1 पतरस 5:8 - राना थारु नयाँ नियम

⁸ होस करओ, जगे रहाओ, काहेकी तुमर दुश्मन शैतान आदमीनके नष्ट करनके ताहीं चारौ तरफ घुमरहे हएं। बे गर्जन बारो बघटा कता कौनके पामओं और खामओं कहिके दावमे घुमरहे हएं।

परमेस्वर को सच्चो वचन

⁸ चौकन्ने रैहबौ, चहाचीते रहबौ! तुमरो दुस्मन, सैतान घूमत भौ सेरा के जैसी इतै-उतै घूमत रहथै, कोई कै खाए जान ताहीं ढूँड़न मैं लगो रैहथै।

1 पतरस 5:8 交叉參考

मत्ती 13:39

जौन दुस्मन उवाजओ बोइ बो शैतान हए; कटनी बे समयके जनात हए जब संसारके अन्त हुइ जाइगो; और काटन बारे स्वर्गदूत हएं।

मत्ती 24:42

जहेमारे जगे रहओ, काहेकी कौन दिन तुमर प्रभु अएहए, सो तुम नाए जानत हओ।

मत्ती 25:41

तओ मए दिब्रा घेनके आदमीनसे कएहओं, ‘हे सरापित आदमी, मिर अग्गुसे बो कभी फिर अन्त नाए होन बारो आगीमे चलेजाओ, जो शैतान और शैतानको दूतनके ताहीं परमेश्वर तयार करीहए।

मत्ती 4:1

तओ पिच्छु शैतानसे येशूको परीक्षा होन लागो तओ पबित्र आत्मा येशूके तुरन्त जंगली इलाकामे लैगओ।

मत्ती 4:11

तओ शैतान येशूके छोडके गओ, और स्वर्गदूत येशूको सेवा सत्कार करीं।

मर्कूस 4:15

कोइ-कोइ आदमी डगरके समान हएं जौनमे बीज पणे। जब बे परमेश्वरको बचन सुनत हएं, शैतान तुरन्त आएके बिनको सुनीभइ बचनके भुलबाए देतहए।

लूका 21:34

येशू कही, “जहेमारे होसियार रहियओ, अइसे तुमर मनको लापरबाही, दरोहपान और जीबनको चिन्तासे तुमर मन सुस्त नाए होबए, और बो दिन तुमर उपर इक्बरी फन्दा जैसो नाए आए।

लूका 21:36

जहेमारे संसार रहाबओ, और हर समय परमेश्वरसे प्राथना करत रहाबओ, ताकी तुम जे सब आन बारे घटनासे बच पाबओ। और मए, आदमीको लौंणाके अग्गु ठाणनके लायक बन पाबओ।”

लूका 22:31

येशू कही, “सिमोन, ए सिमोन, देख, जैसे एक किसान गेहुँ मैसे भुसाके अलग करत हए। उइसी परमेश्वरसे, शैतान तुम सबके जाँचनके ताहीं अच्छे आदमीनके खराब आदमीन मैसे अलग करनके ताहीं अनुमति लैलै हए।

यूहन्ना 8:44

तुम अपनो दौवा शैतानके सन्तान हओ, और तुम अपन दौवाको इच्छा पुरा करन तयार हओ। बो त सुरुसे ज्यानमारा रहए, बो त कभी फिर सच्चो नाए रहए काहेकी बोमे सत्य नाए रहए। जब बो ठगत हए तओ अपन चरित्र अनुसार मस्कत हए। काहेकी बोमे सत्य नाए हए, बहेमारे बो त ठगन बारेनको दौवा हए।

2 कोरिन्थी 2:11

ताकी शैतान हमर उपर मौका नाए पाबए, काहेकी हमके पाप करन लगान बारो सबए योजना बोके पता हए।

