1 थेसलोनिकी 5:23 - राना थारु नयाँ नियम

²³ शान्ति देन बारो परमेश्वर तुमके पुरा रुपसे पबित्र बनाए; तुमर पुरो आत्मा, प्राण और शरीर हमर प्रभु येशू ख्रीष्ट दुबारा लौटके नाए आनतक निर्दोष और सुरक्षित बचे रहाओ।

परमेस्वर को सच्चो वचन

²³ सांति को परमेस्वर खुद तुमकै पूरी तरह सीध और पवित्र करै; तुमरी आत्मा, ज्यान और सरीर हमरे प्रभु ईसु मसीह के आन तक पूरी और बेकसूर अच्छी रहाबै।

1 थेसलोनिकी 5:23 交叉參考

लूका 1:46

तओ मरियम कही, “मए परमप्रभुको स्‍तुतिगान करत हओं,

यूहन्ना 17:19

उनको फाइदाके ताहीं मए अपनएके सत्यके द्वारा पबित्र बनात हओं ताकी बे फिर सत्यके द्वारा पबित्र बने जाएं।”

प्रेरित 20:32

अब मए तुमके परमेश्वरको और बाको अनुग्रहको बचनमे सौँप दओ हओं, जौनके तुमके बिश्वासमे मजबुत करैगो और परमेश्वर तुमके बो बातको हक बारो बनाबैगो, जो बासे पबित्र करेभए सबए जनैके देनके प्रतिज्ञा करीहए।

प्रेरित 26:18

ताकी बिनको आँखी खुलए, और बिनके अन्धयारोसे उजियारोमे और शैतानको शक्तिसे परमेश्वर घेन घुमाए पाबए। तओ बे परमेश्वर घेनसे पाप क्षमा पामंगे और मिर उपर बिश्वास करके बे परमेश्वरके चुने भए जनके सँग संगतीमे बैठन पामंगे।’

रोमियों 15:13

मए प्राथना करत हओं, कि परमेश्वर जो आसरा देन बारो हए, तुमके बिश्वास करनमे पुरा रुपसे खुसी और शान्तिको आनन्द लेनमे मदत करसकए। ताकी पबित्र आत्माको शक्तिसे तुमर आसरा बढतए जाए।

रोमियों 15:33

मए प्राथना करत हओं कि परमेश्वर, जो शान्ति देतहए, तुम सबएके सँग रहाबए। आमेन।

रोमियों 15:5

मए प्राथना करत हओं, कि धिरज और हौसलाको परमेश्वर तुमके ख्रीष्ट येशूको अनुसरण करतए एक-दुस्रेके सँग शान्तिसे रहानमे मदत करए।

रोमियों 16:20

शान्तिको परमेश्वर शैतानके नाश करदेबैगो और बोके तुमर अधिनमे करदेबैगो। हमर प्रभु येशू ख्रीष्टको अनुग्रह तुमर सँग रहातए रहाबए।

1 कोरिन्थी 1:2

मए जा चिट्ठी तुमके पठाएरहो हओं, जो कोरिन्थ सहरमे भए परमेश्वरके मण्डली हएं, अर्थात् हम जे बात लिखत हएं, जौनके परमेश्वर अपने आदमीनके रुपमे अलग करीहए। बा तुमके ख्रीष्ट येशूमे एकजुटमे बाँधी हए, और बा तुमके पबित्र आदमी होनके बुलाइ हए; उइसीयए, जैसे परमेश्वर औ सब आदमीनके छानी हए, जौन हमरे ठिहामे हमर प्रभु येशू ख्रीष्टको सेवा करत हए, काहेकी बा हमर सबको प्रभु हए।

1 कोरिन्थी 1:30

पर परमेश्वर तुमके येशू ख्रीष्टमे एकजुट बनाइ हए, और ख्रीष्टद्वारा परमेश्वर हमके अपनो बुद्धि दइ हए। परमेश्वर हमके अपनो नजरमे धर्मी फिर ठहिरात हए। ख्रीष्टके द्वारा हम सब पबित्र बनाए गए हएं, और बा हमके पापसे छुटकारा करत हए।

1 कोरिन्थी 14:33

काहेकी परमेश्वर गडबड करन बारो परमेश्वर नाए हए, पर शान्ति देन बारो परमेश्वर हए; जहे नियम परमेश्वरके आदमीनको हर मण्डलीनमे पालन करोजात हए।

2 कोरिन्थी 5:19

अर्थात् ख्रीष्टको करोभओ सब काम द्वारा परमेश्वर संसारको सबए आदमीनके मेलमिलापमे लानके ताहीं एक डगर बनान डटो रहए और आदमीनको पापको लेखा नाए लैके मेलमिलाप करनके बारेमे बाको सन्देशके परचार करनके ताहीं हमके सौँपदइ हए।

फिलिप्पी 1:10

ताकी तुम सबसे ठिक चीजके छानपाबओ, और उनके स्वीकार करके ख्रीष्टके लौटके आनतक शुद्ध और निर्दोष होतए रहाबओ।

फिलिप्पी 1:6

मोके जा बातको भरोसा हए, कि परमेश्वर तुममे कुछ अच्छो काम करन सुरु करीहए, और परमेश्वर बो दिनमे पुरा करैगो, जब येशू ख्रीष्ट लौटके आबैगो।

फिलिप्पी 4:9

मेरे शब्दसे और मेरे कामसे जो कुछ तुम सिखे हओ और पाएहओ, बिनके पालन करओ, तओ शान्ति देन बारो परमेश्वर तुमरसँग रहाबैगो।

