2 थेसलोनिकी 3:15 - राना थारु नयाँ नियम

¹⁵ तहुँफिर बोके उपर अइसो काम मत् करओ जैसे तुम एक दुस्मनके उपर करत हओ। पर एक सँगी बिश्वासीके बराबर बोके चेतावनी देओ, कि जो बो करीहए अबसे उइसो नाए करए।

परमेस्वर को सच्चो वचन

¹⁵ लेकिन भईय्यौ उनकै बैरी मत समझौ; जाके अलावा, उनकै विस्वासियन के रूप मैं चितौनी देबौ।

2 थेसलोनिकी 3:15 交叉參考

मत्ती 18:15

“अगर तुमर सँगी तुमर बिरुद्धमे अपराध करैगो, तओ इकल्लेमे बात चित करके बोके दोष दिखाएदेओ; अगर बो तुमरी बात सुनए और पाप करन छोडके परमेश्वर घेन घुमए, तओ तुम अप्नो सँगीके जीतके फिर्ता पाए हओ।

1 कोरिन्थी 4:14

मए तुमके लज्जित करनके ताहीं जा बात नाए लिखत हओं, पर मिर उदेश्य तुमके अनुशासित करनो हए। काहेकी तुम मेरे बच्चा कता हओ, जौनके मए सचमे प्रेम करत हओं और चेतावनी देत हओं।

1 कोरिन्थी 5:5

बो पापी ब्यबहार करन बारे आदमीके मण्डलीसे बाहिर निकार देओ और बो आदमीके शैतानके अधिकारमे फिर्ता पठाए देओ। ताकी जा आसरा करोजाए सकत हए, कि बो पाप करन छोडके परमेश्वर घुमजएहए कि। काहेकी अगर बो पश्चाताप करत हए कहेसे बो सचमे बो दिनमे बचाओ जाबैगो जब प्रभु न्याय करैगो।

2 कोरिन्थी 10:8

काहेकी हमर अधिकारके बारेमे मए कुछ जद्धए घमण्ड करो कहेसे फिर मए शरममे नाए पणंगो, काहेकी जा अधिकार तुमर बिश्वासके नाश करनके नाए हए, बल्कि तुमर सुधारके ताहीं प्रभु दइ हए।

2 कोरिन्थी 13:10

तहिमारे मए तुमके जा बात लिखरहो हओं, जब मए अग्गु आओ रहओं ताकी प्रभु मोए तुमके दण्ड देन अधिकार दइ हए कहिके मए तुमके दिखाए पामओं। काहेकी मए अपनो अधिकार प्रयोग करके तुमके बिश्वासमे मजबुत बनान चाँहत हओं, तुमर नाश करन नाए चाँहत हओं।

गलातियों 6:1

हे मेरे बिश्वासी ददाभइयओ, तुम जो पबित्र आत्मासे अगुवाई करे जातहओ, तुमके अइसो करनके चाहो: अगर कोइ बिश्वासी पाप करी हए, तओ तुम मैसे कोइके पबित्र आत्माको अगुवाई हए कहेसे नम्रतासे बोके सही डगरमे लौटाएके लियाबओ। और अपना फिर होसियार रहाबओ, ताकी तुम फिर परीक्षामे नाए पणओ।

1 थेसलोनिकी 5:14

और हे मेरे बिश्वासी ददाभइयओ, हम तुमसे बिन्ती करत हएं, कि जो आदमी अल्छी हएं, उनके चेतावनी देओ। बे आदमीनके उत्सहा देओ, जो डरपोक हएं, जो बिश्वासमे कमजोर हएं उनके मदत करओ, सबके सँग सहनशीलता देखाओ।

2 थेसलोनिकी 3:13

और हे मेरे बिश्वासी ददाभइया, काहेकी तुम थकगए हओ तभीमारे जो सही हए बो करनके बन्द मत् करओ।

2 थेसलोनिकी 3:6

हे मेरे बिश्वासी ददाभइया, हम तुमके बहे अधिकारसे आज्ञा देत हएं जो येशू ख्रीष्ट हमके दइ, कि अइसे कोइ फिर भइया या बहिनियासे मेलमिलाप मत् करओ, जो अल्छी हएं, और जो हम तुमके सिखाए बे आदेशको पालन नाए करत हएं।

तीतुस 3:10

अगर कोइ अइसो आदमी हए, जो बिश्वासीनके बीच फुट पैदा करत हए, तओ बोसे गम्भीरतासे बात कर, और बोसे अइसो ब्यबहार करन छोडनके कहो। अगर बो छोडनसे नाए मानैगो, तओ बोके फिरसे चेतावनी दे। जाके पिच्छु, अगर बो फिरसे नाए छोडन मानैगो कहेसे तोके अइसे आदमीके छोडदेन चाहो।