1 तिमोथी 2:8 - राना थारु नयाँ नियम

⁸ मए चाँहत हओं, कि हर ठिहा जब तुम परमेश्वरको आराधना करनके ताहीं जमा होत हओ, तओ बे लोग जो पबित्र जीबन जीइत हएं अपने हातके उठाएके बिना दिक्क और बिना बिबाद करे प्राथना करएं।

परमेस्वर को सच्चो वचन

⁸ हर एक कलीसिया सेवा मैं होमैं मैं चाहथौं, बे आदमी जो परमेस्वर कै समर्पित हैं, बे आदमी हर जघा बिना गुस्सा और तर्क के पवित्र हातन कै उठाएकै प्रार्थना कर सकथैं।

1 तिमोथी 2:8 交叉參考

मत्ती 21:21

येशू जबाफ दइके बिनसे कही, “नेहात्तओ, मए तुमसे कहात हओं, तुमरमे बिश्वास हए और कभु शंखा नाए करैगे कहेसे अञ्‍जीरको रुखाके जो करोगओ हए इत्कए इकल्लो नाए, पर जा डँगाके फिर ‘उखणके समुन्दरमे गिर’ कएहओ तओ बहे हुइजएहए।

मत्ती 5:44

पर मए तुमसे कहात हओं, अपन दुस्मनके अपनए कता प्रेम करओ, और तुमके सतान बारेके ताहीं परमेश्वरसे प्राथना करओ,

मत्ती 6:12

हमर पाप क्षमा करियओ, जैसी हम अपन अपराधीन्के पाप क्षमा करेहएं, बे जौन हमर बिरुद्धमे गलत काम करी हएं।

लूका 23:34

तओ येशू कही, “हे दौवा, यिनके क्षमा करीयओ, काहेकी जे का करत हएं सो नाए जानत हएं।” तओ बे बाको कुर्ताके बाँट लगाएके चिट्टा डारीं।

लूका 24:50

तओ येशू चेलनके सहरसे बाहिर बेथानिया गाउँके ढिँगै लैगओ, और अपन हात उठाएके बिनके आशिष दइ;

यूहन्ना 4:21

येशू बोसे कही, “ए बैयर, मिर बातमे बिश्वास कर, बो बेरा आएरहो हए, तुम नए त जा पहाडमे, नए यरूशलेम सहरमे परमेश्वरको आराधना करैगे।

प्रेरित 10:2

बो परमेश्वरको आराधना करत रहए, बो और बोको अपनो सारा परिवार समेत परमेश्वरको डर मन्त रहएं। और गरीब आदमीनके बहुत दान देत रहएं और घरी-घरी परमेश्वरसे प्राथना करत रहएं।

प्रेरित 10:31

‘ए कर्नेलियस, परमेश्वर तेरो प्राथना सुनी हए और तए गरीबनके करोभओ दानको कामके याद करीहए।

प्रेरित 10:4

कर्नेलियस स्वर्गदूतके ध्यानसे देखी और डराएके कही, “का आज्ञा हए प्रभु?” बा कर्नेलियससे कही, “तेरे प्राथना और तेरे दान स्मरणके ताहीं परमेश्वरको अग्गु पुग्गए हएं।

प्रेरित 21:5

हुवाँ पर हम, सात दिनके पिच्छु नेँगनको बेरा भओ, तओ हम बिदा हुइके अपन यात्रामे निकरे। अपन जहाज और बालबच्चा समेत बे जम्मए हमके सहर बाहिर तक पुगान आए। तओ हम समुन्दर किनारे घुँटो टेकके प्राथना करे, और एकदुस्रेसे बिदा भए।

प्रेरित 7:60

बो घुँटो टेकके जोडसे चिल्लाएके कही, “हे प्रभु, जा पापके ताहीं उनके क्षमा करदेओ।” इत्का कहिके बो अपन प्राण त्याग दइ।

1 कोरिन्थी 1:2

मए जा चिट्ठी तुमके पठाएरहो हओं, जो कोरिन्थ सहरमे भए परमेश्वरके मण्डली हएं, अर्थात् हम जे बात लिखत हएं, जौनके परमेश्वर अपने आदमीनके रुपमे अलग करीहए। बा तुमके ख्रीष्ट येशूमे एकजुटमे बाँधी हए, और बा तुमके पबित्र आदमी होनके बुलाइ हए; उइसीयए, जैसे परमेश्वर औ सब आदमीनके छानी हए, जौन हमरे ठिहामे हमर प्रभु येशू ख्रीष्टको सेवा करत हए, काहेकी बा हमर सबको प्रभु हए।