कलस्सी 1:22

पर परमेश्वर अपनो लौंणा ख्रीष्टके आदमी बनाइ, और हमर पापको मोल तिरनके ताहीं क्रूसमे मरो, ताकी तुमके अपने अग्गु पबित्र, शुद्ध और निर्दोष बनाएके मेलमिलाप करए।

1 थेसलोनिकी 2:19

हमर आसरा या आनन्द या बढाईको मुकुट कौन आदमी हए? जा सब तुमही हओ, जब तक हमर प्रभु येशू ख्रीष्ट फिरसे लौटके नाए आएजाए।

1 थेसलोनिकी 3:11

हम प्राथना करत हएं, कि हमर दौवा परमेश्वर और हमर प्रभु येशू ख्रीष्ट तुमसे भेँट करनके ताहीं डगर तयार करए।

1 थेसलोनिकी 3:13

हम प्राथना करत हएं, कि हामरो प्रभु येशू तुमर मनके मजबुत करए, कि जब हमर प्रभु येशू अपने सब पबित्र आदमीनके सँग लौटके आए तओ बे हमर दौवा परमेश्वरके अग्गु पबित्रतामे निर्दोष होमएं।

1 थेसलोनिकी 4:3

परमेश्वरको इच्छा जा हए, कि तुम पबित्र बनओ अर्थात् तुम व्यभिचार मत् करओ।

1 थेसलोनिकी 5:22

सब मेलके खराबीसे दुर रहाओ।

2 थेसलोनिकी 3:16

मए प्राथना करत हओं, कि प्रभु जो शान्तिको स्रोत हए बा हर तरिकासे तुमके लगातार शान्ति देत रहाबए, और प्रभु तुम सबके सँग लगातार रहाबए।

हिब्रू 13:20

और अब, शान्तिको परमेश्वरको अनुग्रह, जो प्रभु येशूके मरो मैसे जिन्दा करी। बाको इच्छा पुरा करनके ताहीं तुमके चाहन बारो सब चीजसे सजाबैगो। बाके मन पणन बारो सब चीज येशू ख्रीष्टको शक्तिसे तुममे उत्पन्न करबाबैगो। येशूए भेंणनको बहुत अच्छो बकरेहेरा हए कहान बारी बात सदाकालको प्रतिज्ञाको चिन्हा बाको खुनसे दिखात हए। बाके सदासर्वदा महिमा मिलए। आमेन।

हिब्रू 2:11

काहेकी पापसे शुद्ध बनान बारो और पापसे शुद्ध भए सबएनको दौवा अर्थात्, परमेश्वर एकए हए। जहेमारे येशू बिनसे, बिश्वासी भइया-बहिनीया कहानमे शर्मात नाए हए।

हिब्रू 4:12

परमेश्वरको बचन त काम करतए रहान बारो और जिन्दा हए। जा दुनौ घेन धार भओ तरवारसे फिर पैनो हए। जा भितर जाएके प्राण और आत्माके अलग करदेत हए और गाँठीगुँठी और हड्डीके फिर काटदेत हए। परमेश्वरको बचन आदमीनको मनको बिचार और चाहनाके किराएके जाँचत हए।

याकूब 1:4

तुमके सब कुछ सहान सिखन पणो, ताकी तुम आत्मिक रुपसे मजबुत और सिद्ध होबओ, और कोइ फिर अच्छो गुणको कमी नाए रहाबए।

1 पतरस 1:2

दौवा परमेश्वर पहिलीए तुमके अपनो आदमी होनके और पबित्र आत्माको कामसे बिनके पबित्र बनानके ताहीं छाननके फैसला करी रहए। बा अइसो करी ताकी तुम येशू ख्रीष्टको आज्ञापालन करओ और बाको खुनसे शुद्ध हुइ पाबओ। ताकी चुनेभए बारेनके अनुग्रह और शान्ति प्रशस्त होत जाबए।

1 पतरस 5:10

परमेश्वर, जो पुरा रुपमे अनुग्रहकारी हए, बा हमर येशू ख्रीष्ट सँगको सम्बन्धके कारण अपनो अनन्त महिमामे हमके साझेदार होनके बुलाइ हए। तुम कुछ देरतक दुख उठाएके पिच्छु, परमेश्वर तुमके असल बनाबैगो, ताकी तुममे कोइ गल्ती नाए होबए, और बा तुमर मनके मजबुत बनाबैगो और मजबुत होनके ताहीं बामे बिश्वास करन बारे बनाबैगो।

2 पतरस 3:14

जहेमारे प्रिय हो, परमेश्वर संसारको न्याय करन बारो दिनको तुम प्रतिक्षा करत पेती तुम पबित्र और खोट नाए भओ होन और बाके सँग शान्तिमे बैठनके सबसे अच्छो कम करन पणत हए।

यहूदा 1:1

मए यहूदा जा चिट्ठी तुमके लिखनडटो हओं। मए येशू ख्रीष्टको दास और याकूबको भइया हओं। मए जा चिट्ठी परमेश्वरमे बिश्वास करनके बाके द्वारा बुलाएभए आदमीनके लिखनडटो हओं। तुमके परमेश्वर हमर दौवा प्रेम करत हए और येशू ख्रीष्टमे सुरक्षित रक्खी हए।

यहूदा 1:24

परमेश्वर तुमके बचान सिकैगो, ताकी तुम पापमे जीबन जीइनके ताहीं धोखामे नाए पणओ। बा महिमित परमेश्वर तुमके निष्कलङक और आनन्दसे भरो भओ बनानके तुमके अपने ठिन फिर्ता करलेबैगो।