1 पतरस 4:10 - राना थारु नयाँ नियम

¹⁰ हर आदमी परमेश्वरसे बरदान पाइहए और बे बो बरदान औरेनके मदत करन प्रयोग करन पणत हए। बे अपनो बरदानके परमेश्वरके दास कता अच्छेसे प्रयोग करन पणत हए।

परमेस्वर को सच्चो वचन

¹⁰ हर एक कै, परमेस्वर के कई तरहन के उपहारन के एक अच्छे प्रबंधक के रूप मैं, दुसरेन ऊपर दया के ताहीं बौ खास उपहार को इस्तमाल सेवा मैं करनो चाहिए जो बौ परमेस्वर से पाई है।

1 पतरस 4:10 交叉參考

मत्ती 20:28

जैसी आदमीको लौंणा फिर सेवा पानके नाए, पर सेवा करन और बहुतनको पापनके मोल तिरके छुटानके ताहीं मोलके रुपमे अपन प्राण देन आओ।”

मत्ती 24:14

और राजाको जा अच्छो समाचार सारा संसारमे सब जाति-जातिके आदमीनके ताहीं गवाहीके ताहीं परचार करो जएहए, ताकी सबए देशके जा स्वीकार करनके मौका मिलए।”

मत्ती 24:21

काहेकी बो समयमे अइसो महासंकट हुइहए, जो दुनियाको उत्पत्तिसे हबएतक नाए भओ हए, नत कभु हुइहए।

मत्ती 24:45

“बिश्वासयोग्य नोकर और बुद्धिमान नोकर कौन हए, जौनके बोको मालिक, अप्नो परिवारको चाकरनके, ठिक-ठिक समयमे खान देबए करके खटाए होतहए?

मत्ती 25:17

उइसी दुई सिक्का पान बारो फिर और दुई सिक्का कमाइ।

मत्ती 25:44

बे फिर अइसे कहिके जबाफ देहएं, ‘प्रभु, कब हम तुमके भुखानो और प्यासो देखे, परदेशी और नंग्बा और बिमार देखे, और जेलमे देखे, और तुमर सेवा नाए करे?’

मर्कूस 10:45

मए अइसो जाकेमारे कहात हओं काहेकी मए आदमीको लौंणा, दुस्रेकी सेवा करनके ताहीं जा दुनियामे आओ हओं। मए जाकेमारे नाए आओ, कि दुस्रे मिर सेवा करएं। मए आदमीनके बिनके पापनसे मोल तिरके छुटानके ताहीं अपन जीबन देनआओ हओं।”

लूका 12:42

प्रभु कही, “बो बिश्वासी और बुध्दिमानी भण्डारे कौन हए, जौन बक मालिक अपन परिवारके ठिक समयमे उनको भागमे पणन बारो भोजन देन ताहीं खटाबैगो?

लूका 19:13

बो अपन दश जनै नोकरके बुलाएके बिनके दश सोनोको सिक्का दइके कही, ‘जब तक मए लौटके नाए अएहओं तबतक तुम जासे व्यपार करीयओ।’

लूका 8:3

और राजा हेरोदके भण्डारे खुजासकी बैयर योअन्ना, और सुसन्ना, और बहुत बैयर रहएं, जे अपनी सम्पतिसे येशू और बाके चेलनकी सेवा करत रहएं।

रोमियों 15:25

पर अभए त मए पबित्र आदमीनके मदत करनके ताहीं यरूशलेम सहर जाएरहो हओं।

रोमियों 15:27

बे जा खुशीसे करीं, बे यरूशलेम सहरके रहान बारे आदमीनके कर्जीदार रहएं, काहेकी यहूदी आदमी गैर-यहूदीनके सँग परमेश्वरसे पाओभओ असल चीज बाँटिं। जा सही हए, कि गैर-यहूदी आदमी, यहूदी आदमीनके सँग जा संसारके अच्छी बात बाँटिं।

1 कोरिन्थी 15:10

मए एक परमेश्वरसे चुनो भओ चेला बनोगओ काहेकी परमेश्वर मिर ताहीं दयालु रहए। और बाको अनुग्रह मेरे जीबनमे प्रभावशाली हए। पर मए अन्य चुनेभए चेलनसे जद्धा मेहेनत फिर करो तहुँफिर जा मेरे घेनसे नाए भओ पर परमेश्वरको अनुग्रहमे मोके बाको काम करनमे मदत करी।

