2 कोरिन्थी 6:8 - राना थारु नयाँ नियम

⁸ आदमी हमर प्रसंसा करनमे या बे हमके घृणा करनमे, आदमी दुस्रे जनैके हमर बारेमे अच्छे नाए हएं कहिके कहानएमे, हम इमान्दार हएं। पर बे कहात हएं कि हम झुटो हएं।

परमेस्वर को सच्चो वचन

⁸ आदर और निरादर से, निंदा और बड़ाँईं से। हमकै झूठो मानो जातो है, जबकी हम सच बोलथैं;

2 कोरिन्थी 6:8 交叉參考

मत्ती 10:25

चेला अपन गुरु जैसो होन जरुरी हए। और कमैया अपन मालिक जैसो होन जरुरी हए। अगर बे मालिकके सँग खराब ब्यबहार करके ‘शैतानको राजा’ कहात हएं, तओ बे मालिकके कमैयनके सँग फिर खराब ब्यबहार करंगे।”

मत्ती 22:16

बे अपन चेलनके, हेरोदी दलके आदमीनके सँग येशूके ठिन पठाइं। बे कहीं, “ए महान गुरु, हम जानत हएं, तुम सत्य हओ, और परमेश्वरको डगर सच्चो हए करके तुम सिखात हओ, और तुम कोइसे नाए डरात हओ, काहेकी तुम आदमीके मुँहुँ देखके काम नाए करत हओ।

मत्ती 27:63

“हजुर, हमके याद हए, कि बो ठगहा जिन्दा रहन पेती कही रहए, ‘मिर मरनके तीन दिन पिच्छु मए फिर जिन्दा हुइ जामंगो।’

मर्कूस 12:14

बे आएके येशूसे कहीं, “महान गुरु, हम जानत हएं, कि तए हमेसा सच्चो बतात हए, और तए जा बातसे नाए डरात हए, कि दुस्रे आदमी तिर बारेमे का सोँचत हएं। काहेकी तए सबके सँग बरोबर ब्यबहार करत हए। और परमेश्वरको डगर सच्चो तरिकासे सिखात हए। अब हमएं बता, का रोमको महाराजा कैसरके, कर देन हमर ब्यवस्थाके बिरुद्ध हए?

यूहन्ना 7:12

भिडमे भए बहुत आदमी येशूके बारेमे बात करत रहएं। कुइ कहात रहएं, “बा अच्छो हए।” और दुस्रे कहात रहएं, “नाए हए, बा त आदमीके भ्रममे पणात हए।”

प्रेरित 10:22

बे कहीं, “कप्तान कर्नेलियस, जो धार्मि, परमेश्वरसे डर मानन बारो और सारा यहूदी जातिसे सम्मान पाओ एक आदमी हए, बो एक पबित्र स्वर्गदूतसे जा हुकुम पाइहए, कि तोके अपने घर बुलाएके तोसे सन्देश सुनए।

प्रेरित 16:39

बे आएके पावल और सिलाससे माफी मागीं, और उनके जेलसे बाहिर लैजाएके “हमर सहर छोडके जाए देबओ” कहिके बिन्ती करीं।

प्रेरित 22:12

“हननिया कहान बारो एक जनै मोशाको नियम कानुन अनुसार चलन बारो धर्मी आदमी रहए, और जौन यहूदियामे बैठन बारे सब जनैनसे आदर पाओभओ रहए।

प्रेरित 24:5

काहेकी हम जा आदमीके इतएउतए दुख देत नेँगत, संसार भरके सारा यहूदीनके बीचमे हुलदङ्गा मचात और नासरत गाउँको धार्मिक सम्प्रदायको मुख्य अगुवाके रुपमे पाए हएं।

प्रेरित 28:22

पर तिर बिचार का हए, बहे हम तोसे सुनन चाँहत हएं। काहेकी हम जानत हएं, कि हरेक ठाउँमे जा ख्रीष्टियन समुहके बिरोधमे आदमी बात करत हएं।”

प्रेरित 4:21

बिनके सजाय देनके कोइ उपाए नाए हुइके बिनके औ जद्धा धमकाएके छोडदइं, काहेकी जो घटना घटो रहए बहेके ताहीं सब आदमी परमेश्वरके आदर करत रहएं।

