1 तिमोथी 5:5 - राना थारु नयाँ नियम

⁵ जौन बिधुवनके ठिन उनको जरुरी पुरा करनके ताहीं और उनको रेखदेख करनके ताहीं कोइ नाए हए, बे परमेश्वरमे इकल्लो अपन आसरा करत हए। और रातदिन बे बिन्ती और प्राथना करके परमेश्वरसे अपने ताहीं मदत मागत हएं।

परमेस्वर को सच्चो वचन

⁵ एक बिधवा, जो अकेली है, बाकी देखभार करन बारो कोई नाय है, और बौ परमेस्वर मैं अपनी आस रखथै और रात-दिन बाकी मदत के ताहीं प्रार्थना करत रहथै।

1 तिमोथी 5:5 交叉參考

लूका 18:1

हमेसा परमेश्वरसे प्राथना करन पणतहए और दुखी नाए होन पणत हए कहिके येशू अपन चेलनके बुझानके ताहीं अइसे कहानी कही:

लूका 18:7

परमेश्वर अपन चुनेभए आदमीनके न्याय करदेबैगो जो बाके अग्गु दिन-रात रोत हएं। बा बिनको मदत करनमे देर नाए करैगो।

लूका 2:37

तओ बिधुवा रहिके बो चौरासी बर्ष पुग्गइ हए। बो यरूशलेमको मन्दिरके कभु नाए छोडत रहए, पर उपवास और प्राथनाके सँग रात दिन आराधना करत रहए।

प्रेरित 26:7

हमरे बाह्र कुल जा आसरा प्राप्त करनके दिनरात एकए मनसे परमेश्वरके आराधना करत हएं। हे राजा अग्रिपास, जहे आसराके ताहीं यहूदी मोके दोष लगात हएं।

प्रेरित 6:1

बे दिनन्मे चेलनको संख्या बढतए गओ, तओ हिब्रू भाषा मस्कन बारे आदमीनके बिरुद्धमे ग्रीक भाषा मस्कन बारे यहूदी चेला गनगन करन लागे, कि प्रत्येक दिन खान बारी चीज बाँटत पेती बिनके बिधुवनको वास्ता नाए भओ।

प्रेरित 9:39

तओ पत्रुस उठके बिनके सँग गओ। हुवाँ पुगके बे बोके उपरके तल्लामे लैगए। और सबए बिधुवा बिनके ढिँगै ठाणके रोन लागीं। बो बिधुवा, पत्रुसके बे सब कुर्ता दिखाइ, जौन लत्ता डोरकास जिन्दा रहात पेती बनाइ रहए।

प्रेरित 9:41

पत्रुस बो लौंणीयाके अपन हातसे पकणके उठाइ, और पबित्र आदमीनके और बिधुवनके बुलाएके उनके दिखाइ, कि डोरकास मरे मैसे जिन्दा हुइगइ हए।

रोमियों 1:12

मिर कहानको अर्थ जा हए, कि मए तुमके प्रोत्साहित करनमे मदत करपामओं और तुम मोके प्रोत्साहित करनमे मदत करपाबओ। तुम पक्को हुइ जाबैगे काहेकी तुम जनत हओ, कि मए कैसे बिश्वास करत हओं, और मए पक्को हुइ जांगो काहेकी मए जानत हओं, कि तुम कैसे बिश्वास करत हओ।

रोमियों 1:5

ख्रीष्टके द्वारा मोके अनुग्रह और चुनेभए चेलाको काम परमेश्वर दइ, ताकी बाको नाउँको कारण सबए जातिके आदमी ख्रीष्टको अच्छो समाचारमे बिश्वास करएं और बाको आज्ञापालन करएं।

1 कोरिन्थी 7:32

मिर इच्छा हए, कि तुम संसारको जीबनकी अभिलाषासे मुक्त रहाओ। परमेश्वरको सेवा कैसे करएं कहान बारी बातमे अबिबाहित पुरुष चिन्तामे रहात हए, कि प्रभुके कैसे खुसी करएं।

1 कोरिन्थी 7:34

जहेमारे दुई चीज हएं जौनके बारेमे बो सोँचत हए, कि बो परमेश्वरके कैसे खुसी करए और कैसे बो अपनी बैयरके खुसी करए। उइसीयए जौनकी मँगनी हुइगओ हए बो बैयरमे फिर भेद हए: अबिबाहित स्त्री परमेश्वरको सेवा कैसे करएं कहान बारी बातमे चिन्तामे रहात हए, कि बो शरीर और आत्मा दुनौमे प्रभुके खुसी करन बारी बनए। पर बिबाहित जा संसारके चिजनके बातमे चिन्तामे रहात हए, कि कैसे अपनो लोगाके खुसी करए।

इफिसियों 6:18

और हमके उइसीयए प्राथना करन चाहो जैसे पबित्र आत्मा हमके अगुवाई करत हए। और जगतए रहाओ और पबित्र आदमीनके ताहीं लगातार प्राथना करओ।

फिलिप्पी 4:6

कोइ बातमे चिन्ता मत् करओ, पर सब परिस्थितिमे तुमर निबेदन, प्राथना और बिन्तीद्वारा परमेश्वरके धन्यबाद देओ।

1 तिमोथी 2:1

सबसे पहिले मए जा कहात हओं, कि बिन्ती, प्राथना, निबेदन और धन्यबाद सब आदमीनके ताहीं करे जामएं।

1 तिमोथी 5:16

अगर कोइ बिश्वासी बैयर घरमे बिधुवा होएं कहेसे उनको मदत बो अपनए करए। ताकी बोको बोझ मण्डलीमे नाए पणए, और मण्डली बे बिधुवानके मदत कर करपामएं, जौन बिधुवनके नेहात्तओकमे जरुरी हए।

1 तिमोथी 5:3

जो नेहात्तओ बिधुवा हए बिनके आदर दिखा, जौननके ठिन उनको जरुरत पुरी करनके ताहीं और उनकी रेखदेख करनके ताहीं कोइ नाए हए।

2 तिमोथी 1:3

मए परमेश्वरके धन्यबाद देत हओं, जौनको मए और मेरे पुर्खा शुद्ध बिबेकसे सेवा करेहएं। जब फिर मए प्राथना करत हओं, तओ मए तिर नाउँ हमेसा याद करत हओं।

1 पतरस 3:5

काहेकी अइसियए ब्यबहार बहुत अग्गुके बैयर आदमीनमे रहए, जौनको जीबन पबित्र रहए और जो परमेश्वरमे आसरा करत रहएं। बे बैयर सुन्दर भइं, काहेकी बे अपनो लोगाके अधिनमे बैठीं।