2 थेसलोनिकी 2:8 - राना थारु नयाँ नियम

⁸ तओ दुष्ट आदमी दिखाइ पणैगो, पर पिच्छु प्रभु येशू जब आबैगो, तओ बा एक हुकुमके द्वारा जो बाको मुँहुँसे निकरत हए और अपना आनको महिमासे दुष्ट आदमीके नाश करैगो।

परमेस्वर को सच्चो वचन

⁸ तौ एक अधर्मी दिखाई देगो, लेकिन जब प्रभु ईसु आगो, तौ बौ बाकै अपने मोहों से सास के संग मार देगो और बाकै बाकी चमकदार हाजरी के संग बाकी आत्मा कै खतम कर देगो।

2 थेसलोनिकी 2:8 交叉參考

मत्ती 13:19

डगर घेन बुए बीज बेही हएं, जब कोइ परमेश्वरको बचन सुनत हए, और सो बुझत नाएहए, तओ शैतान आतहए और बक ह्रदयमे जो बुओ रहए सो छिनाएके लैजात हए।

मत्ती 13:38

खेत दुनियाके आदमी हएं, असल बीज राज्यके आदमी हएं। और उवाजओके बीज शैतानके आदमी हएं।

मत्ती 16:27

काहेकी आदमीको लौंणा अपन दौवाके महिमामे अपन स्वर्गदूत सँग अएहए, और बो बेरा बा हरएक आदमीनके बोको काम अनुसार प्रतिफल देहए।

मत्ती 16:28

नेहात्तओ, मए आदमीको लौंणा, तुमसे कहात हओं, तुम मैसे बहुत आदमी जौन हियाँ ठाणे हओ, तुम परमेश्वरको राज्यके अपना मरनसे अग्गु शक्तिके सँग आत देखैगे।”

1 कोरिन्थी 1:28

और परमेश्वर अइसे आदमीनके चुनी जौननके संसारके द्वारा तुच्छ करेगए रहएं, अइसे आदमी जौनन्के कुछु फिर नाए सम्झो जात रहए और उनको उपयोग नाश करनके ताहीं करोजात रहए जोके संसार महत्त्वपूर्ण सम्झत रहए।

2 थेसलोनिकी 2:3

पर तुम बे सब गलत बातमे बिश्वास मत् करओ, जो आदमी येशू ख्रीष्टके आनके बारेमे तुमके बताए रहे हएं। प्रभु येशूके लौटके आनसे अग्गु बो दुष्ट आदमी प्रकट नाए भएतक, एक अइसो समय आबैगो जब बहुत आदमी परमेश्वरको बिरुद्धमे बिरोध करंगे।

1 तिमोथी 6:14

कि तए बे सब चीज कर जोके पुरा करनके ताहीं परमेश्वर तोके आज्ञा दइ हए। ताकी कोइ फिर प्रभु येशू ख्रीष्टके लौटके आनतक तिर उपर कुछ फिर गलत कामको आरोप नाए लगाए पाबए।

2 तिमोथी 1:10

पर अब हमर मुक्तिदाता ख्रीष्ट येशू आइगओ हए और हमके अपनो अनुग्रह दिखाइ हए। बा मृत्युकी शक्तिके नाश करदइ हए। और हमके दिखाइ हए, कि अच्छो समाचारके द्वारा कभी फिर नाश नाए होन बारो जीबनके ताहीं एक डगर हए और हम बो शरीरमे अनन्तकालके ताहीं जिन्दा रहमंगे जौन शरीर कभु नाए सणैगो।

2 तिमोथी 4:1

जब येशू ख्रीष्ट राजाके रुपममे राज्य करन आबैगो, तओ बा जिन्दा और मरेभइनके न्याय करैगो। तभीमारे, परमेश्वर और येशू ख्रीष्टको साक्षीके रुपमे मए तोके अनुग्रह करत हओं,

