1 तिमोथी 1:20 - राना थारु नयाँ नियम

²⁰ उन्हीं मैसे हुमेनियस और अलेक्जेन्डर हएं, जौनके मए मण्डली मैसे बाहिर करदओ हओं। और उनके शैतानके शक्तिके हातमे सौँप दओ हओं। ताकी बे सिखएं कि परमेश्वरके बारेमे बदनाम नाए करन पणत हए।

परमेस्वर को सच्चो वचन

²⁰ उन्हईं मैं से हुमिनयुस और सिकन्दर हैं, जिनकै मैं सैतान के हाथ मैं सौंप दौ, कि बे बुराई करनो ना सीखैं।

1 तिमोथी 1:20 交叉參考

मत्ती 18:17

अगर बो, बिनकी बात फिर नाए मानए, तओ मण्डलीसे कहिदेओ। अगर बो, मण्डलीकी बात फिर नाए मानए तओ, बोकेसँग उइसी तरिकासे ब्यबहार करओ जैसी तुम कोइ गैर-यहूदीसे या कर उठान बारेके सँग करत हओं।”

प्रेरित 13:45

पर यहूदी अगुवा भिडनके देखके दिक्कसे भरीगए और पावलको बत्काओ भओ बातके बिरोध करतए उनको बदनाम करन लागे।

प्रेरित 19:33

तओ भिड मैसे कुछ आदमी अलेक्जेन्डरके अग्गु बढाइं, जौनके यहूदी खडा करी रहएं। भिडसे कित्ने आदमी चिल्लातए बोके हुइरहो घटनाके बारेमे बताइं। बो हातके इसारासे सबके शान्त करके आदमीनके अग्गु अपन बारेमे कुछ मस्कन खोजि।

1 कोरिन्थी 11:32

पर अगर प्रभु हमके अइसियए दण्डित कर रहो हए कहेसे बा हमके सुधार रहो हए, ताकी न्यायके दिनके द्वारा हमके संसारके आदमीनके सँग दोषी नाए ठहिराबए।

2 कोरिन्थी 10:6

जब तुम झुठा शिक्षनके इन्कार करैगे, और मोके अगुवा मनके मदत करे कहेसे और मूर्तिपुजा नाए करे कहेसे तुम ख्रीष्टमे पुरा आज्ञाकारी होबैगे। और जब जे बात पुरा होमंगे तओ आज्ञा नाए मानन बारे आदमीके दण्ड दओ जाबैगो।

2 कोरिन्थी 13:10

तहिमारे मए तुमके जा बात लिखरहो हओं, जब मए अग्गु आओ रहओं ताकी प्रभु मोए तुमके दण्ड देन अधिकार दइ हए कहिके मए तुमके दिखाए पामओं। काहेकी मए अपनो अधिकार प्रयोग करके तुमके बिश्वासमे मजबुत बनान चाँहत हओं, तुमर नाश करन नाए चाँहत हओं।

2 थेसलोनिकी 3:15

तहुँफिर बोके उपर अइसो काम मत् करओ जैसे तुम एक दुस्मनके उपर करत हओ। पर एक सँगी बिश्वासीके बराबर बोके चेतावनी देओ, कि जो बो करीहए अबसे उइसो नाए करए।

1 तिमोथी 5:15

मए अइसो जाकेमारे कहिरहो हओं, काहेकी कुछ बिधुवा पहिलीएसे परमेश्वरको आज्ञाके पालन नाए करिहएं, और बोके कारण बे शैतानको अनुसरण करन सुरु करदइ हएं।

2 तिमोथी 2:14

जे बातके अपने बिश्वासीनके घरी-घरी सिखा, जो मए तोके बताओ हओं। और परमेश्वरके एक साक्षीके रुपमे धरतए तोके उनके चेतावनी देन चाहो, कि बे शब्दके अर्थके बारेमे बिबाद नाए करएं। जे प्रकारके बिबाद कोइके मदत नाए करत हए। बल्कि जा बेहीं आदमीनको बिश्वासके नुक्सान पुगात हए, जो जाके सुन्तहएं।

2 तिमोथी 2:17

उनके बात फैल जामंगे और अन्तमे बे आदमीनको बिश्वासके नाश करदेमंगे, जैसे एक खुल्ला रुपमे रहो भओ दुखौनो फैलत हए, और दुस्रो आदमीके संक्रमण करत हए। उन मैसे हुमेनियस और फिलेतस उइसियए हएं।

2 तिमोथी 3:2

काहेकी आदमी सिरफ अपनएके माया करंगे, धनको लोभ करंगे, अपनएके बडे सम्झंगे, घमण्डी होमंगे, औरेन्के बदनाम करन बारो शब्द मस्कंगे, अइयादौवाको आज्ञा नाए मानंगे, धन्यबाद नाए देन बारे, अपबित्र होमंगे,

हिब्रू 12:5

तुम बे उत्सहाके बचनके भुलिगए हओ जो परमेश्वर अपने बच्चनके रुपमे तुमसे कही रहए, “हे मेरे लौंणा जब परमप्रभु, तुमर करेभए गल्ती दिखाइ कहेसे ध्यान देओ, और जब बो तुमके डाँटए तओ हार मत् मानओ।

प्रकाश 13:1

मए एक राक्षसके समुन्दर मैसे निक्रत देखो, जौनके सात मुण और दश सिंग रहएं। और बक हर सिंगमे एक मुकुट रहए और बक हर मुणमे परमेश्वरके बिरुद्धमे बदनामको नाउँ रहएं।

प्रकाश 3:19

जौनके मए प्रेम करत हओं, उनके मए सिखात हओं, और दण्ड देत हओं। ताकी बे अच्छे बनपामएं। जहेमारे सही काम करनके ताहीं उत्साहित हो, और पाप करन छोडके परमेश्वर घेन घुम।