2 कोरिन्थी 11:23 - राना थारु नयाँ नियम

²³ का बे ख्रीष्टके सेवक हएं? मए ख्रीष्टको औ अच्छो सेवक हओं। पागल कता मए बत्कात रहत हओं। मए उनसे कहुँ जद्धा बन्दी बनाओ गओ हओं, अनगिन्ती पिटो गओ हओं, अक्सर मेरे प्राण संकटमे पणे हएं।

परमेस्वर को सच्चो वचन

²³ का बेईं मसीह की सेवा करन बारे हैं (मैं पागल हानी कहथौं) मैं उनसे अच्छो सेवक हौं! जद्धे मेहनत करन मैं; बार-बार कैद होन मैं; कोड़े खान मैं; बार-बार मौत के जोखिमन मैं।

2 कोरिन्थी 11:23 交叉參考

प्रेरित 14:19

पर कितने यहूदी, पिसिदिया परदेशको एन्टिओखिया सहर और आइकोनियन सहर आएके आदमीनके अपने घेन करलैं, और पावलके पत्थरसे मारीं। और मरो समझके बोके गाउँसे बाहिर घसिटत लैगए।

प्रेरित 20:23

इतकए इकल्लो जानत हओं, कि हरेक सहरमे कैद और कष्ट मिर उपर आत हए करके पबित्र आत्मा मोके गवाही देतहए।

प्रेरित 21:11

बो हमरे ठिन आएके पावलको फेँटा लैके अपन हात-टाँग बाँधके कहीं, “पबित्र आत्मा अइसे कहात हए, जा फेँटा जौन आदमीको हए, बोके यरूशलेम सहरमे यहूदी समुहके आदमी अइसियए करके बाँधंगे और गैर-यहूदीनके हातमे सौपदेहएं।”

प्रेरित 25:14

बे बहुत दिन कैसरिया सहरमे बैठके पिच्छु, फेस्तस पावलको मुद्दा राजाके अग्गु अइसे करके सुनाइ, “हाकिम फेलिक्स द्वारा थुनोगओ एक कैदी हियाँ हए,

प्रेरित 27:1

जब हाकिम फेस्तसके माध्यमसे जा पक्का हुइगओ, कि पानीजहाजसे हमके इटालिया परदेशको रोम सहरमे जानपणैगो, तओ बे पावल और औ बहुत कैदीन्के महाराज अगस्‍टसको सेनाको युलियस नाउँको कप्तानके जिम्मामे लगाए दइ।

प्रेरित 28:16

जब रोम सहरमे आएपुगे तओ पावलके सिपाहीको रेखदेखमे अपनो डेरा लैके बैठन दइं।

प्रेरित 28:30

अपनए भाणामे लओभओ बहे डेरामे पावल दुई सालतक बैठो। पावल अपनएके भेँटन आन बारेनके सबके स्वागत करत रहए।

प्रेरित 9:16

और मए बोके बतामंगो, कि आदमीनके मेरे बारेमे बात बतानके कारण बोके कैसे-कैसे दुख उठान पणैगो।”

रोमियों 8:36

जैसे पबित्र-शास्त्रमे लिखो हए, “तेरे ताहीं, हमके हर समय मृत्युको खतरा राहात हए, हम काटन तयार करोभओ भेंणा कता गिनेगए हएं।”

1 कोरिन्थी 15:10

मए एक परमेश्वरसे चुनो भओ चेला बनोगओ काहेकी परमेश्वर मिर ताहीं दयालु रहए। और बाको अनुग्रह मेरे जीबनमे प्रभावशाली हए। पर मए अन्य चुनेभए चेलनसे जद्धा मेहेनत फिर करो तहुँफिर जा मेरे घेनसे नाए भओ पर परमेश्वरको अनुग्रहमे मोके बाको काम करनमे मदत करी।