2 तिमोथी 4:8

अब, परमेश्वर स्वर्गमे मेरे ताहीं एक मुकुट धरेपणे हए, काहेकी मए अपनो जीबनमे बाके खुसी करन बारो जीबन जिइयो हओं। हमर प्रभु येशू ख्रीष्ट जो धार्मिकताको न्यायधीश हए, जब बा लौटके आबैगो मोके बा मुकुट देबैगो। जो मुकुट बा मोके देबैगो बो मेरे ताहीं इकल्लो नाए हुइहए, बल्कि सबके ताहीं जो बाको लौटनको आसरा कर रहे हएं।

तीतुस 2:13

हम अइसे ब्यबहार करत हएं, जब हम बेहीं अदभुत दिनको प्रतीक्षा कर रहे हएं, जोको हमके आसरा हए; बहे दिन जब प्रभु येशू ख्रीष्ट, जो हमर महान परमेश्वर और मुक्तिदाता हए, अपनो सारे महिमाके सँग पृथ्वीमे लौटके आबैगो।

हिब्रू 10:27

पर बे, परमेश्वरको न्यायके ताहीं डरातए आसरा करन पणत हए, और बे बाको दुश्मन होनके कारणसे पज्रत आगिमे भसम हुइ जामंगे।

1 यूहन्ना 2:13

हे दौवओ, मए तुमके जाकेमारे लिखत हओं, कि तुम ख्रीष्टके चिनत हओ, जो संसारके सुरुसे हए। हे जवानओ, मए तुमके जाकेमारे लिखत हओं, कि तुम शैतानसे जितीगए हओ। हे बालकओ, मए तुमके जाकेमारे लिखो हओं, कि तुम दौवा परमेश्वरके चिनडारे हओ।

1 यूहन्ना 3:12

और आदमको लौंणा कयिनके हानी नाए बनएं, जो शैतानसे रहए, और जौन अपनो भइया हाबिलके हत्या करी। बो अपन भइयाको हत्या काहे करी? जाकेमारे कि बोको काम ठिक नाए रहएं, और बोको भइयाके काम ठिक रहएं।

1 यूहन्ना 5:18

हम जानत हएं, कि जोकोइ परमेश्वरको सन्तान हए, बो पाप नाए करत हए, काहेकी परमेश्वरको लौंणा येशू बोके सुरक्षित रक्खत हए: और बोके शैतान नाए छुन पातहए।

प्रकाश 1:16

बाको दाहिना हात, सात तारनके पक्णे रहए, और बाको मुँहुँसे दुनौ घेन पैनो धार बारो तरबार निक्रो रहए। बाको अनुहार दुपहारको उजियारो कता रहए जैसे सूर्य चम्कत हए।

प्रकाश 13:5

राक्षसके अपने बारेमे घमण्डको बात करनको अधिकार प्राप्त भओ और अइसियए राक्षस परमेश्वरके बदनाम करी। बोके बयालीस महिनातक काम करनको अधिकार प्राप्त भओ।

प्रकाश 19:15

बाको मुँहुँमे एक पैनो तरबार निक्रो रहए, जोसे बा सब जाति-जातिनके हराए देहए। बा एक लोहाको डण्डा लैके सब आदमीनके उपर राज करैगो। और जो बाको अधिकारके स्वीकार नाए करैगो, बा उनके पुरा रुपमे दण्ड देहए। बा सर्बशक्तिमान परमेश्वरको डरौनो प्रकोपके उइसीयए छोड देबैगो, जैसे एक रसको कुण्डा मैसे अंगुरको रसा बहात हए।

प्रकाश 2:16

जहेमारे पाप करन छोडके परमेश्वर घेन घुम, अगर तए अइसो काम करन बन्द नाए करैगो, तओ मए जल्दीए आमंगो और बे आदमीनके बिरुद्ध बो तरबारसे लडंगो, जो मिर मुँहुँसे निक्रत हएं, जो मिर बचन हए।

प्रकाश 20:10

तओ बे शैतानके, जौन जे सब आदमीनके धोखा दइ रहए, बोके बो ठिहा फेँकदइं जहाँ गन्धक और आगी पज्रत हए। बो बहे ठिहामे होबैगो, जहाँ बे पहिलीएसे राक्षस और झुठो अगमबक्तनके फेँकी रहएं। आगी बे सबके रातदिन रोज तड्पाबैगो।