1 कोरिन्थी 3:10

परमेश्वर मोके जो काम अपनो बरदानसे करनके दइ हए, बोके मए बुद्धिमानसे करो; मए तुमर सहरमे अच्छो समाचार परचार करो और तुमसे पहिले आदमीनके येशूमे बिश्वास करनमे मदत करो। बोके पिच्छु, अन्य ख्रीष्टियन मजदुर बो काम करतए रहे, जो मए सुरु करो रहओं। पर हम मैसे सब मजदुरन्के ध्यानसे बिचार करन चाहो, कि हमके परमेश्वरको काम कैसे करनके हए।

1 कोरिन्थी 4:7

काहेकी जो कुछ फिर तुमर ठिन हए बो तुमके परमेश्वरके द्वारा दओ गओ हए, तुमर ठिन घमण्ड करनको कोइ अधिकार नाए हए।

2 कोरिन्थी 6:1

हम परमेश्वरए सँग काम करत हएं और जहे हैसियतसे तुमके बिन्ती करत हएं, तुम परमेश्वरको अनुग्रह पाएके अब बो व्यर्थ होन मतदेओ।

2 कोरिन्थी 9:1

यरूशलेम सहरके बिश्वासीनके ताहीं दओगओ रुपैयाके बारेमे तुमके लिख्तए रहानके जरुरी नाए हए।

इफिसियों 3:8

तहुँफिर मए परमेश्वरके सब पबित्र आदमीनके ताहीं सबसे कम महत्वपूर्ण हओं। परमेश्वर, अनुग्रहके द्वारा मोके जा मौका दइ, कि मए गैर-यहूदीनके अच्छो समाचार परचार करपामओं कि ख्रीष्ट असिम आशिर्बादको स्रोत हए।

इफिसियों 4:11

येशू मण्डलीनके जे जिम्मेबारी दइ: कोइके चुनेभए चेला होनके ताहीं चुनके, कोइके अगमबक्ता चुनके, कोइके अच्छो समाचार सुनान बारेनके चुनके और कोइके पास्टर और गुरु चुनके दइदइ।

2 तिमोथी 1:18

न्यायके दिन प्रभु ओनेसिफरसके अपनो महान दया दिखाबए। और तए अपनए अच्छेसे जानत हए, कि बो एफिसस सहरमे मिर कित्नो सहायता करी।

तीतुस 1:7

काहेकी मण्डलीके रेखदेख करन बारे अगुवा परमेश्वरको कामके जिम्मा लए होत हएं। जहेमारे बे कोइ दोष नाए भए बारे आदमी होन पणत हए। बे अपनो मनपरी करके घमण्डसे फुलन बारे, जल्दी गुस्सान बारे, दारु पिन बारे, लडाइ करन बारे और मनमे लोभ होन बारे नाए होमएं।

हिब्रू 6:10

जैसी तुम अच्छो काम करेहओ और अब परमेश्वरको नाउँमे, परमेश्वरके आदमीनके ताहीं प्रेमसे सेवाको काम करत हओ, परमेश्वर तुमके भुलैगो नाए। काहेकी बा धर्मी हए।

1 पतरस 5:10

परमेश्वर, जो पुरा रुपमे अनुग्रहकारी हए, बा हमर येशू ख्रीष्ट सँगको सम्बन्धके कारण अपनो अनन्त महिमामे हमके साझेदार होनके बुलाइ हए। तुम कुछ देरतक दुख उठाएके पिच्छु, परमेश्वर तुमके असल बनाबैगो, ताकी तुममे कोइ गल्ती नाए होबए, और बा तुमर मनके मजबुत बनाबैगो और मजबुत होनके ताहीं बामे बिश्वास करन बारे बनाबैगो।

1 पतरस 5:12

सिलासको मदतसे मए जा छोटो चिट्ठी तुमके लिखके पठाओ हओं। ख्रीष्टमे मए बोके बिश्वासयोग्य भइया सम्झत हओं। मिर चिट्ठी लिखनको उदेश्य तुमके उत्सहा देनो और पक्का कर्नो हए, कि तुम अनुभव कररहे तुमर ताहीं परमेश्वरको अनुग्रह हए। जा अनुग्रहमे पक्को हुइके ठाणे रहाओ।