2 थेसलोनिकी 2:10 - राना थारु नयाँ नियम

¹⁰ और बो दुष्ट आदमी हर मेलके खराब काम करैगो। और बेहीं आदमीके धोखा देबैगो जो परमेश्वरके द्वारा नाश करेजामंगे। काहेकी बे आदमी बो सत्यतामे बिश्वास करनसे अस्वीकार करत हएं, जौन सत्यता बिनके बचाए सिकत हए।

परमेस्वर को सच्चो वचन

¹⁰ और जो नास होंगे उनके ऊपर सब तरह के अधर्म छल करियो। बे नास हुई जांगे काहैकि बे उद्धार पान के ताहीं सच को स्वागत और प्रेम कै नाय अपनाईं।

2 थेसलोनिकी 2:10 交叉參考

मत्ती 13:11

बा बिनसे जबाफ दइके कही, “तुमके त परमेश्वर स्वर्ग-राज्यको रहस्यको ज्ञान दइ हए, पर बिनके नाए दइ हए।

यूहन्ना 3:17

काहेकी परमेश्वर अपन लौंणाके संसारमे जाकेमारे पठाइ, कि संसारके आदमीनके उपर दण्डको आज्ञा देनके नाए, बल्कि संसारके आदमीनके उद्धार दइपाबए।

यूहन्ना 5:34

पर मए अपने बारेमे आदमीनको गवाही नाए चाँहत हओं; मए तुमके बो गवाहीके बारेमे बातओ हओं, जो यूहन्ना दइ रहए, ताकी तुम उद्धार पाए सकओ।

रोमियों 10:1

हे बिश्वासी ददाभइया, मेरे मनकी अभिलाषा और मेरे अपने यहूदी आदमीनके ताहीं परमेश्वरसे मिर प्राथना हए, कि परमेश्वर उनके बचाबए।

रोमियों 16:18

काहेकी अइसे आदमी हमर प्रभु येशू ख्रीष्टके नाए हएं पर अपने सरीरिक इच्छाके ताहीं सेवा करत हएं। और मिठी-मिठो शब्द और अच्छी बात करके निर्दोष आदमीनके धोखा देत हएं। अइसियए बे निर्दोष आदमीनके धोखा देत हएं।

रोमियों 6:17

तुम पापको कमैया होए करत रहओ, पर अब तुम बहे शिक्षन्के पालन करेहओ, जो तुमके मिलो। जहेमारे मए परमेश्वरके धन्यबाद करत हओं।

1 कोरिन्थी 1:18

जब आदमी जा सन्देश सुनत हएं, कि ख्रीष्टको मृत्यु क्रूसमे भओ, तओ बे मैसे कोइ-कोइ जा सोँचत हएं, कि जा सन्देश व्यर्थ हए। जौन आदमी अइसो सोँचत हएं बे नरक घेन जाएरहेहएं। पर हमरे ताहीं जौन बो सन्देशमे बिश्वास करत हए, जा परमेश्वरके आदमीनके अपनो शक्तिसे बचानको तरिका हए।

1 कोरिन्थी 16:22

अगर कोइ प्रभुसे प्रेम नाए करत हए कहेसे बो सरापित हए। हे हमर प्रभु, आबओ!

2 कोरिन्थी 11:13

काहेकी अइसे आदमी सच्चे चुनेभए चेला नाए हएं पर बे छल काम करन बारे हएं, और ख्रीष्ट येशूसे चुनेभए चेलानके भेष लैके नेँगन बारे इकल्ले हएं।

2 कोरिन्थी 11:15

उइसो हुइहए कहेसे शैतानके सेवक फिर परमेश्वरके अग्गु धर्मी सेवकके भेषमे देखा पणनो अचम्मोकी बात नाए हए। आखिरमे बिनके अपनो कामको फल भोगनए पणैगो।

2 कोरिन्थी 2:15

काहेकी हम ख्रीष्ट द्वारा परमेश्वरके ताहीं जलाओ भओ धुप कता हएं। और हमसे परचार भओ सन्देश उद्धार पाएभए और नाए पाएभए सब आदमीनमे फैलन डटो मिठो बासना कता हए।

2 कोरिन्थी 2:17

काहेकी तमान आदमी हानी हम परमेश्वरको बचन रुपैयाके ताहीं परचार नाए करत हएं, पर शुद्ध मनसे और ख्रीष्टको अधिकारसे हम परमेश्वरको बचन परचार करत हएं, जा जानके, कि परमेश्वर हमके देखन डटो हए।

इफिसियों 4:14

जहेमारे, अबसे हमके बच्चा कता नाए होन हए, और हम बे नैयाँके कता नाए होमएं जौनन्के लणुरा अग्गु-पच्छु ढकेलत हए और हबा इतएउतए घुमात हए। जाको अर्थ जा हए, कि चलाँख और ठगिया आदमी अब अपनी झुठी शिक्षासे हमके धोखा नाए दइपए हएं।

1 थेसलोनिकी 2:16

और अब बे, गैर-यहूदीनसे उनको उद्धारके ताहीं बात करनसे हमके रोकत हएं। बे अपने पापमे, पाप जोडतए जात हएं, अब अन्तमे परमेश्वर नेहात्तओ उनके दण्ड देन बारो हए।

2 थेसलोनिकी 2:12

और परमेश्वर बे सब आदमीनको न्याय करैगो, जो येशू ख्रीष्टको सच्चो सन्देशमे बिश्वास नाए करत हएं और दुष्टके कामके प्रेम करत हएं।

2 थेसलोनिकी 2:13

हे मेरे बिश्वासी ददाभइयओ, हमके लगातार परमेश्वरके धन्यबाद देन पणो काहेकी परमेश्वर तुमके प्रेम करत हए। काहेकी परमेश्वर संसारको सृष्टिसे पहिले तुमके चुनलै, ताकी तुमके बचाए पाबए। बा पबित्र आत्माके कामके द्वारा जो तुमके पबित्र बनातहए और तुमर द्वारा येशू ख्रीष्टके बारेमे सच्चो सन्देशमे बिश्वास करनके द्वारा उद्धार करैगो।

1 तिमोथी 2:4

परमेश्वर चाँहत हए, कि सबके सच्चाईको ज्ञान होबए, और बे आदमी मुक्ति पामएं।

हिब्रू 3:13

जब तक पबित्र-शास्त्रमे “आजको दिन” कहान बारी बात हए, तबतक हर दिन एक-दुस्रेनके हौसला देबओ। पाप तुमके धोखा नाएदेबए और तुमर ह्रदय कठोर नाए होबए।

2 पतरस 2:12

पर जे झुठे गुरु जंगली जानबर कता हएं। जे जानबर कैसे सोँचत हए करके नाए जानत हएं, और बे केबल पकणके मारन उदेश्यसे इकल्लो बने होत हएं। जे आदमी, जो बिनको दिमाकमे आत हए बहे करत हएं, और बे नाए बुझीभइ बातको फिर अपमान करत हएं। बे नेहात्तओ नष्ट होमंगे।

2 पतरस 2:18

जब बे आदमीनके सिखात हएं तओ बे बिना कामके और गर्बके सब्द इस्तमाल करत हएं। बे आदमीनके, अपन शरीरके चाहो भओ लाज लगन बारो काम करन सिखात हएं और बे आदमीनके फिरसे पाप करनके ताहीं धोखा देत हएं, जौन आदमी भर्खर दुष्ट जीबन शैलीके त्यागी हएं।