोथी 1:5 - राना थारु नयाँ नियम

⁵ मोके, तिर सच्चो येशू ख्रीष्टमे बिश्वासको सम्झना आत हए, जो पहिले तेरी दादी लोइस, और तेरी अइया युनिसमे रहए। और मोके बिश्वास हए, कि तोएमे फिर ख्रीष्टको बिश्वास हए।

परमेस्वर को सच्चो वचन

⁵ मोकै तेरी बौ इमानदारी बारो बिस्वास समक मैं आथै, जो पहले तेरी नानी लोइस और तेरी अईय्या यूनीके मैं रहै, और मोकै सच मैं पता है कि तहूँ मैं है।

2 तिमोथी 1:5 交叉參考

यूहन्ना 1:47

येशू नथानेलके अपने घेन आत देखके बक बारेमे कही, “देखओ, एक जनै भरोसालायक इस्राएल देशको (जौन याकूब) पिढी हए: जौन पुरा रितिसे इमान्दार हए।”

प्रेरित 16:1

पावल और सिलास डर्बी सहर हुइके लुस्त्रा सहरमे आएपुगो। लुस्त्रा सहरमे तिमोथी नाउँ भओ प्रभुमे बिश्वास करन बारो एक चेला बैठत रहए। बोकी अइया फिर प्रभुमे बिश्वास करन बारी यहूदी रहए पर बोको दौवा ग्रीक देशमे बैठन बारो रहए।

प्रेरित 26:26

राजा अग्रिपासके जे बातके बारेमे सब पता हए, बोसे मए जा बात निडर हुइके कहे सकत हओं। और मोके बिश्वास हए, कि जे बात बासे लुकी नैयाँ, काहेकी जे बात गुप्तमे नाए भओ रहए।

रोमियों 14:14

प्रभु येशूमे बिश्वास करके कारणसे जा बात मए पक्का जानत हओं, कि कोइ फिर भोजन अपनए अशुद्ध नाए होत हए, पर जो बोके अशुद्ध सम्झत हए बोके ताहीं अशुद्ध हए।

रोमियों 14:5

उइसीयए कोइ कुइ दिनके, औ दिनसे खास और बडो मानत हए पर कोइ सबए दिन एकए हए कहात हए। सबए आदमीके जा निश्चित होन पणत हए, कि जो बो सोँचत हए, बो ठिक हए।

रोमियों 15:14

हे मेरे बिश्वासी ददाभइया, मए अपनए फिर तुमर बारेमे नेहात्तओ जानत हओं, कि तुम अपनए भलाइसे भरे और तुम पुरा रुपसे जानत हओ, कि तुमके का करन चाहो और एकदुस्रेनके सिखाए सकत हओ।

रोमियों 4:21

काहेकी अपनो करोभओ प्रतिज्ञा परमेश्वर नेहात्तओ पुरा करैगो कहिके बोके पता रहए।

रोमियों 8:38

काहेकी मए निश्चित हओं, कि कोइ फिर बात हमएं ख्रीष्टको प्रेमसे हमके अलग नाए कर्पएहए। नए मृत्यु, नए जीबन, नए स्वर्गदूत, नए भुत, नए हमर आजको डर, नए कलको चिन्ता, नए नरकको शक्ति; कोइ फिर हमके ख्रीष्टको प्रेमसे अलग नाए कर्पएहए।

2 कोरिन्थी 6:6

शुध्दतामे, ज्ञानमे, धैर्यमे, दयामे, पबित्र आत्माको अगुवाईमे, सच्चो प्रेममे,

1 तिमोथी 1:5

तुमके जा आज्ञा देनको मिर उदेश्य जा हए, कि तुम एकदुस्रेसे सच्चो मनसे प्रेम करओ, और शुद्ध बिबेकसे और सच्चो बिश्वाससे प्रेममे बढओ।

1 तिमोथी 4:6

अगर तए सब बिश्वासी ददाभइयनके लगातार जे बातको शिक्षा देतए रएहए कहेसे तए ख्रीष्ट येशूको एक अच्छो सेवक ठहिरैगो। और परमेश्वर तोके बिश्वास और अच्छो शिक्षाके माध्यमसे तालिम देबैगो, जौन शिक्षाके तए पालन करो हए।

2 तिमोथी 1:12

जहेमारेसे हए, कि मए आदमीनके ख्रीष्टके बारेमे जा सन्देशको परचार करत हओं, कि मए हियाँ जेलमे फिर दु:ख उठाए रहो हओं, पर सर्मात नाए हओं। काहेकी मए ख्रीष्टके जानत हओं, जोके उपर मए भरोसा करो हओं। और मोके पक्का बिश्वास हए, कि जब तक ख्रीष्ट दुबारा लौटके नाए आबैगो, तबतक परमेश्वर बो चीजके रक्षा करैगो, जो चीज बा आदमीनके दइ हए।

2 तिमोथी 3:15

और बच्चएसे तए पबित्र-शास्त्रके सिखो हए, जो तोके जा सम्झनमे मदत करत हए, कि जब तए येशू ख्रीष्टमे बिश्वास करत हए तओ परमेश्वर तोके बचात हए।

हिब्रू 11:13

जे सबए आदमी जो परमेश्वरमे भरोसा करीं, बे चिजनके प्राप्त करे बिना मरिगए जोको वादा परमेश्वर करी रहए। पर बे परमेश्वरको भबिष्यमे करन बारो काम बुझके खुसी भए। और बे जा फिर बुझलैं, कि हम जा धर्तीमे परदेशी और अन्जान हएं।

हिब्रू 6:9

मेरे प्यारे भइयओ! तुम असल काम कर रहेहओ। काहेकी परमेश्वर तुमके पहिलेसे मुक्ति दइ हए। जहेमारे जे चेतावनी तुमर बारेमे नाए हए।

1 पतरस 1:22

काहेकी तुम सत्य पालन करके शुद्ध भए हओ, अब तुमके निष्कपट रुपसे अपनो बिश्वासी ददाभइयनके प्रेम करन पणत हए। एकदुस्रेके निष्कपटता साथ और पुरा हृदयसे प्रेम करतए रहाओ।