1 पतरस 5:12 - राना थारु नयाँ नियम

¹² सिलासको मदतसे मए जा छोटो चिट्ठी तुमके लिखके पठाओ हओं। ख्रीष्टमे मए बोके बिश्वासयोग्य भइया सम्झत हओं। मिर चिट्ठी लिखनको उदेश्य तुमके उत्सहा देनो और पक्का कर्नो हए, कि तुम अनुभव कररहे तुमर ताहीं परमेश्वरको अनुग्रह हए। जा अनुग्रहमे पक्को हुइके ठाणे रहाओ।

परमेस्वर को सच्चो वचन

¹² मैं तुमकै जौ छोटी चिट्ठी सीलास की मदत से लिखथौं, जोकै मैं एक भरोसेमंद मसीह भईय्या मानथौं। मैं तुमकै उत्साहित करनो चाहथौं और अपनी गभाई देनो चाहथौं कि जौ परमेस्वर को सच्चो अनुग्रह है। जामैं दृढ़ रहबौ।

1 पतरस 5:12 交叉參考

यूहन्ना 21:21

बोके देखके पत्रुस येशूसे कही, “हे प्रभु, जाके सँग का हाल होबैगो?”

प्रेरित 11:23

बारनाबास एन्टिओखिया सहरमे पुगके और परमेश्वरको अनुग्रह देखके बहुत खुसी भओ। बारनाबास बे आदमीनसे प्रभुप्रती पुरा मनसे बिश्वासी भए रहियओ कहिके उत्सहा दइ।

प्रेरित 15:22

तओ फिर चुनेभए चेला और मण्डलीके अगुवा प्रभुमे बिश्वासी ददाभइयनके सँग मिलके दुई आदमीके चुनीं। दुई जनैके चुनके उनके पावल और बारनाबासके सँग लैगए और सिरिया परदेशको एन्टिओखिया सहरमे मण्डलीके बिश्वासीनके ठिन पठानके निश्चय करीं। बे छानेभए दुई आदमी बारसाबास कहान बारो यहूदा और सिलास रहएं। प्रभुमे बिश्वास करन बारे सबए ददाभइयनमे बे दुई अगुवा रहएं।

प्रेरित 20:24

पर मए अपनो जीबन कोइ मोलके और अपनो ताहीं प्यारो नाए मानो इतकए इकल्लो मए जानत हओं, कि परमेश्वरको अनुग्रहको अच्छो समाचारको गवाही देनके मिर दौड और प्रभु येशू ख्रीष्टसे मिलो मिर सेवाकाइ मए पुरा कर पामओं।

रोमियों 5:2

हमर बिश्वास करनके कारण, ख्रीष्ट हमके जा अनुग्रहमे लाइ हए, जहाँ हम अभए खडा हएं। और हम निश्चय और आनन्दके साथ परमेश्वरको महिमामे सहभागी होनके आसरामे हएं।

1 कोरिन्थी 15:1

हे मेरे बिश्वासी ददाभइयओ, मए तुमके बहे अच्छो समाचारके याद दिलात हओं जो पहिलीयए परचार करडारो हओं, जोके तुम बो सन्देशमे बिश्वास फिर करे रहओ और जोमे तुम भरोसा करतए आए हओ।

2 कोरिन्थी 1:19

काहेकी सिलास, तिमोथी और मए तुमर बीचमे परचार करोभओ परमेश्वरको लौंणा येशू ख्रीष्ट झुठो नाए हए। पर बामे रोज सच्चाई इकल्लो हए।

2 कोरिन्थी 1:24

हम तुमर बिश्वासके उपर हमर अधिकार जमान नाए चाँहत हएं। पर तुमर आनन्दके ताहीं तुमरे सँग मिलके काम करत हएं। काहेकी अपन बिश्वासमे तुम स्थिर हओ।

इफिसियों 3:3

जैसेकी मए छोटकरीमे तुमके पहिले लिखो रहओं, परमेश्वर अपनए मोके बो गुप्त योजनाके प्रकट करी।

इफिसियों 6:21

प्रभुको संगतीमे, प्यारे बिश्वासी भइया और बिश्वासिलो सेवक तुखिकस तुमके जा सब बताएदेमंगे, ताकी तुम फिर जानलेओ कि मए कैसो हओं और का कर रहो हओं।

