2 कोरिन्थी 12:2 - राना थारु नयाँ नियम

² ख्रीष्टमे मए एक जनै आदमीके चिन्हत हओं, जो चौधा बर्ष अग्गु स्वर्गतक उठाओ लैगओ। जा घटना घटत पेती बो अभौफिर शरीरमे रहए कि नाए रहए कहिके सो मए नाए जानत हओं, पर परमेश्वर पक्का करके जानत हए।

परमेस्वर को सच्चो वचन

² मैं एक पक्के मसीह आदमी कै जानथौं, जौ चौदह साल पहले बाके सरीर कै उच्चतम स्वर्ग ले छीन लौ गौ रहै, मोकै नाय पता है कि जौ बास्तव मैं भौ रहै या का बाके पास एक नजरिया रहै, खाली परमेस्वर जानथै।

2 कोरिन्थी 12:2 交叉參考

लूका 24:51

और बिनके आशिष दइके उनसे अलग हुइगओ और स्वर्गमे उठाओ लैगओ।

यूहन्ना 6:56

मिर शरीर खान बारो और मिर बलिदानको खुन पिन बारो मोएमे रएहए, और मए बोमे रएहओं।

प्रेरित 14:6

पर पावल और बारनाबास जा बात सुनीं। तओ बे भागके लुकोनिया परदेशमे पणन बारो लुस्त्रा सहर, डर्बी और आसपिसके जिल्लामे भाग गए।

प्रेरित 22:17

यरूशलेम सहरसे आएके पिच्छु मन्दिरमे प्राथना करत पेती मए दर्शन देखो।

रोमियों 16:10

अपेल्लेसके, जो जा स्पष्ट करीहए, कि बो ख्रीष्ट प्रति कित्नो इमान्दार हए, बोके फिर नमस्कार हए। अरिस्तोबुलसको परिवारके नमस्कार हए।

रोमियों 16:3

येशू ख्रीष्टको काम करत पेती मेरे सँग काम करन बारे प्रिस्‍किला और बोक लोगा अकिलासके मिर नमस्कार हए।

रोमियों 16:7

भइया एन्ड्रोनिकस और बहिनीया युनियस जो मेरे यहूदी सँगी हएं, और मेरे सँग कैदी रहएं और ख्रीष्टसे चुनेभए चेला द्वारा बे बहुत सम्मानित हएं, और मए बिश्वासी बननसे पहिले बे बिश्वासी बने गए रहएं, उनके मिर नमस्कार हए।

रोमियों 16:9

उर्बानस, ख्रीष्टमे हमर सँगए-सँग काम करन बारो, और मिर प्यारो सँगी स्ताखुसके नमस्कार हए।

रोमियों 8:1

जहे कारणसे अब जो ख्रीष्ट येशूमे हएं, उनके उपर दण्डको आज्ञा नैयाँ।

1 कोरिन्थी 1:30

पर परमेश्वर तुमके येशू ख्रीष्टमे एकजुट बनाइ हए, और ख्रीष्टद्वारा परमेश्वर हमके अपनो बुद्धि दइ हए। परमेश्वर हमके अपनो नजरमे धर्मी फिर ठहिरात हए। ख्रीष्टके द्वारा हम सब पबित्र बनाए गए हएं, और बा हमके पापसे छुटकारा करत हए।

2 कोरिन्थी 11:11

मए तुमर रुपैया काहे नाए लैगओ? का मए तुमके प्रेम नाए करके अइसो करो? परमेश्वर जानत हए मए तुमके प्रेम करत हओं।

2 कोरिन्थी 13:5

तुम बिश्वासमे पक्के हओ कि नाए हओ कहिके अपनए-अपनएके जाँचके देखओ। अपनएके जाँचओ, कि तुमर बिश्वास सच्चो हए कि नाए हए। जाँचमे असफल नाएभए कहेसे येशू ख्रीष्ट तुमरमे हए करके तुमके पता होन रहए!

2 कोरिन्थी 5:17

जहेमारे अगर कोइ ख्रीष्टमे बिश्वास करत हए कहेसे बो नयाँ स्वभाब पाइहए। पुरानो बितिगओ हए, देखओ नयाँ स्वभाब आइगओ हए।

2 कोरिन्थी 5:21

ख्रीष्टमे पाप नाए रहए, परमेश्वरके नजरमे हम धर्मी बनन सिकएं कहिके ख्रीष्ट हमर पापको दण्ड लइ।

गलातियों 1:22

पर ख्रीष्टमे बिश्वासी जो यहूदिया परदेशके मण्डलीमे रहात रहएं, बे मोके कभु भेँटी नाए रहएं।

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

इफिसियों 4:10

और जहेमारे ख्रीष्ट तरे आओ, और बा बहे हए जो स्वर्गमे बडो पदमे जाएके बैठिगओ। ख्रीष्ट सब कुछ अपने उपस्थितिमे भरनके ताहीं अइसो करी।

1 थेसलोनिकी 4:17

तओ हम जो जिन्दा और बचे रहामंगे, हम फिर उनके सँग बादर उपर उठाए लैजामंगे। और हमर भेँट बादरमे प्रभु येशूसे हुइहए; और बो समयसे हम सदादिन प्रभुके सँग रहामंगे।

हिब्रू 4:14

स्वर्गमे जान बारो परमेश्वरको लौंणा येशू हए। बा हमर सबको सबसे भारी प्रधान यहूदी पुजारी हए। तभीमारे सब आदमीनके अग्गु ग्रहण करोभओ बिश्वासके थामके मजबुत होबओ।

हिब्रू 9:24

तभीमारे पृथ्वीमे भओ पबित्र ठाउँ त स्वर्गमे भओ पबित्र ठाउँको नमुना इकल्लो हए। ख्रीष्ट आदमीनको बनाओ भओ बो तम्भु भितर नाए गओ। पर हबए हमर ताहीं बा स्वर्गमे परमेश्वरके ठिन गओ हए।

प्रकाश 1:10

बिश्वासीनके ताहीं आराधनाके दिनमे परमेश्वरको आत्मा मिर उपर आओ और मए तुरहीको अबाज कता एक उँची अबाज अपने पच्छुसे आत सुनो।

प्रकाश 12:5

तओ बो बैयर, जम्मए जातिके लोहोको डण्डासे शासन करन बारो लौंणाके जन्म दइ, और बक लौंणाके खाए नाए पाइ। काहेकी बक लौंणाके तुरन्त छिनलओगओ और परमेश्वरको सिंहासनमे लाओगओ।

प्रकाश 4:2

परमेश्वरको आत्मा मिर उपर आओ। और मए स्वर्गमे एक सिंहासन देखो और सिंहासनमे कोइके बैठो देखो।