1 कोरिन्थी 3:5

अपोल्लोस कौन हए? पावल कौन हए? बे सेवक इकल्ले हएं, जोसे तुम ख्रीष्टमे भरोसा करे। हम मैसे सब आदमी बहे काम करे जो परमेश्वर हमके करनके ताहीं दइ।

1 कोरिन्थी 4:1

आदमीके, हमके ख्रीष्टको सेवक और परमेश्वरको लुको भओ सत्यके प्रकट करन बारो जिम्मेबारी सौँपो गओहए कहिके मानन पणत हए।

1 कोरिन्थी 4:11

हम आजको दिनतक भुँखे प्यासे और फटे-पुराने लत्ता पैँधे हएं, और पिटाइ खात हएं और हमरे ठिन घर फिर नाए हए।

1 कोरिन्थी 4:9

काहेकी मोके अइसो लागत हए, हम चुनेभए चेलनके परमेश्वर सबसे निचो ठाउँमे धरी हए। परमेश्वरए हमके बाके स्वर्गदूत और जा संसारके आदमी और आदमीनके अग्गु ज्यान सजाय पान बारे आदमीनके हानी तमासा बनाए।

2 कोरिन्थी 10:7

तुम बाहिरी रुपसे देखत हओ। कोइ आदमीके जा भरोसा हए कि बो ख्रीष्टको हए कहेसे, अपनएके याद दिलाबए, कि जैसो बो ख्रीष्टको हए, हम फिर ख्रीष्टके हएं।

2 कोरिन्थी 11:5

अगर बे अपनएके सबए येशूसे चुनेभए चेलनसे महान भओ कता ब्यबहार और काम करत हएं कहेसे मए फिर अपनएके उनही कता असल सोँचंगो।

2 कोरिन्थी 3:6

नयाँ करारको सेवक होन बा हमके खुबी दइ, जा पबित्र आत्माको करार हए, नियम कानुनको जुणो भओ करार नाए हए। काहेकी लिखो भओ बातके नाए माननको परिणाम मृत्यु हए पर पबित्र आत्मा अनन्त जीबन देतहए।

2 कोरिन्थी 4:11

काहेकी हम जिन्दा हएं तहुँफिर येशूके ताहीं सब दिन मृत्युके खतरामे हएं, ताकी येशूको जीबन हमर मरणसील शरीरमे प्रकट होबए।

2 कोरिन्थी 6:9

कोइ आदमी हमके नामी मानत हएं, पर कोइ आदमी हमके अन्जान मानत हएं। मरे कता होएसे फिर हम जिइए हएं, सजाय पाएसे फिर मारे नाए गए हएं।

गलातियों 6:17

अब कोइ मोके दुख नाए देए, काहेकी मेरे शरीरमे जो दाग हए, बे दाग जा दिखात हएं, कि मए येशूको एक चुनो भओ चेला हओं।

इफिसियों 3:1

जहे कारणसे, मए पावल, तुमर ताहीं प्राथना करत हओं। मए जेलमे हओं काहेकी मए ख्रीष्ट येशूके ताहीं काम करत हओं, जोकी गैर-यहूदीनके ताहीं अच्छो समाचारके परचार करनके हए।

इफिसियों 4:1

जहेमारे मए जो जेलमे हओं, काहेकी मए प्रभु येशूको सेवा करत हओं। और तुमसे बिन्ती करत हओं, कि बो बोलावटके सँग जोमे परमेश्वर तुमके अपनो सन्तान होनके ताहीं बुलाइ हए, बहे लायकको अनुसार अपन जीबन जीइबओ।

इफिसियों 6:20

जाके ताहीं मए साँकरसे बँधो एक राजदूत कता सेवा कररहो हओं। प्राथना करओ, कि जैसे मोके मस्कन चाहो, उइसीयए बिना डरसे अच्छो समाचारके परचार करपामओं।

फिलिप्पी 1:13

हियाँतककी रोमको महाराजाको दरबारके सबए सिपाही और सबए आदमीनमे जा प्रकट हुइगओ हए, कि मए जेलमे हओं, काहेकी मए ख्रीष्टको एक सेवक हओं।

