2 तिमोथी 1:12 - राना थारु नयाँ नियम

¹² जहेमारेसे हए, कि मए आदमीनके ख्रीष्टके बारेमे जा सन्देशको परचार करत हओं, कि मए हियाँ जेलमे फिर दु:ख उठाए रहो हओं, पर सर्मात नाए हओं। काहेकी मए ख्रीष्टके जानत हओं, जोके उपर मए भरोसा करो हओं। और मोके पक्का बिश्वास हए, कि जब तक ख्रीष्ट दुबारा लौटके नाए आबैगो, तबतक परमेश्वर बो चीजके रक्षा करैगो, जो चीज बा आदमीनके दइ हए।

परमेस्वर को सच्चो वचन

¹² जौ बजह से कि मैं जे चीजन कै भुगत्थौं, पर मैं अभऊ बिस्वास से भरो हौं, काहैकि मैं जानथौं कि जोके ऊपर मैं भरोसो करो हौं, और मोकै यकीन है कि बौ बहे दिन ले समारे रखान मैं कामयाब है, जो बौ मोकै सौंपीं है।

2 तिमोथी 1:12 交叉參考

मत्ती 12:21

और जाति-जातिके आदमी बाको नाउँमे आसरा करंगे।”

मत्ती 24:36

“पर बो दिन और बो समयके बारेमे कोइ नाए जानत हए, नए स्वर्गके स्वर्गदूत, नए आदमीको लौंणा।

मत्ती 7:22

न्यायके दिनमे बहुत जनै मोसे कहामंगे; ‘प्रभु, प्रभु, का हम तुमर अधिकारसे अगमबाणी नाए बोले? का तुमर दओ भओ अधिकारसे भुत नाए निकारे? और का तुमर दओ भओ अधिकारसे मेलमेलके शक्तिशाली काम नाए करे?’

लूका 10:12

मए तुमसे कहात हओं, न्यायके दिनमे परमेश्वर सदोम सहरके आदमीनके जरुर दण्ड देबैगो। पर बो सहरके आदमीनके दण्ड सदोम सहरके आदमीनको दण्डको तुलनामे, बहुत जद्धा होबैगो।”

लूका 23:46

बडो उँचो सोरसे चिल्लाएके येशू कही, “हे दौवा, मए मिर आत्मा तुमर हातमे सौँपत हओं।” इतकए कहिके बा अपनो प्राण त्याग दइ।

यूहन्ना 17:15

मए तुमसे अइसे प्राथना नाए करत हओं, कि तुम उनके संसारसे उठाएलेओ, पर जा प्राथना करत हओं, कि तुम उनके शैतानसे रक्षा करओ।

यूहन्ना 6:44

मोके पठान बारो दौवा मिर ठिन आनके मन नाए देहए कहेसे कोइ फिर मिर ठिन नाए आएपाबैगो, मिर ठिन आन बारेके मए संसारको अन्तके दिनमे जिन्दा करेहओं।

प्रेरित 13:46

तओ पावल और बारनाबास नाए डराएके कहीं, “परमेश्वरको बचन सबसे पहिले तुमके सुनान जरुरी रहए, पर तुम सुनन नाए मानत हओ। तुम अपनएके कभी फिर नाश नाए होन बारो जीबनको अयोग्य ठहिरे हओ। जहेमारे अब हम गैर-यहूदीनके ठिन जामंगे।

प्रेरित 13:50

पर यहूदी अगुवा, भक्ति करन बारे उच्च श्रेणीके बैयर और सहरके नेतनके समेत पावल और बारनाबासके बिरोधमे उपद्र करनके उठाइं और बे दुई जनैके बो परदेशको सिमानासे बाहिर निकार दइं।

प्रेरित 21:13

पर पावल जबाफ दइ, “तुम काहे अइसे रोएके मिर मनके कमजोर करत हओ? मए यरूशलेम सहरमे बंधन इकल्लो नाए, पर मए प्रभु येशू ख्रीष्टके ताहीं मरनके फिर तयार हओं।”

प्रेरित 7:59

जैसी बे स्तिफनसके पत्थर मारत रहएं, बो प्राथना करी, “हे प्रभु येशू, मिर आत्माके ग्रहण करओ।”

प्रेरित 9:16

और मए बोके बतामंगो, कि आदमीनके मेरे बारेमे बात बतानके कारण बोके कैसे-कैसे दुख उठान पणैगो।”