इफिसियों 4:27

और तुमके धोखा देनके ताहीं शैतानके मौका मतदेओ।

इफिसियों 6:11

जैसे एक सिपाही अपने सब युद्धके हथियारन्के पैँधत हए, उइसीयए तुमके फिर बे चिजनके प्रयोग करनके पणो, जो परमेश्वर तुमके दइ हए, ताकी जब शैतान तुमके धोखा देन कोसिस करए, तओ तुम बोके बिरुद्ध लडपाबओ।

1 तिमोथी 2:15

पर परमेश्वर बालकाके जनम देनके द्वारा बैयरनके बचाए लेबैगो, जब तक बे लगातार ख्रीष्टमे बिश्वास करतए रएहएं, एकदुस्रे आदमीसे प्रेम करत रएहएं, और शुद्ध और ठिक तरिकासे ब्यबहार करतए रएहएं।

1 तिमोथी 2:9

अइसियए मए चाँहत हओं, कि बिश्वासी बैयरनके फिर ठिक तरिकासे लत्ता पैंधन पणो, अइसे लत्ता, कि जो तारिफको लायक हए, और स्वीकारको लायक हए; जैसे बे अपने बारके बनात हएं बोसे अपने घेन आकर्षित नाए करएं, और नए त सोनो, मोती और महिंगो लत्तासे,

1 तिमोथी 3:11

अइसियए मण्डलीको सेवा करन बारेनकी बैयर सम्मानको लायक होन पणत हए; और दुस्रेनके बारेमे खराब बात बत्कान बारी नाए होबए, पर शान्त तरिकासे ब्यबहार करन बारी होबए, ताकी उनके उपर हर चीजमे भरोसा करपामएं।

1 तिमोथी 3:2

जहेमारे जा जरुरी हए, कि एक मण्डलीमे एकसे जद्धा अगुवा होमंगे, और मण्डलीके रेखदेख करन बारे अगुवामे दोष नाए होन पणो, और बोको एकए बैयर होन पणो, शान्तसे ब्यबहार करन पणो, अच्छो चालचलन होन बारो, आदमीनके द्वारा आदर करोजान बारो, बो अपनो घरमे पाहुननके स्वागत करनके ताहीं तयार होन पणो, और बो परमेश्वरको सन्देश अच्छेसे सिखानमे सक्षम होन पणो।

2 तिमोथी 4:17

पर प्रभु मिर सँगमे रहो, और मोके शक्ति दइ; ताकी मए येशू ख्रीष्टके बारेमे स्पष्टसे अच्छो समाचारके परचार करके बे सब अन्यजाति सुनलेमएं; और जैसे आदमी एक भुखानो भओ बघटासे बच जातहए उइसी परमेश्वर मोके मरनसे बचाइ।

तीतुस 1:8

पर पाहुननके सत्कार करन बारे, दुस्रेके ताहीं भलाइसे प्रेम करन बारे, शान्तसे ब्यबहार करन बारे, सही रितिसे ब्यबहार करन बारे, पबित्र जीबन जीइन बारे और बे अपनए-अपनामे अधिन करपान बारे होन पणत हए।

तीतुस 2:12

परमेश्वरको अनुग्रहके कारण, परमेश्वर हमके सिखात हए, कि हम अइसो ब्यबहार नाए करएं, जो ब्यबहार परमेश्वरके खुसी नाए बनात हए। और जौन चीजके पानके गैर-बिश्वासीनको इच्छा रहात हए, उइसो चीजको इच्छा हमके नाए करन पणत हए। और हम संसारमे हएं कहेसे बुद्धिमान और धार्मिकतासे परमेश्वरके खुसी बनानको ब्यबहार करन पणत हए।

तीतुस 2:2

बुढे मनै अपनए-अपनएके नियन्त्रण करपान बारे होन पणतहए, अइसो ब्यबहार करनके चाहो ताकी आदमी बोके सम्मान करएं, और दुस्रे जनैनसे समझदारसे ब्यबहार करन बारो होन पणतहए। परमेश्वरमे उनको बिश्वास मजबुत होन पणतहए, दुस्रे आदमीनसे सच्चाईसे प्रेम करन बारो होन पणतहए और सहनको क्षमता होन पणतहए।