फिलिप्पी 2:17

जब मए तुमके अच्छो समाचार सुनाओ, तओ तुम प्रभु येशूमे बिश्वासको बलिदान करे, और बाको सेवाके ताहीं अपनो जीबनके समर्पित करदए। जहेमारे, अगर मए मरंगो तहुँफिर मए तुमरसँग आनन्दित और खुसी रहामंगो।

कलस्सी 1:24

अब मए तुमर ताहीं, दुख भोगनमे खुसी मनामंगो, और आदमीके भोगन बारे दुख बहुत हएं, और ख्रीष्टको भोगो भओ दुख जैसो मए मण्डलीके ताहीं अपनो शरीरमे दुख भोगरहो हओं, जौनके पुरा करन जरुरी हए।

कलस्सी 1:29

जाके पुरा करनके ताहीं मए बहुत मेहेनत और संघर्ष करत हओं। बो शक्तिको प्रयोग करतए, जो शक्ति मोके ख्रीष्ट देतहए, और जौन शक्ति मोएमे काम करत हए।

1 थेसलोनिकी 3:2

और तिमोथी जो ख्रीष्टको अच्छो समाचारमे हमर भइया, और परमेश्वरको सेवक हए, बोके तुमर ठिन पठाए, कि बो तुमके बिश्वासमे मजबुत करए; और तुमर बिश्वासके बारेमे तुमके प्रोत्साहित करनमे मदत करए।

1 तिमोथी 4:6

अगर तए सब बिश्वासी ददाभइयनके लगातार जे बातको शिक्षा देतए रएहए कहेसे तए ख्रीष्ट येशूको एक अच्छो सेवक ठहिरैगो। और परमेश्वर तोके बिश्वास और अच्छो शिक्षाके माध्यमसे तालिम देबैगो, जौन शिक्षाके तए पालन करो हए।

2 तिमोथी 1:16

प्रभु ओनेसिफरसके घरानाके उपर दया करए, काहेकी बो मोसे भेँटनके आओ, और बहुत चोटी मोके हौसला दइ, और हियाँ जेलमे मोसे भेँट करनके ताहीं नाए सर्माइ।

2 तिमोथी 1:8

जहेमारे दुस्रे आदमीनके हमर प्रभु येशू ख्रीष्टके बारेमे बतानमे मत् सर्माबए, और तोके जा बातसे फिर सर्मानके नाए चाहो, कि मए ख्रीष्टको सेवा करनके कारण जेलमे हओं। बल्कि तोके बहे शक्तिके प्रयोग करनके चाहो जो परमेश्वर तोके देतहए, और अच्छो समाचारके ताहीं जो दुख मए सहत हओं बोमे तए मोके साथ देए।

2 तिमोथी 2:9

मए जेलमे एक अपराधी कता दुख सहिरहो हओं, काहेकी मए अच्छो समाचारको परचार करत हओं। पर कोइ फिर आदमी परमेश्वरको बचन परचार करनसे रोक नाए पाबैगो।

2 तिमोथी 3:11

आदमी मोके सताइं, जौनको कारण मए बहुत पिर सहो, और तए अइसे भयानक चीजके बारेमे जानत हए, जो आदमी मेरे सँग पिसिदिया परदेशको एन्टिओखिया सहरमे, आइकोनियन सहरमे और लुस्त्रा सहरमे सताइं और कैसे मए हुवाँ सतावटके सहो, और बे सबसे प्रभु मोके बचाइ।

हिब्रू 10:34

कैदीनके उपर तुम दया दिखाए, अपनो सम्पति लुटत पेती फिर आनन्दसाथ सहे, काहेकी तुम जानत रहओ, कि तुमर सँग अभौफिर परमेश्वरसे प्रतिज्ञा करेभए चीज हएं, जौन औ जद्धा उत्तम हएं और सदामानके ताहीं रहिरहामंगे।