2 कोरिन्थी 10:7 - राना थारु नयाँ नियम

⁷ तुम बाहिरी रुपसे देखत हओ। कोइ आदमीके जा भरोसा हए कि बो ख्रीष्टको हए कहेसे, अपनएके याद दिलाबए, कि जैसो बो ख्रीष्टको हए, हम फिर ख्रीष्टके हएं।

परमेस्वर को सच्चो वचन

⁷ तुम चीजन कि बाहरी उपस्थिति कै देखरै हौ। का कोई ऐसो आदमी है जो खुदकै या खुदकै मसीह से संबंधित मानथै? ठीक है, उनकै फिर से अपने बारे मैं सोचन देमैं, काहैकि हम मसीह के उतनोई हैं जितने बे करथैं।

2 कोरिन्थी 10:7 交叉參考

मत्ती 23:5

बे अपन सब काम आदमीनके दिखानके ताहीं करत हएं, काहेकी बे अपन माथो और हातमे मोशाको नियम कानुन लिखो पट्टी बाँधत हएं, और अपन लत्तामे लम्बो झालर बनात हएं।

लूका 16:15

येशू बिनसे कही, “तुम अपनएके आदमीनके अग्गु सही दिखातहओ, पर परमेश्वर तुमर मनके जानत हए, काहेकी जो चीज आदमीनको नजरमे खास मानो जाबैगो, बो चीज परमेश्वरको नजरमे तुच्छ मानो जाबैगो।

यूहन्ना 7:24

आदमीके देखके न्याय मत् करओ, बल्कि ठिक-ठिक तरिकासे न्याय करओ।”

1 कोरिन्थी 1:12

मिर कहानको मतलब जा हए, कि तुम मैसे कोइ त अपनएके “मए पावलको चेला हओं,” कोइ “मए अपोल्लोसको चेला हओं,” कोइ “मए केफासको चेला हओं” और कोइ “मए ख्रीष्टको चेला हओं” कहात हओ।

1 कोरिन्थी 14:37

अगर कोइ आदमी अपनएके अगमबक्ता या पबित्र आत्मकी योग्यता दओगओ आदमी सम्झत हए कहेसे बो जानलेबए, कि जो बात मए तुमके लिखत हओं, बे परमेश्वरको आज्ञा हए।

1 कोरिन्थी 15:23

पर हर आदमी एक ठिक क्रम अनुसार जिन्दा करोजाबैगो; ख्रीष्ट पहिलो आदमी रहए जोके जिन्दा करोगओ; फिर जब ख्रीष्ट लौटके आबैगो तओ बे सब जो ख्रीष्टमे हएं, उनके फिरसे जिन्दा करोजाबैगो।

1 कोरिन्थी 3:23

और तुम ख्रीष्टके अधिकारके अधीनमे हओ, और ख्रीष्ट परमेश्वरके अधिकारके अधीनमे हए।

1 कोरिन्थी 9:1

जो कुछ मए करन चाँहत हओं, बोके करनके ताहीं मए स्वतन्त्र हओं। मए चुनो भओ चेला हओं, मए हमर प्रभु येशूके देखो हओं। तुम प्रभुके ताहीं बनाए गए मिर सेवाको परिणाम हओ।

2 कोरिन्थी 10:1

मए पावल, तुमर अग्गु नम्र हओं, पर जब दुर होत हओं तओ तुमर ताहीं सहासी होत हओं! ख्रीष्टको नम्रता और दयामे मए तुमसे बिन्ती करत हओं।

2 कोरिन्थी 11:18

बहुतसे जा संसारके आदमीन कता घमण्ड करेके कारणसे मए फिर घमण्ड करत हओं।

2 कोरिन्थी 11:23

का बे ख्रीष्टके सेवक हएं? मए ख्रीष्टको औ अच्छो सेवक हओं। पागल कता मए बत्कात रहत हओं। मए उनसे कहुँ जद्धा बन्दी बनाओ गओ हओं, अनगिन्ती पिटो गओ हओं, अक्सर मेरे प्राण संकटमे पणे हएं।

2 कोरिन्थी 11:4

कोइ आएके, तुम हमर द्वारा परचार करोभओ येशू बाहेक और दुस्रो येशूके परचार करे कहेसे, वा तुम पाए भए आत्मा बाहेक और दुस्रो आत्मा ग्रहण करे कहेसे, वा तुम उत्सहापूर्वक पाए भए अच्छो समाचार बाहेक और दुस्रो कोइ अच्छो समाचार ग्रहण करे कहेसे, तुम बो शिक्षा ग्रहण करके गल्ती करैगे।

2 कोरिन्थी 12:11

मए मुरख भओ हओं। तुम मोके अइसे करनके कर लागए, काहेकी तुमरसे त मिर प्रसंसा होनके रहए। काहेकी मए कछु लायकको नाए होएसे फिर सर्वोच्च चुनेभए चेलनसे मए तुच्छ नैयाँ।

2 कोरिन्थी 13:3

मए जा कहात हओं, काहेकी तुम जा बातको सबुत मागत हओ, कि ख्रीष्ट मिर माध्यमसे मस्कत हए। जब ख्रीष्ट तुमके सुधारत हए तओ बा कमजोर नाए होत हए, बरु बा तुमर बीचमे अपन शक्ति दिखात हए।

2 कोरिन्थी 5:12

तहुँफिर हम अपनो तारिफ तुमर अग्गु नाए करत हएं, बल्कि हम अपने बारेमे तुमके गर्व करनको मौका देत हएं। ताकी तुम उनके जबाफ दइ पाबओ, जो आदमीके ह्रदयके बातमे नाए, पर बाहिरी काममे घमण्ड करत हए।

गलातियों 3:29

और काहेकी तुम ख्रीष्टके सँग एक हओ, अब तुम अब्राहामके परिवारको हिस्सा हओ, और तुम परमेश्वरसे प्रतिज्ञा करो भओ आशिषके हकदार बनिगए हओ।”

1 यूहन्ना 4:6

हम परमेश्वरके हएं। जो परमेश्वरके जानत हए बो हमर बात सुनत हए; जो परमेश्वरके नाए जानत हए, बो हमर बात नाए सुनत हए; अइसियए हम सच्चो बोलन बारो आत्माके और झुठो बोलन बारो आत्माके पहिचान करसकत हएं।