1 कोरिन्थी 7:7

मए जा चाँहत हओं, जैसेकी मए अबिबाहित हओं, उइसीयए सब आदमी होएं; पर हरेक आदमीके परमेश्वरसे खास बरदान मिलो हए; परमेश्वर कुछ आदमीनके बेहा करनको बरदान देतहए और कोइ आदमीनके बेहा नाए करनको बरदान देतहए।

2 कोरिन्थी 2:14

पर परमेश्वरके धन्यबाद होए, काहेकी हमर ख्रीष्ट सँगको सम्बन्धके मारे, परमेश्वर रोज हमके ख्रीष्टके सँग डुरीयात हए। और अब बा हमके मिठो बासना आन बारो धुप कता सब ठाउँमे ख्रीष्टको ज्ञान फैलानके प्रयोग करत हए।

फिलिप्पी 1:12

हे मेरे बिश्वासी ददाभइयओ, मए चाँहत हओं, कि तुम जा जान लेबओ, कि मोए जो भोगो हओं, बो बहुतसे आदमीनके ताहीं अच्छो समाचारमे बिश्वास करनको कारण बनो हए।

1 थेसलोनिकी 1:8

काहेकी तुमर हियाँसे केबल माकेडोनिया परदेश और अखैया परदेशमे इकल्लो प्रभुको बचन नाए सुनाओ गओ, पर हर ठाउँमे जहाँ हम जात हएं, हुवाँ हम आदमीनके, परमेश्वरमे भओ तुमर बिश्वासके बारेमे हमके बतात पात हएं। जहेमारे, हम दुस्रे जनैनके तुमर बारेमे कुछ फिर बतानको जरुरी नाए हए।

1 तिमोथी 5:14

जहेमारे मए जा चाँहत हओं, कि जवान बिधुवा बेहा करएं; और बालका जन्मामएं और घरबार सम्हारएं, और कोइ बिरोधीके बदनाम करनको मौका नाए देएं।

तीतुस 3:8

जा एक सच्ची कहानी हए, जो मए हबए तोके बताओ हओं। और मए चाँहत हओं, कि तए जे बातके बारेमे पक्का रुपसे बिश्वासीके सिखा, जाकेमारे कि जौन परमेश्वरमे बिश्वास करीहए, ताकी बे अच्छे काम करनके ताहीं अपनो समय देनमे ध्यान लगामएं। जा शिक्षा सबके ताहीं अच्छी हए, और फाइदा बाली बात हए।

हिब्रू 10:22

बा अपनो खुन द्वारा हमर मनके पबित्र बनाइ, ताकी हमके पता होबए, कि हम अब दोषी नाए हएं। बा हमके पबित्र बनाइ हए कहिके दिखानके ताहीं हमर शरीरके पानीमे धोइ। बहेमारे मेरे भइयओ, अपने पुरा मन और मजबुत बिश्वाससे परमेश्वर ठिन जामएं।

याकूब 4:8

परमेश्वरके ढिँगै आबओ, तओ बा फिर तुमर ढिँगै आबैगो। हे पापीउ, अपने जीबनसे पापके दुर करओ, और बे आदमी जौन दुई मन बारे हएं, अपने हृदयके पबित्र करओ।

1 पतरस 3:7

लोग आदमी, उइसी करके अपनी बैयर सँग मिल्के बैठओ, और कैसे बिनके मदत करएं कहिके बिचार करओ। और तुमके जा याद करन पणैगो, कि बे तुमसे जद्धा कमजोर हएं, जहेमारे तुमए बैयरनको सम्मान करन पणत हए। काहेकी परमेश्वर जो तुम दुनएके अनुग्रहसे दइ हए बो बरदानमे साझेहकदार हओ, जो अनन्त जीबन हए। अइसे करओ ताकी जब तुम परमेश्वरसे प्राथना करओ परमेश्वर बो प्राथनाके सुनपाबए।