तीतुस 2:4

ताकी बे एक अच्छो उदाहरण बनपामएं, और जवान लौंणीया और बैयरनके सल्लाहा देनके योग्य होमएं, ताकी अपने लोगासे और बच्चनसे प्रेम करएं।

तीतुस 2:6

अइसियए जवान आदमीनके फिर सम्झा, कि बे सम्झदरीसे काम करएं।

याकूब 4:7

जहेमारे अपनएके परमेश्वरके अधीनमे धरओ। शैतानको बिरोध करओ और बो तुमसे भाजैगो।

1 पतरस 1:13

बहेमारे, तुम का करत हओ कहिके बारेमे अच्छेसे सोँचओ और अपनएके नियन्त्रण करओ। मुक्ति पानको आसरा करओ जौन अनुग्रहसे आत हए, जो तुमके येशू ख्रीष्टको जा संसारमे लौटके आन बारो दिनमे दओ जाबैगो।

1 पतरस 4:7

सबए बातको अन्त ढिँगै आइगओ हए। जहेमारे तुम स्पष्ट रुपमे सोँचओ और अपनएके अधिनमे धरओ, ताकी तुम प्राथना करपाबओ।

प्रकाश 12:10

फिर मए स्वर्गसे जा बडो सब्द आत सुनो, “अब हमर परमेश्वर अपने आदमीनके बचाबैगो! अब बा अपनो शक्तिके इस्तमाल करैगो और राजाके रुपमे राज्य करैगो! अब बोको ख्रीष्ट संसारमे अपनो अधिकारको दाबी करैगो! काहेकी रातदिन हमर बिश्वासी ददाभइयनके दोष लगातए शैतान अब हमर परमेश्वरको उपस्थितिमे नाए ठाणैगो। बोके स्वर्गसे बाहिर फेँको गओ हए।

प्रकाश 12:12

जहेमारे तुम सब जो स्वर्गमे रहात हओ, तुम्हएं आनन्दित होनके चाहो। पर तुम जो पृथ्वीमे और समुन्दरमे रहात हओ, तुम भयानक रितिसे पिडित होबैगे। काहेकी शैतान तुमर ठिन तरे गओहए, और बोको मन गुस्सासे भरोहए। काहेकी बो जानत हए, कि बोके ठिन काम करनके ताहीं जद्धा समय नैयाँ।”

प्रकाश 12:9

जहेमारे अजिंगर और बक अधिनमे आन बारेनके पृथ्वीमे फेँको गओ। जा बडो अजिंगर बहे हए, जो बहुत समय पहिले साँपके रुपमे दिखाइ दइ रहए, जोसे शैतानको दूत या दोष लगान बारो फिर कहोजात हए। जा बहे हए जो जा संसारके आदमीनके धोखा देत आओ हए।

प्रकाश 20:10

तओ बे शैतानके, जौन जे सब आदमीनके धोखा दइ रहए, बोके बो ठिहा फेँकदइं जहाँ गन्धक और आगी पज्रत हए। बो बहे ठिहामे होबैगो, जहाँ बे पहिलीएसे राक्षस और झुठो अगमबक्तनके फेँकी रहएं। आगी बे सबके रातदिन रोज तड्पाबैगो।

प्रकाश 20:2

और बो बहे बडो अजिंगरके पक्णी जो बहे रहए जौनके बहुत समय अग्गु एक साँपके रुपमे देखा पणो रहए, जौनके शैतान फिर कहोजात हए। बो बोके सँकारसे बाँधी और गहिरो कुण्डामे फेँकदइ। तओपिच्छु बो बोके बन्द करदइ और ढोकामे मोहर लगाए दइ ताकी एक हजार बर्ष पुरा होनतक बोके ठिन जाति-जातिके आदमीनके धोखा देन बारो कोइ तरिका नाए होबए। जब बो पुरा होबैगो, तओ बोके फिरसे कैदसे कुछ समयके ताहीं इकल्लो छुटाओ जाबैगो।