कलस्सी 1:7

बहेको सन्देश तुम और हमर सँग काम करन बारो सँगी इपाफ्राससे सिखे हओ। बो हमरे बदलामे तुमर अग्गु ख्रीष्टको काम करन बारो बिश्वासयोग्य प्यारो भइया हए।

कलस्सी 4:7

प्यारो बिश्वासी भइया, तुखिकस जो प्रभुमे मेरे सँग काम करत हए, बो मेरे सब बात तुमके बताए देहए।

कलस्सी 4:9

और बोकेसँग ओनेसिमसके फिर पठाओ हओं, जो बिश्वासयोग्य और प्यारो बिश्वासी भइया हए और बो तुम्रीयए गाउँसे हए, बे तुमके सबए बात बताए देहएं।

1 थेसलोनिकी 1:1

मए पावल, सिलास और तिमोथीके घेनसे जा चिट्ठी थेसलोनिके सहरमे रहान बारे मण्डलीके ताहीं लिखरहे हएं। जो दौवा परमेश्वर और प्रभु येशू ख्रीष्टसे सम्बन्धित हए। मए प्राथना करत हओं, कि परमेश्वर तुमर उपर अनुग्रह करए और शान्ति देबए।

2 थेसलोनिकी 1:1

मए पावल, सिलास और तिमोथीके घेनसे, जा चिट्ठी थेसलोनिके सहरमे रहान बारे मण्डलीनके ताहीं हम लिखरहे हएं, जो दौवा परमेश्वर और प्रभु येशू ख्रीष्टसे सम्बन्धित हए।

हिब्रू 13:22

हे मेरे बिश्वासी ददाभइयओ, मए तुमसे बिन्ती करत हओं, कि हौसलाको जा बचनके धिरजसे सुनओ, काहेकी मए तुमर ताहीं छोटकरीमे लिखो हओं।

1 पतरस 1:13

बहेमारे, तुम का करत हओ कहिके बारेमे अच्छेसे सोँचओ और अपनएके नियन्त्रण करओ। मुक्ति पानको आसरा करओ जौन अनुग्रहसे आत हए, जो तुमके येशू ख्रीष्टको जा संसारमे लौटके आन बारो दिनमे दओ जाबैगो।

1 पतरस 4:10

हर आदमी परमेश्वरसे बरदान पाइहए और बे बो बरदान औरेनके मदत करन प्रयोग करन पणत हए। बे अपनो बरदानके परमेश्वरके दास कता अच्छेसे प्रयोग करन पणत हए।

2 पतरस 1:12

मए तुमके जे बातके बारेमे घरी-घरी सम्झातए रहानके कोसिस करत हओं, होन त तुमके बे बातके बारेमे पहिलीए पता हए और तुम पक्का हओ, कि बे बात सच्चे हएं।

2 पतरस 2:15

बे ठिक काम करन बन्द करदइ हएं, और बे बहे गलत काम करन सुरु करी हएं, जो बओरके लौंणा बालाम बहुत समय पहिले करी रहए। बो गलत काम करके रुपैया कमानके मन पणाइ।

3 यूहन्ना 1:12

मण्डलीमे हर कोइ कहात हए, कि डेमेत्रियस एक अच्छो आदमी हए, काहेकी बो परमेश्वरको सत्य बचन अनुसार जीइत हए, और हम जा फिर कहात हएं, कि बो एक अच्छो आदमी हए, और तुम जानत हओ, कि हमर गवाही सत्य हए।

यहूदा 1:3

मेरे प्यारे सँगीउ, हम सब सामिल भए, येशू ख्रीष्टसे आन बारो हमर मुक्ति और नयाँ जीबनके बारेमे लिखनके चाँहत हओं। पर अब मए जा चिट्ठीके माध्यमसे तुमके उत्साहित होन आग्रह करत हओं, ताकी तुम ख्रीष्ट येशुमे भए बिश्वासीके स्थिर करनके औ कडा परिश्रम करपाबओ। परमेश्वर अपने आदमीनके जा बिश्वास एकए चोटीमे दएडारी हए, और जाके नाए बदलाओ जाए सकत हए।