1 पतरस 2:16 - राना थारु नयाँ नियम

¹⁶ तुमके चाहो अनुसार काम करनसे तुमके रोकपान बारो कोइ नाए हए। काहेकी तुम हमर प्रभु येशू ख्रीष्टसे स्वतन्त्र करेगए हओ। पर जाके तुम खराब कामको बहाना मतबनाबओ। पर तुमके अपनो काममे जा दिखान पणैगो, कि तुम नेहात्तओ परमेश्वरके सेवक हओ।

परमेस्वर को सच्चो वचन

¹⁶ तुम आजाद लोगन के हानी जीबौ, फिर भी तुम परमेस्वर के दास हौ, तभईये अपनी आजादी को उपयोग बुराई करन के बहाने के रूप मैं मत करौ, परमेस्वर के दास के नाई जीबौ।

1 पतरस 2:16 交叉參考

मत्ती 23:13

“हे मोशाको नियम कानुन सिखान बारे और फरिसीनको समुह, कपटीयओ, परमेश्वर तुमके दण्ड देहए! काहेकी तुम आदमीनके, स्वर्गके राज्यमे प्रबेश करनके अनुमति नाए देत हओ, नए त तुम अपनए बोमे घुसत हओ, नए घुसन बारेके घुसन देत हओ।

यूहन्ना 15:22

अगर मए नाए अइतो और उनसे बात नाए करतो, तओ बे पापको दोषी नाए हुइते पर अब बिनके उनको पापके ताहीं कोइ बहाना नाए हए।

रोमियों 6:18

और परमेश्वर तुमके पापको शक्तिसे छुणाएके कारणसे तुम परमेश्वरके दास बनिगए, ताकी तुम बहे करओ जो सही हए।

रोमियों 6:22

पर अब पापसे स्वतन्त्र हुइके और परमेश्वरके दास बनके अब तुम बेहीं कामके करत हओ जो पबित्रता घेन लैजात हए। और जा तुमके अन्तमे कभी फिर नाश नाए होन बारो जीबनमे पुगबैगो।

1 कोरिन्थी 7:22

काहेकी जो कोइ कमैया हए, बो प्रभुमे बुलाओ गओ हए। बो एक स्वतन्त्र आदमी कता हए, काहेकी प्रभु येशू बोके बोको पापके शक्तिसे मुक्त करीहए और उइसीयए जो स्वतन्त्रके ताहीं बुलाओ गओ हए, बो ख्रीष्टके गुलाम बनत हए।

गलातियों 5:1

ख्रीष्ट हमके बचाए लइहए, ताकी हमके मोशाको नियम कानुनको पालन करनके ताहीं गुलामी कता जीइनको जरुरी नाए होए; अपनो स्वन्त्रताके पक्डे रहाओ, और नियम कानुनको पालन करनके ताहीं अपनएके फिरसे गुलामी बनन मतदेओ।

गलातियों 5:13

हे मेरे बिश्वासी ददाभइयओ, तुमके परमेश्वरके द्वारा छुटकारा होनके ताहीं बुलाओ गओ रहए, और जहेमारे अब तुमके मोशाको नियम कानुनके पालन करनके जरुरी नाए हए; और अपनी शारीरिक इच्छनके अनुसार चलन बारे मतबनाओ, बल्कि एक-दुस्रेसे प्रेम करओ और एक-दुस्रेको सेवा करओ।

इफिसियों 6:6

तुमके अपन मालिकको आज्ञापालन करन चाहो, तब्ही इकल्लो नाए जब बे तुमके देखत होमएं, पर तुम ख्रीष्टके दास हओ, जहेमारे तुमके अपनो पुरो मनसे बहे करन चाहो जो परमेश्वर चाँहत हए, कि तुम करओ।

कलस्सी 3:24

याद करओ, कि प्रभु तुमके इनाम देबैगो, जो जहेहए, कि ख्रीष्ट तुमके बे आशिष मैसे तुमर बाँट देबैगो जौनके बा अपने सब आदमीनके ताहीं तयार करीहए।

1 थेसलोनिकी 2:5

तुम जानत हओ, कि हम नए त कभी कोइसे अच्छो बात करके फसाए हएं, और नए त हम तुमसे धन पानके ताहीं लोभ करेहएं। परमेश्वर जाको साक्षी हए, कि हम अइसे नाए रहएं।

याकूब 1:25

पर बो आदमी जो परमेश्वरको सिद्ध मोशाको नियम कानुनके ध्यानसे पढत हए। जो मोशाको नियम कानुन आदमीनके पापसे स्वतन्त्र करबात हए। और जो बो सुनी हए, बोके बो नाए भुलत हए। पर उइसी करत हए, जैसे मोशाको नियम कानुन बोके सिखात हए। जहे कारणसे परमेश्वर बोको सब काममे बोके आशिष देहए।

याकूब 2:12

बे आदमी हानी बोलओ और ब्यबहार करओ, जौनको न्याय नियम कानुनके अनुसार होबैगो, जो हमके स्वतन्त्र करत हए।

2 पतरस 2:19

झुठे गुरु आदमीनसे कहात हएं, कि बे अपना चाहन बारो जो कोइ फिर काम करन स्वतन्त्र हएं। एक हिसाबसे बे अपनए फिर नोकर कता हएं, काहेकी बे अपनुवए पापी स्वभाबसे बिनके पापको काम करन मजबुर करत हएं। काहेकी जौन बात कोइ आदमीके जितत हए बहे बात बोके नोकर बनातहए।

यहूदा 1:4

मए जा लिखनडटो हओं, काहेकी झुटो शिक्षा सिखान बारे कोइ परमेश्वरको आज्ञा नाए मानन बारे कुछ आदमी तुमर बीचमे चुप्पएसे घुसँगे। जे आदमीनसे परमेश्वर बहुत पिढी अग्गु पबित्र-शास्त्रमे कही रहए, कि बा सजाए देबैगो। बे गलत अनैतिक काम करन बहाना बनानके ताहीं परमेश्वरको अनुग्रहके बारेमे हमर सन्देशके बदली हएं। बे हमर अकेलो मालिकके और प्रभु येशू ख्रीष्टके फिर अस्वीकार करत हएं।