2 कोरिन्थी 11:14 - राना थारु नयाँ नियम

¹⁴ और जा कोइ अचम्मोको बात नाए हए, काहेकी शैतान फिर परमेश्वरको महिमित स्वर्गदूतके भेष लैके धोखा दइ रहए।

परमेस्वर को सच्चो वचन

¹⁴ और जौ अचम्मो होन बारी बात नाय है! सैतान खुदै ज्योतिर्मै स्वर्गदूत को रूप धरथै!

2 कोरिन्थी 11:14 交叉參考

2 कोरिन्थी 11:3

पर जैसे शैतान साँपके रुपमे अपनी चलाँकीसे पहिले बैयर हव्वाके छली, उइसीयए ख्रीष्ट घेनको तुमर निष्कपट और बाको सेवासे तुमर बिचार भ्रममे पणहएं कि कहिके मोके डर लागो हए।

2 कोरिन्थी 2:11

ताकी शैतान हमर उपर मौका नाए पाबए, काहेकी हमके पाप करन लगान बारो सबए योजना बोके पता हए।

गलातियों 1:8

पर अगर हम मैसे एक या स्वर्गसे तरे आओ भओ एक स्वर्गदूत फिर आएके हमर सुनाओ भओ अच्छो समाचारके बाहेक कोइ दुस्रो मेलको अच्छो समाचार सुनाबैगो कहेसे परमेश्वर उनके सदाकालको दण्ड देबैगो।

इफिसियों 6:12

काहेकी हमर जा युद्ध आदमीनके बिरुद्ध नाए लडरहे हएं पर अधिकारीन्से और जा संसारके अन्धकारके सासकन्से और खराब आत्मिक शक्तिन्से हए, जो बादरमे हए।

कलस्सी 1:12

और दौवा परमेश्वरके धन्यबाद करत रहाबओ, और स्वर्गके राज्यमे बाको पबित्र आदमीनके मिलन बारो चीज तुमके फिर मिलन बारो लायक बनाइ हए।

कलस्सी 1:13

काहेकी बा हमके शैतानके शक्तिसे छुणाएके अपनो प्रिय लौंणाके राज्यमे लाइ हए।

प्रकाश 12:9

जहेमारे अजिंगर और बक अधिनमे आन बारेनके पृथ्वीमे फेँको गओ। जा बडो अजिंगर बहे हए, जो बहुत समय पहिले साँपके रुपमे दिखाइ दइ रहए, जोसे शैतानको दूत या दोष लगान बारो फिर कहोजात हए। जा बहे हए जो जा संसारके आदमीनके धोखा देत आओ हए।