प्रेरित 5:13

जौन अभएतक येशूमे बिश्वास नाए करी रहएं, बिन मैसे कोइके फिर बिनके सँग भेँटनके हिम्मत नाए होत रहए, तहुँफिर आदमी चुनेभए चेलनको प्रसंसा करत रहएं।

प्रेरित 6:3

जहेमारे हे बिश्वासी ददाभइया, तुमर बीचसे पबित्र आत्मा और ज्ञानसे भरेभए सात आदमीके चुनओ, जौनके बारेमे सबके पता हए। हम जा खान बारी बातको जिम्मा बिनके देमंगे।

रोमियों 3:8

कुछ आदमी जा कहिके हाम्रे उपर दोष लगान सिकत हएं, “आओ हम बुरे काम करएं, ताकी जासे अच्छाइ निक्रए।” जो आदमी मेरे बारेमे अइसियए बात कहात हएं, बे दण्ड पानके लायक हएं।

2 कोरिन्थी 1:18

परमेश्वर बिश्वासयोग्य भओ हानी, हम तुमसे जो बात कहात हएं बो बात सदा दिन सच्चो हए।

2 कोरिन्थी 11:21

का तुम सोँचत हओ, कि मए उइसो नाए करेके कारणसे मए लज्जित हओं? पर कोइ कुछु बातमे घमण्ड करत हए कहेसे, मए फिर बे बातमे घमण्ड करत हओं। हाँ, मए मुरख कता बोलरहो हओं।

2 कोरिन्थी 12:16

मए तुमसे आर्थिक मदत नाए मागो, जा ठिकए हए। पर औरे आदमी सोँचत हएं, कि मए चलाँकी करके तुमके धोखा दओ, जा झुठो हए।

2 कोरिन्थी 4:2

हम सरम लागन बारे काम और लुकी-छिपी करन बारो काम नाए करत हएं। हम छलकपट वा परमेश्वरको बचनमे मिलाओट करन बारो काम फिर नाए करत हएं। पर हम परमेश्वरके अग्गु सत्य इकल्लो सिखात हएं और जा सत्य हए कहिके हर आदमी गवाही देन सिकंगे।

1 थेसलोनिकी 2:3

काहेकी हमर सिखाओ भओ शिक्षा झुठो और खराब सोँच या कोइ छल नाए रहए।

1 तिमोथी 3:7

मण्डलीको रेखदेख करन बारे मण्डलीसे इकल्लो नाए, बल्कि मण्डलीसे बाहेर फिर आदर पाओभओ होन पणत हए। अइसो हुइहए कहेसे आदमीनके अग्गु बोको बेज्जत नाए हुइहए, और शैतानको फन्दामे नाए पणैगो।

1 तिमोथी 4:10

हम जा जीबन पानके ताहीं संघर्ष करत हएं और कडी मेहेनत करत हएं काहेकी हम जिन्दा परमेश्वरमे आसरा करत हएं जो सब आदमीनको मुक्तिदाता हए, और खास करके उनको मुक्तिदाता हए, जो बामे बिश्वास करत हएं।

हिब्रू 13:13

जहेमारे आबओ, बलिदानकी रिति-रिबाजके छोड देओ ताकी येशूके ठिन जाए पामएं। और जैसे बा बेज्जत सहो, उइसीयए हम फिर बेज्जत सहिके आदमी बैठन बारे ठाउँसे बाहिर बाके ठिन जाएं।

1 पतरस 4:14

अगर ख्रीष्टके नाउँमे तुमर बेइज्जत हुइगओ कहेसे तुम धन्यके हओ। काहेकी महिमाको परमेश्वरको आत्मा तुममे बास करीहए।

3 यूहन्ना 1:12

मण्डलीमे हर कोइ कहात हए, कि डेमेत्रियस एक अच्छो आदमी हए, काहेकी बो परमेश्वरको सत्य बचन अनुसार जीइत हए, और हम जा फिर कहात हएं, कि बो एक अच्छो आदमी हए, और तुम जानत हओ, कि हमर गवाही सत्य हए।

प्रकाश 3:9

बे आदमी जौन शैतानको एक समुहके सदस्य हएं, बे दाबी करत हएं कि बे यहूदी हएं पर बे सच्चे यहूदी नाए हएं और बे ठगरहे हएं। मए अइसो करंगो, कि बे आएके तेरे चरणमे पणके ढोगंगे। और मए तोके प्रेम करत हओं कहान बारी बात बे पता पामंगे।