2 कोरिन्थी 1:7 - राना थारु नयाँ नियम

⁷ और तुमर ताहीं हमर आसरा मजबुत हए। काहेकी हम जानत हएं, कि जैसी तुम हमर दुखमे सहभागी हओ, अइसियए हमर सान्त्वनामे फिर तुम सहभागी होबैगे।

परमेस्वर को सच्चो वचन

⁷ और हमरी आसा तुमरे बारे मैं मजबूत है: हम जानथैं कि जैसे तुम हमरे दुखन मैं भागीदार हौ, बैसिये दिलासा देन मैं भी संग हौ।

2 कोरिन्थी 1:7 交叉參考

मत्ती 23:30

और कहात हओ, ‘अगर हम अपन पुर्खनके समयमे हुइते तओ हम अगमबक्तनको खुन बहानमे उनके सँग सहभागी नाए हुइते।’

1 कोरिन्थी 10:13

पाप करनको इच्छा हम सबके ठिन जरुर आत हएं, पर परमेश्वर बिश्वासयोग्य हए: काहेकी परमेश्वर तुमर ताहीं अइसो एकौ परीक्षा नाए देहए, जो परीक्षामे तुम लणनमे सक्षम नाए होओ। बल्कि परमेश्वर तुमके शक्ति देबैगो, ताकी तुम पापसे बचनमे सक्षम रहाओ।

2 कोरिन्थी 1:14

उइसीयए हमर प्रभु येशू लौटके आबैगो तओ तुम हमके पुरा रुपमे बुझैगे, और हम तुमर बारेमे घमण्ड करे हानी तुम फिर हमर बारेमे घमण्ड करपाबैगे।

2 कोरिन्थी 12:20

काहेकी मोके डर हए, कहुँ अइसो नाए होए, कि मए आएके जैसो चाँहत हओं, उइसो तुमके नाए पामओं। और मोके फिर जैसो तुम नाए चाँहत हओ उइसीयए पाबओ। मोके डर हए, कि तुममे लडाइ, डाह, क्रोध, स्वार्थ, बिजरो, चुग्ली, घमण्ड और गोलमाल हुइ सकत हए।

2 कोरिन्थी 7:9

पर अब तुमके दुख भओ कहिके मए खुसी नाए भओ हओं, पर तुमर दुख तुमके पाप करन छोडके परमेश्वर घेन घुमाइ जहेमे मए खुसी भओ हओं। काहेकी तुम परमेश्वरको इच्छा अनुसार दुख भोगे और हमर तरफसे तुमके कुछु नुक्सानी सहन नाए पणो।

2 तिमोथी 2:12

अगर हम ख्रीष्टके ताहीं दुख सहात हएं, तओ हम बाके सँग राजा कता राज्य फिर करंगे; पर अगर हम बाके जाननसे इन्कार करंगे कहेसे ख्रीष्ट फिर हमके इन्कार करैगो।

2 तिमोथी 3:11

आदमी मोके सताइं, जौनको कारण मए बहुत पिर सहो, और तए अइसे भयानक चीजके बारेमे जानत हए, जो आदमी मेरे सँग पिसिदिया परदेशको एन्टिओखिया सहरमे, आइकोनियन सहरमे और लुस्त्रा सहरमे सताइं और कैसे मए हुवाँ सतावटके सहो, और बे सबसे प्रभु मोके बचाइ।

याकूब 1:12

बे आदमी धन्यके हएं, जो परीक्षामे स्थिर रहात हएं, काहेकी बे इमान्दार साबित होत हएं, और बे कभी फिर अन्त नाए होन बारो जीबनको मुकुट पामंगे, जौनको प्रतिज्ञा परमेश्वर बे सबके दइहए, जो परमेश्वरसे प्रेम करत हएं।

प्रकाश 1:9

मए यूहन्ना, तुमर सँगी बिश्वासी हओं, और येशूसे मिर एकता भओके कारण मए तुमर सँग परमेश्वरको राज्यमे, सरे दुखमे और उनके सहानकी शक्तिमे सहभागी हओं, मोके पत्मोस टापूमे पठाओ गओ रहए, काहेकी मए परमेश्वरके बचनके और येशू द्वारा प्रकट करोगओ सच्चाईके परचार करत रहओं।