2 थेसलोनिकी 3:5 - राना थारु नयाँ नियम

⁵ हम प्राथना करत हएं, कि प्रभु येशू ख्रीष्ट तुमके जा सम्झनको लायक बनाबए, कि परमेश्वर तुमके कित्नो प्रेम करत हए। और तुम अइसे सहाओ, जैसे येशू ख्रीष्ट सही।

परमेस्वर को सच्चो वचन

⁵ प्रभु तुमकै परमेस्वर के प्रेम और मसीह के जरिया दी गई मन मैं सहनसक्ति की समझ मैं ले जाबै।

2 थेसलोनिकी 3:5 交叉參考

रोमियों 5:5

हम जा आसरामे दुखि नाए होमंगे, काहेकी परमेश्वर पबित्र आत्मा दइ हए और पबित्र आत्मा हमर हृदयमे परमेश्वरको प्रेम भरदइ हए।

रोमियों 8:25

पर हमके कुछ अइसो पानको आसरा हए जो हमर ठिन अभए तक नैयाँ, जहेमारे हम धर्यसे तबतक आसरा करत हएं जब तक हम बोके प्राप्त नाए करलेमएं।

रोमियों 8:28

और हम जानत हएं, कि जो आदमी परमेश्वरसे प्रेम करत हए, परमेश्वर उनके ताहीं सब चिजनके एक अच्छी अन्तमे लात हए; अर्थात् बिनके ताहीं जौनन्के बो चुनी हए।

1 कोरिन्थी 8:3

पर कोइ परमेश्वरके प्रेम करत हए कहेसे परमेश्वर बोके जानत हए।

गलातियों 5:22

जब पबित्र आत्मा हमके अगुवाई करत हए, तओ बा हमके प्रेम करनके, आनन्दित रहानके, शान्तिमे रहानके, धिरज करनके, दया दिखानके, भलाइ करनके, भरोसा करनके,

1 थेसलोनिकी 1:10

और परमेश्वरको लौंणाके स्वर्गसे फिरसे लौटके आनको आसरा करत रहाबओ जौनके परमेश्वर मरो भओ मैसे जिन्दा करी, अर्थात् येशूके, जो परमेश्वरको आन बारो क्रोधसे बचात हए।

1 थेसलोनिकी 1:3

जब हम अपनो दौवा परमेश्वरसे प्राथना करत हएं, तओ हम बे कामके याद करत हएं जो तुम बिश्वासके कारण करत हओ। और दुस्रेनके उपर प्रेम दिखानके ताहीं जो कडी मेहेनत तुम करत हओ, और तुम सतावट सहे करत हओ काहेकी तुम प्रभु येशू ख्रीष्टको लौटनको आसरा कर रहेहओ।

1 थेसलोनिकी 3:11

हम प्राथना करत हएं, कि हमर दौवा परमेश्वर और हमर प्रभु येशू ख्रीष्ट तुमसे भेँट करनके ताहीं डगर तयार करए।

2 तिमोथी 4:8

अब, परमेश्वर स्वर्गमे मेरे ताहीं एक मुकुट धरेपणे हए, काहेकी मए अपनो जीबनमे बाके खुसी करन बारो जीबन जिइयो हओं। हमर प्रभु येशू ख्रीष्ट जो धार्मिकताको न्यायधीश हए, जब बा लौटके आबैगो मोके बा मुकुट देबैगो। जो मुकुट बा मोके देबैगो बो मेरे ताहीं इकल्लो नाए हुइहए, बल्कि सबके ताहीं जो बाको लौटनको आसरा कर रहे हएं।

तीतुस 2:13

हम अइसे ब्यबहार करत हएं, जब हम बेहीं अदभुत दिनको प्रतीक्षा कर रहे हएं, जोको हमके आसरा हए; बहे दिन जब प्रभु येशू ख्रीष्ट, जो हमर महान परमेश्वर और मुक्तिदाता हए, अपनो सारे महिमाके सँग पृथ्वीमे लौटके आबैगो।

हिब्रू 9:28

उइसी करके बहुत आदमीनको पाप उठाए लैजानके ताहीं ख्रीष्ट अपनएके एकए चोटी बलि करी। और येशू दुस्रो चोटी फिर आबैगो। बो बेरा अपनएके पापके ताहीं बलि करनके नाए, पर बाको डगर देखके बैठन बारेनके बचानके ताहीं आबैगो।

याकूब 2:5

हे मेरे प्यारे बिश्वासी ददाभइयओ, सुनओ, जा संसारके गरीब आदमीनके परमेश्वर बहुत बिश्वास करी। परमेश्वर बे सबके अपनो राज्यमे हकदार होनके ताहीं प्रतिज्ञा करी, कि जौन बाके प्रेम करैगो।

1 पतरस 4:1

जहेमारे ख्रीष्ट अपनो शरीरमे रहातए दुख भोगी, और तुम फिर बहे कता बिचार करके दुख उठान तयार होन पणत हए। काहेकी अगर तुम ख्रीष्टके ताहीं दुख उठान इच्छा करत हओ कहेसे, तुम पाप करन छोडनको फैसला करे हओ।

2 पतरस 3:12

तुम बो दिनको प्रतिक्षा करत पेती, जब परमेश्वर संसारको न्याय करन आबैगो, तओ बो दिन जल्दी आबए करके सबसे अच्छो काम करओ। बो दिन आगी जलैगो और बादर नष्ट होबैगो, और आगिकी आँच पृथ्वीमे भए सब चीजके पिघ्लाए देबैगो।

1 यूहन्ना 4:19

हम परमेश्वरसे और एक-दुस्रेनसे प्रेम करत हएं, काहेकी सुरुमे परमेश्वर हमके प्रेम करी।

प्रकाश 1:9

मए यूहन्ना, तुमर सँगी बिश्वासी हओं, और येशूसे मिर एकता भओके कारण मए तुमर सँग परमेश्वरको राज्यमे, सरे दुखमे और उनके सहानकी शक्तिमे सहभागी हओं, मोके पत्मोस टापूमे पठाओ गओ रहए, काहेकी मए परमेश्वरके बचनके और येशू द्वारा प्रकट करोगओ सच्चाईके परचार करत रहओं।

प्रकाश 13:10

जौन आदमीनके जेलमे डारो जानके ताहीं फैसला हए, बे पक्कए फिर जेलमे डारे जामंगे, और अन्य आदमीनके ताहीं तरबारसे मारो जानके ताहीं फैसला हए, बे पक्कए फिर मारे जामंगे। जहेमारे नेहात्तओ, कि परमेश्वरके आदमी बे कठिनाइके सहाएं जौननको बे अनुभव करत हएं और बे बिश्वास करनमे पक्के हएं।