रोमियों 1:16

काहेकी मोके ख्रीष्टको खुसीके खबरमे पुरा भरोसा हए। काहेकी अच्छो समाचारमे बिश्वास करन बारे सबके परमेश्वर अपने शक्ति द्वारा उद्धार करत हए, सुरुवातमे परमेश्वर यहूदी आदमीनके मुक्ति दइ और अब सब आदमीनके फिर मुक्ति देत हए।

रोमियों 9:33

जैसे परमेश्वर पबित्र-शास्त्रमे कहात हए, “देखओ, मए यरूशलेम सहरमे एक अइसो पत्थर धरंगो जो आदमीनके ठेस लगात हए, एक अइसो चट्टान जो बिनके गिराबैगो, और जो बामे बिश्वास करैगो, बो लज्जित नाए होबैगो।”

1 कोरिन्थी 1:8

हमर प्रभु येशू ख्रीष्ट पृथ्वीमे लौटके आन बारो दिनमे, तुम निर्दोष होबओ कहिके परमेश्वर तुमके अन्तक बिश्वासमे मजबुत बनाबैगो।

1 कोरिन्थी 3:13

जब ख्रीष्ट फिरसे आबैगो तओ आगी हर आदमीको करोभओ कामके दिखाबैगो। आगी जहे दिखाबैगो, कि बो आदमीको कामको कोइ मोल हए या नाए हए।

फिलिप्पी 1:20

मिर मनको इच्छा और आसरा जा हए, कि मए लज्जित नाए होमओं बल्कि मोएमे ख्रीष्टके बारेमे मस्कनके सहास होबए, जैसेकी मए बितो भओ समयमे कहो रहओं, चहुँ मए जिन्दा रहाओं या मरजामओं मए अपनो पुरो जीबनसे ख्रीष्टके आदर करत रहामंगो।

फिलिप्पी 3:10

मए जा चाँहत हओं, कि ख्रीष्टके जानलेमओं। बाको मरके जिन्दा बनान बारो शक्तिके जान पामओं, और बाको मृत्युमे बाके हानी हुइके बाको दु:खमे सामिल हुइपामओं।

फिलिप्पी 3:21

बा अपनो शक्तिको बहे प्रभावके अनुसार, जौनके द्वारा बा सब चीजके अपने अधिनमे कर सकत हए। हमर कमजोर संसारकी शरीरको रुप बदलके अपनो महिमाको शरीर जैसो बनाबैगो।

फिलिप्पी 3:8

पर प्रभु येशू ख्रीष्टके चिन्होके कारणसे, जो सब चीजसे आवश्यक हए, मए सब चीजके बेकारको मानो। जोके कारण मए सब चीज छोडदओ और बे सब चीजके फोहर बात सम्झो। ताकी मए ख्रीष्टके जान पामओं।

1 थेसलोनिकी 2:16

और अब बे, गैर-यहूदीनसे उनको उद्धारके ताहीं बात करनसे हमके रोकत हएं। बे अपने पापमे, पाप जोडतए जात हएं, अब अन्तमे परमेश्वर नेहात्तओ उनके दण्ड देन बारो हए।

1 थेसलोनिकी 5:4

पर हे मेरे बिश्वासी ददाभइयओ, तुम त अंधियारोमे नाए हओ, कि प्रभुको फिरसे लौटके आनको दिन तुमर उपर चुट्टा हानी अचानक तुमर बिना तयारीको आएजाए।

1 तिमोथी 6:20

हे तिमोथी, पक्का कर, कि तए बहे कामके करत हए, जौन काम करन जिम्मा परमेश्वर तोके दइ हए। अधर्म और बिना कामके बात चित और परमेश्वरको शिक्षनके बिरोध करन बारो बो सब शिक्षाके बे गलत तरिकासे “ज्ञान हए” कहिके कहात हएं।

2 तिमोथी 1:14

येशू ख्रीष्टके बारेमे अच्छो समाचारकी रक्षा कर जो परमेश्वर पबित्र आत्माको मदतसे तोके दइ रहए, जो हममे रहात हए।

2 तिमोथी 1:16

प्रभु ओनेसिफरसके घरानाके उपर दया करए, काहेकी बो मोसे भेँटनके आओ, और बहुत चोटी मोके हौसला दइ, और हियाँ जेलमे मोसे भेँट करनके ताहीं नाए सर्माइ।

2 तिमोथी 1:18

न्यायके दिन प्रभु ओनेसिफरसके अपनो महान दया दिखाबए। और तए अपनए अच्छेसे जानत हए, कि बो एफिसस सहरमे मिर कित्नो सहायता करी।

2 तिमोथी 1:8

जहेमारे दुस्रे आदमीनके हमर प्रभु येशू ख्रीष्टके बारेमे बतानमे मत् सर्माबए, और तोके जा बातसे फिर सर्मानके नाए चाहो, कि मए ख्रीष्टको सेवा करनके कारण जेलमे हओं। बल्कि तोके बहे शक्तिके प्रयोग करनके चाहो जो परमेश्वर तोके देतहए, और अच्छो समाचारके ताहीं जो दुख मए सहत हओं बोमे तए मोके साथ देए।

2 तिमोथी 2:9

मए जेलमे एक अपराधी कता दुख सहिरहो हओं, काहेकी मए अच्छो समाचारको परचार करत हओं। पर कोइ फिर आदमी परमेश्वरको बचन परचार करनसे रोक नाए पाबैगो।

2 तिमोथी 4:8

अब, परमेश्वर स्वर्गमे मेरे ताहीं एक मुकुट धरेपणे हए, काहेकी मए अपनो जीबनमे बाके खुसी करन बारो जीबन जिइयो हओं। हमर प्रभु येशू ख्रीष्ट जो धार्मिकताको न्यायधीश हए, जब बा लौटके आबैगो मोके बा मुकुट देबैगो। जो मुकुट बा मोके देबैगो बो मेरे ताहीं इकल्लो नाए हुइहए, बल्कि सबके ताहीं जो बाको लौटनको आसरा कर रहे हएं।

तीतुस 3:8

जा एक सच्ची कहानी हए, जो मए हबए तोके बताओ हओं। और मए चाँहत हओं, कि तए जे बातके बारेमे पक्का रुपसे बिश्वासीके सिखा, जाकेमारे कि जौन परमेश्वरमे बिश्वास करीहए, ताकी बे अच्छे काम करनके ताहीं अपनो समय देनमे ध्यान लगामएं। जा शिक्षा सबके ताहीं अच्छी हए, और फाइदा बाली बात हए।

हिब्रू 12:2

हमर बिश्वास सुरु करन बारो और पुरा करन बारो येशूके देखत रहाएं। बा भबिष्यमे पान बारो आनन्दके ताहीं कुछु जैसो नाए मानके क्रूसको कष्ट भोगी और मरीगओ, और हबए परमेश्वरको सिहासनमे दहिना हात घेन उँचो सम्मानको ठाउँमे बैठो हए।

हिब्रू 2:18

काहेकी ख्रीष्ट कष्ट और परीक्षा भोगी, और बा परीक्षामे पणेभए सब आदमीनके मदत करन जानत हए।

हिब्रू 7:25

जहेमारे येशू द्वारा परमेश्वरके ढिँगै आन बारेनके बा सदिमान उद्धार करन सकत हए। काहेकी बिनके ताहीं मध्‍यस्‍थताको प्राथना चढानके ताहीं बा सदिमान जिन्दा हए।

1 पतरस 1:5

परमेश्वर अपनो बडो शक्ति द्वारा तुमके सुरक्षित रक्खैगो काहेकी तुम येशूमे बिश्वास करत हओ। बा तुमके अनन्त दिनतक सुरक्षित रक्खैगो, जब ख्रीष्ट लौटके आबैगो। तओ तुमके पता चलैगो, कि परमेश्वर तुमके पुरा रुपसे पाप और मृत्युसे बचाइ हए।

1 पतरस 4:16

पर कोइ ख्रीष्टियन भओके कारण दुख उठात हए कहेसे बो नाए सर्माबए, पर ख्रीष्टियन भओके कारण बो परमेश्वरके धन्यबाद देबए।

1 पतरस 4:19

जहेमारे परमेश्वरको इच्छा अनुसार जब कोइ दुख भोगत हए, और जीबन देन बारो परमेश्वरमे भरोसा करे रहात हए। तओ बोके ताहीं परमेश्वर हरदम अपन प्रतिज्ञा करोभओ बात पुरा करत हए। तभीमारे तुम अच्छो काम करतए रहाओ।

यहूदा 1:24

परमेश्वर तुमके बचान सिकैगो, ताकी तुम पापमे जीबन जीइनके ताहीं धोखामे नाए पणओ। बा महिमित परमेश्वर तुमके निष्कलङक और आनन्दसे भरो भओ बनानके तुमके अपने ठिन फिर्ता करलेबैगो।